समानुपातिकमा १० लाख मत खेर गयो

सोमबार, ०३ पुष २०७४, ०८ : १४ भाषा शर्मा  | @sb_language


काठमाडौं- प्रतिनिधिसभा र प्रदेशसभा निर्वाचनअन्तर्गत समानुपातिकतर्फ करिब १० लाख मत खेर गएको छ । कुल सदर मतको तीन प्रतिशत ल्याउन नसकेका कारण साना दललाई प्राप्त  मत खेर गएको हो ।

समानुपातिकतर्फ १० लाख ७९ हजार बढी मत बदर भएको छ । खेर जाने मत र बदर मत बराबरजस्तै छ । खेर जाने र बदर मत जोड्दा २० लाख ७६

गणना नहुने अर्थात् खेर जाने मत काठमाडौं उपत्यकाका तीन जिल्लाको मतदाता संख्या बराबर छ । समानुपातिकतर्फको मतगणना सकिँदा त्यत्तिकै मात्रामा मत बदर भएको छ । १० लाख ७९ हजार बढी मत बदर भएको छ । खेर जाने मत र बदर मत बराबरजस्तै छ । खेर जाने र बदर मत जोड्दा २० लाख ७६ हजार हुन्छ । यो मत संख्या उपत्यकाका तीन जिल्लाका मतदाता संख्याभन्दा दोब्बर हो । काठमाडौं, भक्तपुर र ललितपुरको मतदाता संख्या १० लाख ९ हजारभन्दा बढी छ ।
पहिलो चरणमा मंसिर १० र दोस्रो चरणमा मंसिर २१ मा भएको निर्वाचनमा १ करोड ५ लाख ८७ हजार ५ सय २१ मत खसेको थियो । समानुपातिकतर्फ ९५ लाख ८ हजार १ सय ४४ मत सदर भएको छ । खसेको मत र दलहरूले ल्याएको मतलाई हेर्दा १० प्रतिशत मत बदर छ ।
सदर मतको तीन प्रतिशत २ लाख ८५ हजार २ सय ४४ मत हुन्छ । तीन प्रतिशत मत कटाउने राजनीतिक दलले मात्र प्रतिनिधिसभामा समानुपातिक प्रतिनिधित्व गर्न पाउने कानुनी व्यवस्था छ । प्रत्यक्षतर्फ एक सिट जितेका र समानुपातिकतर्फ ३ प्रतिशत मत ल्याउने दलले राष्ट्रिय दलको मान्यता पाउँछन् ।
समानुपातिक मतपरिणाम हेर्दा सबैभन्दा ठूलो दल एमाले भएको छ । दोस्रो ठूलो दल नेपाली कांग्रेस भएको छ । नेकपा माओवादी केन्द्र तेस्रो ठूलो दल भएको छ । यो मतका आधारमा समानुपातिकतर्फ एमालेले ४१, कांग्रेसले ४०, माओवादी केन्द्रले १७, राजपा र संघीय समाजवादी फोरमले ६÷६ सिट ल्याउने देखिएको छ । समानुपातिक निर्वाचन प्रणालीमा देशको भूभागलाई एक निर्वाचन क्षेत्र मानिन्छ । मतदाताले दललाई दिएको  कुल सदर मतमध्येबाट दलको समानुपातिक सिट संख्या निर्धारण हुनेछ ।
समानुपातिकतर्फ खेर जाने मतमा विवेकशील साझा पार्टीको २ लाख १२ हजार, राप्रपाको १ लाख ९६ हजार, राप्रपा प्रजातान्त्रिकको ८८ हजार, नयाँ शक्ति पार्टीको ८१ हजार, राजमोको ६२ हजार र अन्य साना पार्टीको ३ लाख ५५ लाख मत छ । तीन प्रतिशत मत कटाउन नसकेकाले यो मतको अर्थ नभएको हो ।
समानुपातिकतर्फ मतगणना सकिए पनि निर्वाचन आयोगले आधिकारिक रुपमा  परिणाम घोषणा गरेको छैन । आयोगका अनुसार समानुपातिकतर्फको मत प्रमाणित गर्ने काम भइरहेकाले एकदुई दिनमा घोषणा गरिनेछ । आयोगका सहन्यायाधिवक्ता गीताप्रसाद तिमिल्सिनाले भने, ‘भेरिफाइ गरिरहेका छौं । मिति तोक्न सकिँदैन । सकेसम्म छिटो सार्वजनिक गर्नेछौं ।’
प्रदेशसभा समानुपातिकतर्फका सहायक निर्वाचन अधिकृतसमेत रहेका तिमिल्सिनाका अनुसार कुन पार्टीलाई कति मत आयो, कति बदर भयो भन्ने अहिलेको प्रारम्भिक नतिजा हो । निर्वाचन अधिकृतले हस्ताक्षर गरी प्रमाणित भएका कागजलाई आधार मानेर आयोगले आधिकारिक मतपरिणाम घोषणा गर्ने उनले बताए । ‘त्यसपछि कुन दलले थ्रेसहोल्ड ल्याउन सक्यो सकेन भन्ने थाहा हुनेछ । हामीले अहिले नै केही भन्न सक्दैनौं’, उनले भने । समानुपातिक मत संख्या आयोगमा पेस भएपछि बल्ल पार्टीहरूलाई जानकारी गराइने तिमिल्सिनाले बताए ।
समानुपातिकमा दलहरूले ३३ प्रतिशत महिला अनिवार्य पु¥याउनुपर्ने भएकाले अधिकांश महिला निर्वाचित हुने देखिएको छ । समानुपातिकबाट सबैभन्दा धेरै महिला एमालेले पठाउनुपर्ने देखिन्छ । प्रत्येक दललाई संघीय संसद्मा ३३ प्रतिशत महिला पु¥याउनुपर्ने अनिवार्य बाध्यता छ ।  
प्रतिनिधिसभामा १ सय १० जना सदस्य समानुपातिक प्रणालीमार्फत निर्वाचित हुनेछन् । त्यसैगरी प्रदेशमा २ सय २० जना समानुपातिकबाट निर्वाचित हुनेछन् । निर्वाचन आयोगमा ४९ दलले समानुपातिक उम्मेदवारको बन्दसूची बुझाएका छन् ।






यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

सेल्फि र सेल्फि फोनको लहर

सेल्फि र सेल्फि फोनको लहर

सेल्फि फोनको ट्रेन्डलाई नियालेर हेर्दै र सेल्फि क्यामरा राम्रो हुनलाई केको आवश्यकता पर्छ भन्ने विषयमा टिप्पणी । ...

ट्याब्लेट रोज्दा खोज्नुपर्ने उत्तरहरु

ट्याब्लेट रोज्दा खोज्नुपर्ने उत्तरहरु

सानदार स्क्रिन हुने, बोक्न गाह्रो नहुने र चलाउन सजिलो हुने भएकाले ट्याब्लेट छोटो समयमा नै अत्यधिक लोकप्रिय भएको छ ।...

ल्यापटप छान्न सरल

ल्यापटप छान्न सरल

गाह्रोभन्दा गाह्रो कामहरु पनि सजिलै गर्न मिल्ने तर जता पनि सजिलै बोकेर हिंड्न मिल्ने भएकाले ल्यापटप अहिले पुराना शैलीका डेस्कटप...

टिभीको नयाँ रुपलाई नियाल्दा

टिभीको नयाँ रुपलाई नियाल्दा

टिभी हेर्न सजिलो छ । किन्न भने त्यति सरल नहुन सक्छ । अहिले पुराना शैलीका सिआरटि टिभीहरु उत्पादन हुन छोडिसके...

बसन्त पञ्चमीमा साँगीतिक कन्सर्ट

बसन्त पञ्चमीमा साँगीतिक कन्सर्ट

झण्डै डेढ महिनादेखी बढेको चिसोविच सोमवार मनाइएको बसन्तपञ्चमीको अवरमा वीरगन्जस्थित ठाकुरराम बहुमुखि क्याम्पसमा आयोजित साँगितिक कन्सर्टले माहोल ततायो। ...

‘हस्पिटालिटी नेपाल कन्टेस्ट’को पोखरामा अडिसन

‘हस्पिटालिटी नेपाल कन्टेस्ट’को पोखरामा अडिसन

दोस्रो सिजनको हस्पिटालिटी नेपाल कन्टेस्टको पहिलो अडिसन पोखरामा भएको छ। शनिबार पोखरामा भएको अडिसनमा कुल २८ जनाले सहभागिता जनाएका थिए।...

चीनमा रुचाइयो आमिरको पछिल्लो फिल्म

चीनमा रुचाइयो आमिरको पछिल्लो फिल्म

बलिउडका ‘मिस्टर परफेक्शनिष्ट’ आमिर खानको पछिल्लो फिल्म ‘सिक्रेट सुपरस्टार’लाई चीनमा रुचाइएको छ। भारतीय सञ्चारमाध्यमका अनुसार यो फिल्मले चिनियाँ बक्स अफिसमा...

प्रदर्शन मिति नजिकिँदा ‘पद्मावत’ को विरोध बढ्दो

प्रदर्शन मिति नजिकिँदा ‘पद्मावत’ को विरोध बढ्दो

सञ्जयलिला भन्सालीको विवादित फिल्म ‘पद्मावती’को विरोध बढिरहेको छ। जनवरी २५ मा प्रदर्शन हुने फिल्मको रिलिज मिति नजिकिँदा भारतका विभिन्न राज्यमा...