म्याग्दीमा मतगणना सुरू

बिहिबार, २१ मङि्सर २०७४, १८ : ५४ नागरिक


म्याग्दी – पहिलो चरणमा निर्वाचन सम्पन्न भएको म्याग्दीमा बिहीबार साँझ पाँच बजेबाट मतगणना सुरू भएको छ । मुख्य निर्वाचन अधिकृतको कार्यालयमा निर्धारित समयमै प्रतिनिधिसभा र प्रदेशसभाको मतगणना सुरू भएको हो ।

राजनीतिक दलका प्रतिनिधिहरूको उपस्थितिमा मुख्य निर्वाचन अधिकृत राजकुमार कोइरालाले सिलबन्दी खोलेर उम्मेदवार र प्रतिनिधिहरूको उपस्थितिमा मतगणना सुरू भएको हो। प्रतिनिधिसभाको दुई र २ वटा प्रदेशसभाको एक–एक ठाउँमा गरी चार ठाउँमा मतगणना गरिएको छ । बन्द कोठाबाट निकालिएको मतपेटिकाबाट प्रतिनिधिसभाको बेनी नगरपालिका–३ भकिम्लीको १४ सय १ र बेनपा–४ सिंगाको १४ सय ९८ मत, त्यसैगरी प्रदेश ‘क’ अन्र्तगत बेनपा–४ र पश्चिम म्याग्दीको धौलागिरी गाउँपालिका–७ ताकमको १५ सय ३० मत गणना सुरु भएको सहायक निर्वाचन अधिकृत राजु ढुंगानाले बताए । 

‘मतगणना रोकिदैन्, मतगणनास्थलमा समेत कडा सुरक्षा व्यवस्था मिलाइएको छ’ उनले भने । उम्मेदवारलाई तोके बाहेकका प्रतिनिधि बाहेक अन्यलाई मतगणनास्थलमा प्रवेश दिइएको छैन् । दलका प्रतिनिधिहरूले तारजाली बाहिरबाट मतपत्र हेर्ने व्यवस्था मिलाइएको छ । बन्द कोठामा राखिएको मतपेटिका दलको उपस्थितिमा निकालिएको थियो । बेनी नगरपालिका र धौलागिरी गाउँपालिकाबाट सुरु भएको मतगणना सुरु गरिएको थियो । प्रतिनिधिसभा र प्रदेशसभाको मतपत्र एक अर्को मतपेटिकामा भेटिएमा समेत बदर हुने ब्यवस्था मिलाइएको छ। 

म्याग्दीमा वडा अनुसार मतगणना गर्ने दलले सहमति जनाएका थिए । एक हजार पाँच सय भन्दा कम मत खसेका वडाहरूको अर्को वडामा मिसाएर गणना गरिने छ। एक नगरपालिका, ५ गाउँपालिका, ४५ वटा वडा भएको म्याग्दीमा ७५ हजार ५३७ मतदाता रहेकोमा ४७ हजार ४४९ मत खसेको थियो ।

यसैबीच मतगणनास्थल बाहिर सुरक्षा ब्यवस्था कडा बनाइएको छ । नेपाली सेना, शसस्त्र प्रहरी, नेपाल प्रहरी परिचालन गरिएको छ । मत गणनास्थलमा प्रमुख जिल्ला अधिकारी कृष्णप्रसाद अधिकारी सहित सुरक्षा निकायका प्रमुखहरूको समेत उपस्थिति रहेको छ। मतगणनाको निगरानी गर्न सिसी टिभी क्यामेरा जडान भएको छ । मतगणनाका लागि एउटा समूहमा दश जनाका दरले कर्मचारी खटाइने भएको छ । ९० जना कर्मचारी छनौट भएका छन् । मगणनास्थलमा मोबाइल, पानी, खानेकुरा निषेध गरिएको छ। 







यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

विवाहअघि नै गर्भवती मेघान ?

विवाहअघि नै गर्भवती मेघान ?

अमेरिकी अभिनेत्री मेगान मार्केल र बेलायती राजकुमार ह्यारीको हालैको इन्गेजमेन्ट र आगामी वर्षको मे महिनामा विवाह गर्ने समाचारले विश्वमा राम्रै...

नयाँ पुस्ताले सम्झाए नारायण गोपाल

नयाँ पुस्ताले सम्झाए नारायण गोपाल

नारायण गोपालको २७ औं स्मृति दिवसमा पछिल्लो पुस्ताका थुप्रै गायक गायिकाले उनका गीत गाएर स्वर सम्राटको सम्झनालाई जिवन्त बनाएका थिए...

युट्युबमा जीवन्त नारायण गोपाल

युट्युबमा जीवन्त नारायण गोपाल

नारायाण गोपालले गाएका गीतहरु कम्तिमा दुई दशक पुराना भइसके। उनी निधन भएकै आज २७ वर्ष पूरा भइसक्यो। तर भिडियो सेयरिङ...

शशि कपुरको अन्तिम संस्कार आज

शशि कपुरको अन्तिम संस्कार आज

सोमबार साँझ मुम्बईमा मृत्यु भएका बलिउड अभिनेता शशि कपुरको अन्तिम संस्कार आज मध्यान्ह गरिने भएको छ । उनको मृत्यु सोमबार...