बेनीबजार जोगाउन ११ करोड

मङ्गलबार, ०४ पुष २०७४, १९ : ५४ हरिकृष्ण गौतम


म्याग्दी- नदी कटानबाट म्याग्दीको सदरमुकामबेनीबजारलाई जोगाउनसुरु गरिएको संरक्षण आयोजनाले तीव्रता पाएको छ । बजार म्याग्दी र कालीगण्डकी नदीको दोभानमा अवस्थित दुई ठूला नदीको उच्च जोखिममा परेपछि जोखिमयुक्त जिल्ला सदरमुकाम बचाउन कार्यक्रम आयोजना गरिएको हो ।

आयोजनाअन्तर्गत जलउत्पन्न प्रकोप नियन्त्रण सबडिभिजन कार्यालय बाग्लुङले चालू आर्थिक वर्ष २०७४÷७५ मा दुईवटा प्याकेजमा काम गर्ने गरी ११ करोड ३२ लाखको लागतमा कालीगण्डकीको दायाँ र म्याग्दी नदीको बायाँ किनारामा आरसिसी ररिटेनिङ (मेसिनरी) पर्खाल निर्माणको कार्य सुरु गरेको हो ।

ठेक्का सम्झौता भएको केही महिनामै काम सुरु भएको छ ।मंगलाघाटस्थित म्याग्दी नदीको बायाँ किनारा,म्याग्दी र कालीगण्डकीको दोभान तथा कालिपुलस्थित कालीगण्डकी नदीको दायाँ किनारामा रिटेनिङ र आरसिसी पर्खाल सम्झौता अगाडि नै सम्पन्न गर्ने समानान्तर बिएन जेभीका नारायण जिसीले बताए ।

‘तीव्र गतिमा काम भइरहेको छ । नदीको धारसमेत परिवर्तन गरिएकाले पनि सहज भएको छ,’ जिसीले भने ।निर्माण व्यवसायी संघ म्याग्दीका अध्यक्षसमेत रहेका जिसीले ३ सय ९७ मिटर रिटेनिङ र आरसिसी पर्खालमा दैनिक २ सय कामदार परिचालन गरिएको बताए ।‘स्थानीयवासीलाई पनि अनुगमनका लागि अनुरोध गरेको छु । स्थानीयको सहयोगले पनि निर्माणकार्यमा सजिलो भएको छm,’ जिसीले भने ।

उनका अनुसार मेसिनरी पर्खाल ६ मिटर र आरसिसी ७.५ मिटर अग्लो हुने बताए । नदी आसपासमा पानीको बहावले निर्माणकार्यमा असर गरेपछि नदी आसपासमा बसोबास गर्नेहरूलाई समेत छलफल गरी नदीको धारलाई परिवर्तन गरेकाले पनि आयोजनाको कामले गति लिएको छ ।

ठेक्का सम्झौता एक वर्षसम्म भएपनि जिसीले असारभित्र नै काम सम्पन्न गर्ने दाबी गरेका छन् ।जलउत्पन्न प्रकोप नियन्त्रण सबडिभिजन कार्यालयका इन्जिनियरसहितको प्राविधिक टोलीले समेत दैनिक स्थलगत अनुगमन गर्ने गरेकोजनाएको छ ।

दुईवटा ठूलो नदीको कटानले बेनीबजार जोखिममा पर्न थालेपछि बजार संरक्षण उपभोक्ता समिति निर्माण गरी एकदशकयता सरकारी बजेट र चन्दा संकलन गरी ग्याबिनजालीले समेत कटान भएका क्षेत्रमा रोकथाम गर्ने गरिएको थियो ।ग्याबिनजाली, ढुंगाको प्रयोग गरी प्रयास गरिएको रोकथाम प्रभावकारी नभएपछि आर्थिक वर्ष ०७१÷७२ देखि ०७३÷७४ सम्म आरसिसी पर्खालको निर्माण सुरु गरिएको थियो ।

पर्वत जिल्लाको पर्वतबेनी प्रवेश गर्नेमोटरेबल पुलदेखि म्याग्दी उद्योग वाणिज्य संघको भवन पछाडि करिब ३ सय ९५ मिटर आरसिसी पर्खाल निर्माण सम्पन्न गरिएको थियो । समान्तर बिएन जेभीले काम सुरु गरेपनि नदी कटानले अति जोखिमपूर्ण मानिएको म्याग्दी जेसिजदेखि दोभान नजिकसम्मको ३ सय ८० मिटरको काम सुरु भएको छैन ।बेनीबजार संरक्षणमा भइरहेको कामकोबेनी नगरपालिका–७ र ८ वडाका प्रतिनिधिका साथै बेनी नगरपालिकाले समेत नियमित अनुगमन गरिरहेको छ ।

आगामी तीन वर्षभित्र बेनीबजार संरक्षणको आयोजना सम्पन्न गरी आवश्यक थप संरचना बनाएर चक्रपथको रूपमा प्रयोग गर्ने योजनासमेत बनाइएको छ ।बेनी नगरपालिकाका मेयर हरिकुमार श्रेष्ठले बजारभित्रबाट चल्ने ठूला तथा साना सवारीसाधनलाई तटबन्धलाई प्रयोग गर्ने बताए ।‘बेनीबजार संरक्षणसँगै ट्राफिक समस्या पनि समाधान हुन्छ । गुणस्तरीय संरचनाका लागि समन्वय गरिरहेका छौं,’ उनले भने ।

दुई वर्षअघिकालीगण्डकी नदी थुनिएपछि बेनीबजारको संरक्षणका लागि जिल्लामा रहेका राजनीतिक दल, पूर्वसांसदले समेत निरन्तर बजेट विनियोजनमा दबाब दिइरहेका थिए । ०७२ जेठ १० गते उत्तरी म्याग्दीमा करिब १६ घन्टा नदी थुनिएपछि बेनीबजार संरक्षणका लागि प्रयोग गरिएको तटबन्धमासमेत क्षति पुगेको थियो ।

 विगतमा बजेट अभावमा बेनीवासीले एक महिनासम्म नदी आसपासको क्षेत्रमा जनश्रमदानसमेत गरेका थिए । गत आर्थिक वर्षमा देशभर रहेका सदरमुकाममध्ये उच्च जोखिम सदरमुकाममा म्याग्दीको सदरमुकामलाई समेत राखिएपछि बजेट विनियोजनले प्राथमिकता पाएको थियो ।

 

 

 

 






यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

सेल्फि र सेल्फि फोनको लहर

सेल्फि र सेल्फि फोनको लहर

सेल्फि फोनको ट्रेन्डलाई नियालेर हेर्दै र सेल्फि क्यामरा राम्रो हुनलाई केको आवश्यकता पर्छ भन्ने विषयमा टिप्पणी । ...

ट्याब्लेट रोज्दा खोज्नुपर्ने उत्तरहरु

ट्याब्लेट रोज्दा खोज्नुपर्ने उत्तरहरु

सानदार स्क्रिन हुने, बोक्न गाह्रो नहुने र चलाउन सजिलो हुने भएकाले ट्याब्लेट छोटो समयमा नै अत्यधिक लोकप्रिय भएको छ ।...

ल्यापटप छान्न सरल

ल्यापटप छान्न सरल

गाह्रोभन्दा गाह्रो कामहरु पनि सजिलै गर्न मिल्ने तर जता पनि सजिलै बोकेर हिंड्न मिल्ने भएकाले ल्यापटप अहिले पुराना शैलीका डेस्कटप...

टिभीको नयाँ रुपलाई नियाल्दा

टिभीको नयाँ रुपलाई नियाल्दा

टिभी हेर्न सजिलो छ । किन्न भने त्यति सरल नहुन सक्छ । अहिले पुराना शैलीका सिआरटि टिभीहरु उत्पादन हुन छोडिसके...

पद्मावतीलाई चार राज्यमा प्रतिबन्ध, अदालत पुगे निर्माता

पद्मावतीलाई चार राज्यमा प्रतिबन्ध, अदालत पुगे निर्माता

राजपूत समुदायको विरोधपछि फिल्मको नाम परिवर्तन (पद्मावत) र दृश्य परिमार्जनसहित सेन्सर बोर्डबाट प्रदर्शनको अनुमति पाएको ‘पद्मावती’लाई राजसंस्थान, हरियाणा, गुजरात र...

साली बन्दै मरिस्का

साली बन्दै मरिस्का

नेपाली कथानक चलचित्र ‘साली कसको भेनाको’ मंगलबार चितवनमा शुभमुहूर्त गरिएको छ । मुभिङ पिक्चर्सद्वारा निर्मीत फिल्ममा वरिष्ठ कलाकार ऋद्धिचरण श्रेष्ठले...

‘शेरबहादुर हलिउडबाट प्रभावित’

‘शेरबहादुर हलिउडबाट प्रभावित’

फिल्म ‘शेरबहादुर’को ट्रेलर सार्वजनिक हुँदा यो फिल्म हलिउडको फिल्म ‘डन्ट ब्रिथ’बाट प्रभावित भएको आरोप लागेको थियो । फिल्म प्रभावित भएको...

लघुकथा वाचन तथा विमोचन

लघुकथा वाचन तथा विमोचन

शब्दपथको आयोजनामा लघुकथा सर्जक महेश प्रसार्इंको लघुकथा ‘अतिरिक्त स्वरहरू’को विमोचन ललितपुरको सिद्धेश्वर मन्दिर प्राङ्गण, लेलेमा सम्पन्न गरिएको छ । ...