कांग्रेसप्रति जनताले ठूलो भरोसा गरेका छन् : ज्ञानेन्द्र कार्की

आइतबार, ०२ पुष २०७४, १० : १० नागरिक


विगतमा जन्मस्थल भोजपुरबाट चुनाव लड्दै आएका नेपाली कांग्रेसका नेता ज्ञानेन्द्र कार्की यसपटक भने सुनसरीको क्षेत्र नम्बर ४ बाट प्रतिनिधिसभामा विजयी भए । उनीसँग गरिएको कुराकानी:

पार्टीको साइज घटनुमा दोष अरूमाथि थोर्पनुभन्दा जसजसले जे जिम्मेवारी लिएका थियौँ, सबैले लिनुपर्छ । अब पार्टीको जिम्मेवारीमा बसेका सबैले जे जति गर्नुपर्ने हो, त्यसलाई पूरा गर्नु जरुरी छ ।
 

निर्वाचित भएपछि कस्तो अनुभव भएको छ ?
म सर्वप्रथम सम्पूर्ण मेरा मतदातालाईं हार्दिक आभार व्यक्त गर्छु । मलाई सुनसरी क्षेत्र नं. ४ का मतदाताले जुन विश्वास सुम्पिनु भयो त्यसले मलाई हर्षित तुल्याएको छ । अर्कातिर कर्तव्यबोधले चिन्तित पनि छु ।

यसअघि तपाईं भोजपुरबाट उम्मेदवार बन्दै आउनुभएकामा यसपटक चाँहि किन सुनसरीबाट बन्नुभयो ?
पठन–पाठन तथा राजनीतिक संघर्षका क्रममा अधिकांश समय राजधानी काठमाडौँ बसे पनि सुनसरीसँग म कहिल्यै टाढा रहिनँ । बाल्यकाल बिताएको यो क्षेत्रको सेवामा आफ्नो बाँकी जीवन समर्पित गर्ने मेरो इच्छा तथा यस क्षेत्रका जनताको आग्रहअनुसार पार्टीले मलाई सुनसरी क्षेत्र नम्बर ४ बाट प्रतिनिधिसभा सदस्यको उम्मेदवार बनायो । जनताले विश्वास र भरोसा गरेर विजयी गराएका छन्  ।
निर्वाचित सांसदको हैसियतले आफ्नो क्षेत्रमा कस्तो कार्ययोजनालाई प्राथमिकतामा राख्नुहुन्छ ?
सुनसरी क्षेत्र नं. ४ पिछडिएको क्षेत्र हो । यहाँ गरिबी र बेरोजगारी छ । जसले गर्दा क्षेत्र नं. ४ लाई विकसित गराउनका निम्ति मैले निर्वाचनताका जे प्रतिबद्धता व्यक्त गरेको थिएँ । ती प्रतिबद्धता पूरा गर्नेछु । खासगरी कोशीटप्पु वन्यजन्तु आरक्ष आसपासका बस्तीमा म चुनावी अभियानमा सक्रिय रहँदा चार जना सर्वसाधारणको हात्तीको आक्रमणबाट ज्यान गयो । यस घटनाले मलाई गहिरो चोट पु¥याएको छ । हात्तीलाई बस्तीमा पसेर क्षति पु¥याउन नदिनका निम्ति मैले तुरुन्तै केही काम गर्नेछु ।
सुनसरी खोला सिँचाइ आयोजना निर्माण गर्ने मेरो अर्को योजना छ । क्षेत्र नं. ४ लाई लक्षित गरेर कृषि क्षेत्रमा आधुनिकीकरण गरी आशलाग्दो काम गर्नेछु । सडक मर्मत, स्तरोन्नति र स्वास्थ्य पहुँच पु¥याउन क्रमिक रूपले जनताको सेवा र सुविधा विस्तार गर्ने गरी काम गर्नेछु । साथै, कृषि उत्पादनको बजारीकरणका लागि उपयुक्त स्थान हेरेर कृषि बजार र शित भण्डार स्थापना गराउनेछु । पशुपालन गर्ने र दूध उत्पादन गर्ने किसानहरूका लागि दूध संकलन तथा चिस्यान केन्द्र स्थापना गर्नेछु  ।

तपाईंको क्षेत्रमा गरिबी र बेरोजगारी समस्या समाधान गर्ने उपाय के छ ?
क्षेत्र नं. ४ को गरिबी र बेरोजगारी समस्या समाधान गर्न औद्योगिक क्षेत्र विकसित गर्ने सोच छ । साथै, युवा, महिला, दलित केन्द्रित कार्यक्रम पनि ल्याउनेछु ।
 
तपाईंका क्षेत्रका मुख्य समस्या के–कस्ता मुख्य छन् ?
यस क्षेत्रलाई समस्यामा पारेका कोशी नदी, सुनसरी खोला र कोशी टप्पु वन्यजन्तु आरक्ष र यसको मध्यवर्ती क्षेत्रको जैविक विविधतालाई अवसरका रूपमा परिणत गर्नेछु । सिँचाइ, सडक, वन्यजन्तु मानवबस्तीमा प्रवेश गर्नु, कोशी पीडितले राहत नपाउनुलगायतका मुख्य समस्या छन् । यी समस्या समाधान तत्काल नै पहल गर्नेछु ।

सांसदले खालि आश्वासन बाँड्छन्, पूरा गर्दैनन् भन्ने आमगुनासो छ, यसबारे के भन्नुहुन्छ ?
जनताले आशंका गर्नु स्वाभाविक पनि हो । तर, मैले निर्वाचनताका व्यक्त गरेका प्रतिबद्धता पूरा गर्छु । म पृथक् ढंगले काम गरेर देखाउँछु ।
 

पार्टीको आकार खुम्चिएपछि कांग्रेसबाटै राजनीतिक भविष्य सुनिश्चित गर्न के गर्नुपर्ला अब ?
पार्टीको समानुपातिक मत हेर्दा कांग्रेसप्रति जनताले ठूलो भरोसा गरेका छन् । पार्टीको आकार खुम्चिएपछि चिन्तित भएर व्यवस्थित र एकताबद्ध तथा अनुशासित बनाएर त लानु नै पर्छ । पार्टीले अवलम्बन गरेका नीति समयसापेक्ष नै छन् । खासगरी कसरी चलायमान बनाउने त्यसमा नीति बनाएर अघि बढनुपर्छ, पार्टी सुध्रन्छ ।
 

पार्टीको आकार खुम्चिनुमा कसको दोष छ ? यसमा त पार्टी नेतृत्वले जिम्मेवारी लिनुपर्ने होइन् ?
पार्टीको साइज घटनुमा दोष अरूमाथि थोर्पनुभन्दा जसजसले जे जिम्मेवारी लिएका थियौँ, सबैले लिनुपर्छ । अब पार्टीको जिम्मेवारीमा बसेका सबैले जे जति गर्नुपर्ने हो, त्यसलाई पूरा गर्नु जरुरी छ ।

तपाईं अहिले अर्थमन्त्री हुनुहुन्छ । अर्थमन्त्री हुँदा तपाईंले के गर्नुभयो ?
म नै अर्थमन्त्री भएपछि एसिएन–अमेरिकन एड ५०–५२ अर्बको भित्रियो । मुलुकको अर्थतन्त्रको विकास गराउन कदम चालेँ । वित्तीय अनुशासन कायम राख्न मेरो कार्यकालमा ध्यान केन्द्रित गरेँ । अर्थतन्त्र दिगो बनाउन दिगो विकासको प्रयत्न गरिएको छ । विगत सरकारले ल्याएको बजेटमा काम गर्नुपरेको र पूरक बजेट चुनावी आचारसंहिताले गर्दा ल्याउन नपाएकाले गर्दा धेरै युवा, किसान, मजदुरका निम्ति प्याकेज ल्याउन सकिएन । मेरो कार्यकाल छोटो भएकाले गर्दा पनि सोचे अनुसारका धेरै काम गर्न नपाइने भो ।  
अबको अर्थमन्त्रीले केलाईं ध्यान दिएर अघि बढ्नुपर्छ ?
अब हुने अर्थमन्त्रीले मुलुकलाई दिगो विकासको बाटोमा अग्रसर गराउनुपर्छ । मुलुकलाई आत्मनिर्भर गराउने दिशामा काम गर्नुपर्छ ।  

मतदातालाई के सन्देश छ ?
मतदाताले मप्रति जुन विश्वास गरेका छन, समग्र सुनसरी क्षेत्र नं. ४ को विकास र जनताको सेवाको निम्ति पाँच वर्षभित्र समर्पित भएर लाग्नेछु ।

प्रस्तुति : अमर खड्का






यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

सेल्फि र सेल्फि फोनको लहर

सेल्फि र सेल्फि फोनको लहर

सेल्फि फोनको ट्रेन्डलाई नियालेर हेर्दै र सेल्फि क्यामरा राम्रो हुनलाई केको आवश्यकता पर्छ भन्ने विषयमा टिप्पणी । ...

ट्याब्लेट रोज्दा खोज्नुपर्ने उत्तरहरु

ट्याब्लेट रोज्दा खोज्नुपर्ने उत्तरहरु

सानदार स्क्रिन हुने, बोक्न गाह्रो नहुने र चलाउन सजिलो हुने भएकाले ट्याब्लेट छोटो समयमा नै अत्यधिक लोकप्रिय भएको छ ।...

ल्यापटप छान्न सरल

ल्यापटप छान्न सरल

गाह्रोभन्दा गाह्रो कामहरु पनि सजिलै गर्न मिल्ने तर जता पनि सजिलै बोकेर हिंड्न मिल्ने भएकाले ल्यापटप अहिले पुराना शैलीका डेस्कटप...

टिभीको नयाँ रुपलाई नियाल्दा

टिभीको नयाँ रुपलाई नियाल्दा

टिभी हेर्न सजिलो छ । किन्न भने त्यति सरल नहुन सक्छ । अहिले पुराना शैलीका सिआरटि टिभीहरु उत्पादन हुन छोडिसके...

बसन्त पञ्चमीमा साँगीतिक कन्सर्ट

बसन्त पञ्चमीमा साँगीतिक कन्सर्ट

झण्डै डेढ महिनादेखी बढेको चिसोविच सोमवार मनाइएको बसन्तपञ्चमीको अवरमा वीरगन्जस्थित ठाकुरराम बहुमुखि क्याम्पसमा आयोजित साँगितिक कन्सर्टले माहोल ततायो। ...

‘हस्पिटालिटी नेपाल कन्टेस्ट’को पोखरामा अडिसन

‘हस्पिटालिटी नेपाल कन्टेस्ट’को पोखरामा अडिसन

दोस्रो सिजनको हस्पिटालिटी नेपाल कन्टेस्टको पहिलो अडिसन पोखरामा भएको छ। शनिबार पोखरामा भएको अडिसनमा कुल २८ जनाले सहभागिता जनाएका थिए।...

चीनमा रुचाइयो आमिरको पछिल्लो फिल्म

चीनमा रुचाइयो आमिरको पछिल्लो फिल्म

बलिउडका ‘मिस्टर परफेक्शनिष्ट’ आमिर खानको पछिल्लो फिल्म ‘सिक्रेट सुपरस्टार’लाई चीनमा रुचाइएको छ। भारतीय सञ्चारमाध्यमका अनुसार यो फिल्मले चिनियाँ बक्स अफिसमा...

प्रदर्शन मिति नजिकिँदा ‘पद्मावत’ को विरोध बढ्दो

प्रदर्शन मिति नजिकिँदा ‘पद्मावत’ को विरोध बढ्दो

सञ्जयलिला भन्सालीको विवादित फिल्म ‘पद्मावती’को विरोध बढिरहेको छ। जनवरी २५ मा प्रदर्शन हुने फिल्मको रिलिज मिति नजिकिँदा भारतका विभिन्न राज्यमा...