मतदानपछि दाहालले भने– ‘अब राजनीति र संघर्षको हैन, विकास र सम्वृद्धिको यात्रा सुरु भयो’

बिहिबार, २१ मङि्सर २०७४, ०८ : ५२ रमेशकुमार पौडेल


चितवन– दोस्रो चरणअन्तर्गत प्रतिनिधि सभा र प्रदेश सभा सदस्य निर्वाचनमा अघि बिहान माओवादी केन्द्रका अध्यक्ष तथा पूर्व प्रधानमन्त्री पुष्पकमल दाहालले चितवन क्षेत्र नं. ३ अन्तर्गत रहेको भरतपुर महाननगरपालिका वडा नं. १४ शिवनगरको शान्तिपुर स्कुलमा मतदान गरेका छन् । दाहाल सो क्षेत्रको उम्मेदवार पनि हुन् ।

संविधान जारी भएपछि प्रदेश सभा र प्रतिनिधि सभाका लागि मतदान गर्न पाउनु आफ्ना लागि निकै गर्वको कुरा भएको मतदानपछि दाहालले बताए । ‘इतिहासको एउटा अध्याय र अर्को अध्ययाको सुरुवात भएको छ,’ दाहालले भने । यो निर्वाचनपछि राजनैतिक स्थीरता आउने र त्यसबाट विकास र निर्माणको रफ्तार बढ्ने दाहालले बताए ।
अबको यात्रा राजनीतिक संघर्षको हैन सम्वृद्धि र विकासको हुने दाहालको भनाइ थियो । यो चुनाबपछि पाँच वर्ष टिक्ने बलियो र स्थायी सरकार बन्ने दाहालले बताए । ‘सरकार पाँच वर्ष नटिक्दा विकास निर्माणले गति लिन पाएन । अहिले पहिलो चोटी त्यो स्थीतीको अन्त्य हुँदैछ । गठबन्धनले बहुमत ल्याउँदै छ । सरकार बनाएर विकास र सम्वृद्धिको एजेन्डामा केन्द्रित हुने अवसर निर्माण भएको छ’ दाहालको भनाइ थियो ।
कुन गठबन्धनले सरकार बनाउने गरेर बहुमत ल्याउँदै छ भन्ने प्रश्नमा दाहालले भने ‘जसको भए पनि गठबन्धनको बहुमत आउनु पर्छ भन्ने हो । यो पटक बामपन्थी गठबन्धनको बहुमत आउँछ । यसमा डाउट (शंका) छैन ।’ दाहाल बिहान सातै बजे नै मतदान केन्द्र पुगेका थिए । यसअघिका निर्वाचनमा चितवन क्षेत्र नं. २ अन्तर्गत रहेको भरतपुर–४ को लक्ष्मी मावि लंकु मतदान केन्द्रमा मतदान गर्दै आएका दाहालले पहिलो पटक शिवनगरबाट मतदान गरेका हुन् ।
कास्किमा जन्मेका दाहालले शिवनगरमा हुर्के बढेका र स्कुले शिक्षा पनि पुरा गरेका हुन् । चितवनमा १६१ ठाउँमा ४०८ मतदान केन्द्रहरु छन् । जिल्लामा प्रतिनिधि सभाका लागि तीन र प्रदेश सभाका लागि छ निर्वाचन क्षेत्र छन् । जिल्लाका कुल मतदाता संख्या तीन लाख ५४ हजार ३६ रहेको छ ।











यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

आयो मिष्टर झोले !

आयो मिष्टर झोले !

चार वर्ष अघि निर्माण भएको डार्क कमेडी फिल्म ‘झोले’सँग नाम मिल्ने गरी बनाइएको फिल्म ‘मिष्टर झोले’को ट्रेलर सार्वजनिक भएको छ...

वितरकको पैसा फिर्ता गर्दै शाहरुख

वितरकको पैसा फिर्ता गर्दै शाहरुख

बलिउडमा ‘किङ खान’का रुपमा परिचित अभिनेता शाहरुख खानको पछिल्लो फिल्म ‘जब ह्यारी मेट सेजल’ बक्सअफिसमा फ्लप भयो । आफैले निर्माण...

विराट र अनुस्काको इटालीमा लगनगाँठो

विराट र अनुस्काको इटालीमा लगनगाँठो

भारतीय क्रिकेट टोलीका कप्तान विारट कोह्ली र बलिउड अभिनेत्री अनुस्का शर्मा वैवािहक बन्धनमा बाँधिएका छन्। उनीहरुले आज इटालीको फ्लेरेन्स सहरमा...

विवाहअघि नै गर्भवती मेघान ?

विवाहअघि नै गर्भवती मेघान ?

अमेरिकी अभिनेत्री मेगान मार्केल र बेलायती राजकुमार ह्यारीको हालैको इन्गेजमेन्ट र आगामी वर्षको मे महिनामा विवाह गर्ने समाचारले विश्वमा राम्रै...