प्याजको मूल्य २७ प्रतिशतले घट्यो

बुधबार, २० मङि्सर २०७४, १० : १६ नागरिक


काठमाडौं– एक हप्ताअघि प्रतिकेजी प्याजको औसत मूल्य एक सय २० रुपैयाँ थियो । मंगलबार प्याजको मूल्यमा २७ प्रतिशतले गिरावट आएको छ । कालीमाटी फलफूल तथा तरकारी बजार विकास समितिका अनुसार थोक बजारमा प्याजको मूल्य प्रतिकेजी ८९ रुपैयाँ रहेको छ ।
कालीमाटी फलफूल तथा तरकारी बजार विकास समितिका अध्यक्ष तथा कृषि विकास मन्त्रालयका सह–सचिव काशीराज दाहालले भारतमा प्याजको मूल्य वृद्धि भएकोले नेपालमा प्रत्यक्ष असर परेको बताए । ‘नेपालमा ९९ प्रतिशत प्याज भारतबाट आयात हुन्छ । अन्य तरकारीको तुलनामा प्याज पहिलो नम्बरमा आयात हुने भएका कारण भारतमा मूल्य वृद्धि हुनेबित्तिकै नेपालमा पनि वृद्धि भएको हो,’ उनले भने, ‘अहिले भारतमा सस्तिएसँगै नेपालमा पनि मूल्य घटेको छ ।’
नेपालमा अन्य तरकारीको तुलनामा प्याज कमै उत्पादन हुने गरेको दाहालको भनाइ छ । भारतको नयाँ दिल्लीमा खुद्रा बजारमा प्याज ७० देखि ८० भारतीय रुपैयाँ प्रतिकिलोमा कारोबार भइरहेको छ । भारतका अन्य प्रमुख सहरमा पनि उत्तिकै मात्रामा प्याजको भाउ बढिरहेको छ ।
कालीमाटी फलफूल तथा तरकारी बजारमा अहिले दैनिक चार सय ५० मेट्रिक टन तरकारी आपूर्ति हुन थालेको छ । तरकारी आयात ५० बाट ६५ प्रतिशत पुगेको दाहालको भनाइ छ । ‘पहिलो चरणको निर्वाचन सकिएसँगै तरकारी आयतमा थप राहत मिलेको छ,’ उनले भने, ‘नेपालमा तरकारी उत्पादन कम छ । भारतबाट आउने तरकारीमा पनि मूल्यवृद्धि भएको छ । यसले गर्दा तरकारी महँगिएको थियो ।’
यस्तै, सर्वसाधारणको भान्सादेखि उपत्यकाको पाँचतारे होटलसम्म दैनिक उपभोगमा आउने आलु, टमाटर, काउली लगायत तरकारीको मूल्य राहत हुने गरी घट्दै गएको समितिले जनाएको छ ।
समितिका वरिष्ठ अधिकृत मनोज धितालले सामान्यतया काठमाडौंमा दैनिक सात सय मेट्रकि टन तरकारी आपूर्ति हुने गरेको बताए । असोज–कात्तिकमा तरकारी उत्पादनमा तुलनात्मक रुपमा कमी आएका कारण बजारमा मूल्य तलमाथि भएको धितालको भनाइ छ ।







यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

आयो मिष्टर झोले !

आयो मिष्टर झोले !

चार वर्ष अघि निर्माण भएको डार्क कमेडी फिल्म ‘झोले’सँग नाम मिल्ने गरी बनाइएको फिल्म ‘मिष्टर झोले’को ट्रेलर सार्वजनिक भएको छ...

वितरकको पैसा फिर्ता गर्दै शाहरुख

वितरकको पैसा फिर्ता गर्दै शाहरुख

बलिउडमा ‘किङ खान’का रुपमा परिचित अभिनेता शाहरुख खानको पछिल्लो फिल्म ‘जब ह्यारी मेट सेजल’ बक्सअफिसमा फ्लप भयो । आफैले निर्माण...

विराट र अनुस्काको इटालीमा लगनगाँठो

विराट र अनुस्काको इटालीमा लगनगाँठो

भारतीय क्रिकेट टोलीका कप्तान विारट कोह्ली र बलिउड अभिनेत्री अनुस्का शर्मा वैवािहक बन्धनमा बाँधिएका छन्। उनीहरुले आज इटालीको फ्लेरेन्स सहरमा...

विवाहअघि नै गर्भवती मेघान ?

विवाहअघि नै गर्भवती मेघान ?

अमेरिकी अभिनेत्री मेगान मार्केल र बेलायती राजकुमार ह्यारीको हालैको इन्गेजमेन्ट र आगामी वर्षको मे महिनामा विवाह गर्ने समाचारले विश्वमा राम्रै...