सर्लाहीमा राजपा पहिलो, कांग्रेस दोस्रो

आइतबार, ०२ पुष २०७४, १९ : ४७ नागरिक


सर्लाही- प्रतिनिधि सभा एवं प्रदेश सभा निर्वाचन अन्तर्गत सर्लाहीमा समानुपातिकतर्फ सबैभन्दा बढी मत राजपाले प्राप्त गरेको छ। आईतबार दिउँसो सम्पन्न गणना अनुसार सर्लाहीमा प्रतिनिधि सभा र पदेश सभा दुवै तर्फ राजपाले अग्रस्थान हाँसिल गरेको हो।

राजपाले समानुपातिक तर्फ प्रतिनिधि सभामा ७२ हजार ५८५ तथा प्रदेशमा ६६ हजार ५१५ मत पाएको छ । राजपा अध्यक्ष मण्डलका अध्यक्ष महन्थ ठाकुर एवं सदस्यहरु राजेन्द्र महतो र महेन्द्र रायको गृह जिल्ला सर्लाहीमा समानुपातिक तर्फ सबैभन्दा बढी मत बटुलेर शिर्ष नेताहरुको नाक जोगाएको छ। पहिलो हुने निर्वाचित हुने प्रणाली तर्फ प्रतिनिधि सभामा २ तथा प्रदेश सभामा २ जना राजपाका उम्मेद्वार जित्न सफल भएका थिए।

त्यस्तै नेपाली कांग्रेसले प्रतिनिधिसभा तर्फ ६२ हजार ७२१ र प्रदेशतर्फ ५५ हजार ५६५ मतजोड्दै दोस्रो स्थान ओगटेको छ। कांग्रेसले प्रत्यक्ष तर्फ क्षेत्र नं. ४ र उक्त क्षेत्रका दुवै प्रदेशमा जीत हाँसिल गरेको थियो । अन्य दलहरुले गठबन्धन गरेर प्रत्यक्षतर्फ क्षेत्र बाँडेको भए पनि कांग्रेसले ४ वटै प्रतिनिधि सभा एवं ८ प्रदेश सभामा उम्मेद्वार खडा गरेको थियो । कांग्रेसबाट ४ वटै प्रतिनिधिसभामा प्रत्यक्ष तर्फ उम्मेद्वारले पाएको मतजोड्दा ८३ हजार ६५५ रहेको छ । प्रत्यक्षमा उम्मेद्वारले पाए सरह मत भए सर्लाहीमा समानुपातिक तर्फ पनि कांग्रेस नै पहिलो हुने थियो।

त्यसैगरी प्रत्यक्षतर्फ प्रतिनिधिसभामा एउटा पनि उम्मेद्वार जिताउन नसकेको नेकपा एमालेले समानुपातिक तर्फ भने तेस्रो स्थानमा मतहाँसिल गरेको छ । २ वटा प्रदेश विधायकमा चित्त बुझाएको एमालेले समानुपातिक तर्फ भने प्रतिनिधिसभामा ३१ हजार ९१ र प्रदेशमा २९ हजार ३७३ मतपायो ।

प्रतिनिधि सभातर्फ २९ हजार ७६५ र प्रदेशतर्फ २७ हजार ४०६ मत प्राप्त गर्दै नेकपा माओवादी केन्द्रले समानुपातिकमा चौथो स्थान हाँसिल गरेको छ । उसले प्रत्यक्षतर्फ क्षेत्र नं. ३ बाट प्रतिनिधि सभामा एक जना उम्मेद्वार जिताउन सफल भएको थियो।

त्यसैगरी एक समय मधेशको ठूलो शक्तिको रुपमा स्थापित भएको संघीय समाजवादी फोरम समानुपातिक मतमा पाँचौ स्थानमा सिमित रह्यो । प्रत्यक्ष तर्फ प्रदेश सभामा २ जना विधायक जिताउन सफल फोरमले समानुपातिकमा भने प्रतिनिधिसभातर्फ १६ हजार ६५६ र प्रदेशतर्फ १७ हजार ४५८ मतपाएको छ।






यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

सेल्फि र सेल्फि फोनको लहर

सेल्फि र सेल्फि फोनको लहर

सेल्फि फोनको ट्रेन्डलाई नियालेर हेर्दै र सेल्फि क्यामरा राम्रो हुनलाई केको आवश्यकता पर्छ भन्ने विषयमा टिप्पणी । ...

ट्याब्लेट रोज्दा खोज्नुपर्ने उत्तरहरु

ट्याब्लेट रोज्दा खोज्नुपर्ने उत्तरहरु

सानदार स्क्रिन हुने, बोक्न गाह्रो नहुने र चलाउन सजिलो हुने भएकाले ट्याब्लेट छोटो समयमा नै अत्यधिक लोकप्रिय भएको छ ।...

ल्यापटप छान्न सरल

ल्यापटप छान्न सरल

गाह्रोभन्दा गाह्रो कामहरु पनि सजिलै गर्न मिल्ने तर जता पनि सजिलै बोकेर हिंड्न मिल्ने भएकाले ल्यापटप अहिले पुराना शैलीका डेस्कटप...

टिभीको नयाँ रुपलाई नियाल्दा

टिभीको नयाँ रुपलाई नियाल्दा

टिभी हेर्न सजिलो छ । किन्न भने त्यति सरल नहुन सक्छ । अहिले पुराना शैलीका सिआरटि टिभीहरु उत्पादन हुन छोडिसके...

पद्मावतीलाई चार राज्यमा प्रतिबन्ध, अदालत पुगे निर्माता

पद्मावतीलाई चार राज्यमा प्रतिबन्ध, अदालत पुगे निर्माता

राजपूत समुदायको विरोधपछि फिल्मको नाम परिवर्तन (पद्मावत) र दृश्य परिमार्जनसहित सेन्सर बोर्डबाट प्रदर्शनको अनुमति पाएको ‘पद्मावती’लाई राजसंस्थान, हरियाणा, गुजरात र...

साली बन्दै मरिस्का

साली बन्दै मरिस्का

नेपाली कथानक चलचित्र ‘साली कसको भेनाको’ मंगलबार चितवनमा शुभमुहूर्त गरिएको छ । मुभिङ पिक्चर्सद्वारा निर्मीत फिल्ममा वरिष्ठ कलाकार ऋद्धिचरण श्रेष्ठले...

‘शेरबहादुर हलिउडबाट प्रभावित’

‘शेरबहादुर हलिउडबाट प्रभावित’

फिल्म ‘शेरबहादुर’को ट्रेलर सार्वजनिक हुँदा यो फिल्म हलिउडको फिल्म ‘डन्ट ब्रिथ’बाट प्रभावित भएको आरोप लागेको थियो । फिल्म प्रभावित भएको...

लघुकथा वाचन तथा विमोचन

लघुकथा वाचन तथा विमोचन

शब्दपथको आयोजनामा लघुकथा सर्जक महेश प्रसार्इंको लघुकथा ‘अतिरिक्त स्वरहरू’को विमोचन ललितपुरको सिद्धेश्वर मन्दिर प्राङ्गण, लेलेमा सम्पन्न गरिएको छ । ...