पहिलो चरणको मतगणना सुरु

बिहिबार, २१ मङि्सर २०७४, १७ : २४ नागरिक


काठमाडौं-  पहिलो चरणमा निर्वाचन भएका जिल्लाहरुमा साँझ पाँच बजेदेखिनै मतगणना हुँदैछ। पहिलो चरणमा ३२ जिल्लाका ३७ प्रतिनिधि सभा र प्रदेश सभाका ७४ क्षेत्रमा मंसिर १० गते निर्वाचन भएको थियो। दोस्रो चरणको मतदान सकिए लगत्तै प्राय जिल्लाको मतगणना गर्ने तयारी गरिएको निर्वाचन आयोगले जनाएकोछ। सर्वदलीय बैठक बसेर मतगणनालाई अघि बढाउन दलहरु लागेका छन्। पहिलो चरणमा ६५ प्रतिशत मत खसेको थियो।

सिन्धुपाल्चोकबाट नागरिककर्मी ध्रुब दंगालले दिएको जानकारी अनुसार जिल्लामा मतगणनाको तयारी भएको छ। उम्मेदवार तथा प्रतिनिधिहरु गणनास्थलमा आइपुगेका छन्। यस्तै गोरखाबाट नरहरी सापकोटाका अनुसार दुईवटा निर्वाचन क्षेत्र रहेको गोरखामा मतगणनाको तयारी सुरु भएको छ। क्षेत्र नम्बर १ को महिला तथा बालवालिका कार्यालयमा र २ को जिल्ला समन्वय समितिको कार्यालयमा तारबार सहित गणना सुरु गर्न लागिएको हो। मत गणना गर्ने कर्मचारी जाली भित्र छन् भने दल तथा उमेद्धवारका प्रतिनीधि जाली बाहिर छन्।

जाजरकोटबाट जनक केसीका अनुसार मतगणना सुरु भएको छ। जिल्लामा मतपेटिका खोलि सकिएको छ। दार्चुलामा पनि मगणना केही बेरमा सुरु हुँदैछ।

दोलखाबाट रमेश खतिवडाका अनुसार अहिले साँझ ५ बजे देखि मतगणना हुदैछ। मतगणनाको सबै तयारी पुरा भएको मुख्य निर्वाचन अधिकृतको कार्यालयले जनाएको छ । मुख्य निर्वाच्न अधिकृत एवं जिल्ला न्यायधिश प्रकाश कुमार काफ्लेका अनुसार जिल्ला अदालत परिसरमा तिन ओटा कोठाहरुमा एकै पटक मतगणना गरिदैछ। रसुवामा पनि मतगणनाको सम्पूर्ण तयारी पुरा भएको छ। बझाँङमा मतगणना सुरु भएको छ। बझाङमा ४ वटा केन्द्रबाट मतगणना गरिएको छ। यस्तै वैतडीबाट विरा गडालका अनुसार मतगणना सुरु भएको छ। पूर्वी रुकुममा पनि गणना सुरु भएको छ।

 खोटाङबाट दमन राईका अनुसार मत गणनाको सुरक्षाका लागि खोटाङमा तार जाली सहितको फलामे बार हालिएको छ। बिहिबार बेलुका ७ बजेबाट सुरु हुने मत गणनास्थलको सुरक्षाका लागि फलाममा डण्डी र तार जालीले बार हालिएको हो । मत गणनाका लागि मूख्या निर्वाचन अधिकृतको कार्यालय रहेको जिल्ला अदालतका चार वटा कोठामा मत गणनास्थलमै वेल्डिङ गरेर फलामे बार हालिएको छ । मत गणनाकाक्रममा सहभागी हुने उम्मेद्वारका प्रतिनिधिलाई सो तारजालीको बारभन्दा बाहिर राखेर मत गणना गरिने सहायक निर्वाचन अधिकृत प्रदीपकुमार उपाध्ययले बताए ।

ओखलढुंगामा बिहीबार साँझ ५ बजेपछि मतगणना सुरु गर्ने तयारी गरिएको छ। मत गणनाका लागि सम्पूर्ण तयारी पूरा भएको मूख्या निर्वाचन अधिकृतको कार्यालय ओखलढुंगाले जनाएको छ । मत गणनास्थलमा तार जालीको घेरा बारा बाहेक सिसि क्यामेरा समेत जडान गरिएको छ । ओखलढुंगामा प्रतिनिधिसभाको दुई कोठा र प्रदेशसभाको एक कोठामा गणना गर्ने तयारी गरिएको छ । सुरुमा प्रदेशसभा (क) को गणना गरि सकेर प्रदेशसभा (ख) को मत गणना गरिने मूख्या निर्वाचन अधिकृतको कार्यालयले जनाएको छ।  १ लाख २ हजार २५० मतदाता रहेको ओखलढुंगामा करिब ६४ प्रतिशत मत खसेको थियो ।

 

 

 







यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

आयो मिष्टर झोले !

आयो मिष्टर झोले !

चार वर्ष अघि निर्माण भएको डार्क कमेडी फिल्म ‘झोले’सँग नाम मिल्ने गरी बनाइएको फिल्म ‘मिष्टर झोले’को ट्रेलर सार्वजनिक भएको छ...

वितरकको पैसा फिर्ता गर्दै शाहरुख

वितरकको पैसा फिर्ता गर्दै शाहरुख

बलिउडमा ‘किङ खान’का रुपमा परिचित अभिनेता शाहरुख खानको पछिल्लो फिल्म ‘जब ह्यारी मेट सेजल’ बक्सअफिसमा फ्लप भयो । आफैले निर्माण...

विराट र अनुस्काको इटालीमा लगनगाँठो

विराट र अनुस्काको इटालीमा लगनगाँठो

भारतीय क्रिकेट टोलीका कप्तान विारट कोह्ली र बलिउड अभिनेत्री अनुस्का शर्मा वैवािहक बन्धनमा बाँधिएका छन्। उनीहरुले आज इटालीको फ्लेरेन्स सहरमा...

विवाहअघि नै गर्भवती मेघान ?

विवाहअघि नै गर्भवती मेघान ?

अमेरिकी अभिनेत्री मेगान मार्केल र बेलायती राजकुमार ह्यारीको हालैको इन्गेजमेन्ट र आगामी वर्षको मे महिनामा विवाह गर्ने समाचारले विश्वमा राम्रै...