लामो ट्विट नै लोकप्रिय

शनिबार, ०१ पुष २०७४, १० : ४९ नागरिक


गत महिना ट्विटरले एक सय ४० ‘क्यारेक्टर’ सीमालाई हटाएर दोब्बर बनायो । सुरुमा केही सीमित प्रयोगकर्ताबाट परीक्षणका रूपमा सुरु गरेको दुई सय ८० ‘क्यारेक्टर’को ट्विट सीमा नोभेम्बरको पहिलो सातादेखि सबैले प्रयोग गर्न पाए ।
दुई सय ८० ‘क्यारेक्टर’ बन्ने चर्चा भएसँगै ट्विटरको आलोचना भयो । धेरैले यसलाई गिज्याए । आलोचना ट्विटरको लम्बाइमा मात्र सीमित रहेन, ट्विटरमा भइरहेका दुव्र्यवहारलाई घटाउन कदम नचालेकामा पनि आलोचना भयो ।
ट्विटरले आवश्यक कदम नचाल्ने तर अन्य कुरामा ध्यान दिने भन्दै धेरैले आलोचना गरेका थिए । प्रयोगकर्ताले दुई सय ८० ‘क्यारेक्टर’बारे बहस गर्न ट्विटर दुई सय ८० ह्यासट्याग  नै चलाए । केही दिन ट्विटर समुदायमा यो ह्यासट्याग ट्रेन्डिङकै रूपमा चल्न पुग्यो ।  
सबै प्रयोगकर्ताले प्रयोग गर्न नपाउँदै विरोध भएको दुई सय ८० ‘क्यारेक्टर’ बारे हाल गरिएका सर्वेक्षण नतिजाले भने ट्विटरलाई सायद सान्त्वना दिइरहेको हुनुपर्छ । सुरुवाती सर्वेक्षण र तथ्यांकले दुई सय ८० ‘क्यारेक्टर’को परिवर्तनलाई सकारात्मक रूपमा देखाएका छन् । ‘सोसल फ्लो’ नामक सामाजिक सञ्जाल विश्लेषक कम्पनीले ट्विटर प्रयोगकर्ताले लामो ट्विट मन पराएको दाबी गरेको छ ।
‘सुरुवाती केही शब्दले नै प्रभाव पार्न सफल भए हामी लामो ट्विट पनि पूरै पढ्छौँ,’ कम्पनीका सामाजिक सञ्जाल विश्लेषक तथा सहसंस्थापक फ्र्यांक स्पेइसरले अन्तर्राष्ट्रिय मिडियामा भनेका छन् । कम्पनीले ट्विटर प्रयोगबारे एउटा अध्ययन गरेको थियो । अध्ययनपछि कम्पनीको निष्कर्ष छ, ‘हामी लामा ट्विट पढ्न चाहन्छौँ ।’
‘सोसल फ्लो’ले नोभेम्बर २९ देखि डिसेम्बर ६ सम्मका करिब ३० हजार ट्विटको ट्र्याक गरेर विश्लेषण थालेको थियो । एक सय ४० ‘क्यारेक्टर’भन्दा लामा ट्विट औसतमा २६ दशमलव ४२ पल्टभन्दा धेरै रिट्विट गरिएका थिए । छोटा ट्विट भने औसतमा १३ दशमलव ७१ पल्ट मात्र रिट्विट गरिएका थिए । लामा ट्विटलाई औसतमा ५० दशमलव २८ पल्ट लाइक गरिएको थियो भने छोटा ट्विटलाई औसतमा २९ दशमलव ९६ पल्ट लाइक गरिएको थियो ।
यो निष्कर्ष ट्विटरले यसका ३३ करोडभन्दा धेरै प्रयोगकर्तालाई दुई सय ८० ‘क्यारेक्टर’सम्म ट्विट गर्न दिने आधिकारिक निर्णय गरेको करिब एक महिनापछि आएको हो ।
सेप्टेम्बरदेखि नै ट्विटरले छानिएका समूहमा सफल परीक्षण गरेपछि यसलाई व्यापक बनाएको थियो ।  ट्विटरका प्रवक्ताले गत नोभेम्बरमा कम्पनीले प्रकाशित गरेको ‘ब्लग पोस्ट’लाई आधिकारिक भन्दै थप टिप्पणी गर्न चाहिनन् । दुई सय ८० ‘क्यारेक्टर’ सीमा सबैका लागि खुला गरिएपछि ट्विटरले ‘ब्लग पोस्ट’ प्रकाशित गरेको थियो । त्यसमा कम्पनीको आन्तरिक सर्वेक्षणले लामो ट्विट लेख्नेको ट्विट धेरै रिट्विट हुने पाएको जनाएको थियो । यसैगरी उनीहरूले धेरै ‘फलोअर’ पाउने र ट्विटरमा धेरै समय बिताउने उल्लेख गरेको थियो ।
सिनेट डटकमबाट अनुवादित
 






यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

सेल्फि र सेल्फि फोनको लहर

सेल्फि र सेल्फि फोनको लहर

सेल्फि फोनको ट्रेन्डलाई नियालेर हेर्दै र सेल्फि क्यामरा राम्रो हुनलाई केको आवश्यकता पर्छ भन्ने विषयमा टिप्पणी । ...

ट्याब्लेट रोज्दा खोज्नुपर्ने उत्तरहरु

ट्याब्लेट रोज्दा खोज्नुपर्ने उत्तरहरु

सानदार स्क्रिन हुने, बोक्न गाह्रो नहुने र चलाउन सजिलो हुने भएकाले ट्याब्लेट छोटो समयमा नै अत्यधिक लोकप्रिय भएको छ ।...

ल्यापटप छान्न सरल

ल्यापटप छान्न सरल

गाह्रोभन्दा गाह्रो कामहरु पनि सजिलै गर्न मिल्ने तर जता पनि सजिलै बोकेर हिंड्न मिल्ने भएकाले ल्यापटप अहिले पुराना शैलीका डेस्कटप...

टिभीको नयाँ रुपलाई नियाल्दा

टिभीको नयाँ रुपलाई नियाल्दा

टिभी हेर्न सजिलो छ । किन्न भने त्यति सरल नहुन सक्छ । अहिले पुराना शैलीका सिआरटि टिभीहरु उत्पादन हुन छोडिसके...

बसन्त पञ्चमीमा साँगीतिक कन्सर्ट

बसन्त पञ्चमीमा साँगीतिक कन्सर्ट

झण्डै डेढ महिनादेखी बढेको चिसोविच सोमवार मनाइएको बसन्तपञ्चमीको अवरमा वीरगन्जस्थित ठाकुरराम बहुमुखि क्याम्पसमा आयोजित साँगितिक कन्सर्टले माहोल ततायो। ...

‘हस्पिटालिटी नेपाल कन्टेस्ट’को पोखरामा अडिसन

‘हस्पिटालिटी नेपाल कन्टेस्ट’को पोखरामा अडिसन

दोस्रो सिजनको हस्पिटालिटी नेपाल कन्टेस्टको पहिलो अडिसन पोखरामा भएको छ। शनिबार पोखरामा भएको अडिसनमा कुल २८ जनाले सहभागिता जनाएका थिए।...

चीनमा रुचाइयो आमिरको पछिल्लो फिल्म

चीनमा रुचाइयो आमिरको पछिल्लो फिल्म

बलिउडका ‘मिस्टर परफेक्शनिष्ट’ आमिर खानको पछिल्लो फिल्म ‘सिक्रेट सुपरस्टार’लाई चीनमा रुचाइएको छ। भारतीय सञ्चारमाध्यमका अनुसार यो फिल्मले चिनियाँ बक्स अफिसमा...

प्रदर्शन मिति नजिकिँदा ‘पद्मावत’ को विरोध बढ्दो

प्रदर्शन मिति नजिकिँदा ‘पद्मावत’ को विरोध बढ्दो

सञ्जयलिला भन्सालीको विवादित फिल्म ‘पद्मावती’को विरोध बढिरहेको छ। जनवरी २५ मा प्रदर्शन हुने फिल्मको रिलिज मिति नजिकिँदा भारतका विभिन्न राज्यमा...