शिरमा ढलक्कै नेपाली टाेपी

सोमबार, १७ पुष २०७४, १६ : १२ नागरिक


शुष्मा बराली
मच्छेन्द्रबहालस्थित दौरा सुरुवाल घरकी सञ्चालिका ईश्वरी घिमिरेले ढाका टोपी लगाउन थालेको तीन वर्ष भइसकेको छ । अहिले उनको अनिवार्य पोशाक जस्तै बनेको छ, ढाका टोपी। 

पसलमा बस्दा कहिलेकाहीँ टोपी लगाउन थालेपछि बानी परेको उनी बताउँछिन्। ‘अहिले त टोपी नलगाउँदा असहज महसुस हुन्छ । के छुट्यो, के बिर्से जस्तो फिल हुन्छ,’ उनी भन्छिन्।  

पसलमा पुग्दा उनी पाल्पाली सिल्क टोपीमा सजिएकी थिइन् । ग्राहकसँग व्यस्त देखिएकी उनी टोपीमा निकै सुन्दर देखिएकी थिइन्। 

‘अहिले त टोपी नलगाउँदा असहज महसुस हुन्छ । के छुट्यो, के बिर्से जस्तो फिल हुन्छ,’ उनी भन्छिन् ।  

ग्राहकले पनि ढाका टोपी ‘सुहाएको’ प्रतिक्रिया दिने गरेकाले लगाउन नछाडेको उनले बताइन् । ‘महिलाले लगाउनुपर्छ भनेर होइन, पसलको विज्ञापन गर्न टोपी लगाएकी हुँ,’ उनले भन्छिन्। 

पछिल्लो समय युवापुस्ताको टोपीमा आकर्षण देखिएको उनको भनाइ छ । ‘विशेष अवसरमा टोपी लगाउनु त अनिवार्य जस्तै भएको छ,’ उनी भन्छिन् । युवापुस्ताको आकर्षण बढेसँगै टोपीको माग बढेको उनी बताउँछिन् । उनका अनुसार अहिले पाल्पाली र पूर्वेली ढाका टोपीको माग बढी छ । पसलमा एक सयदेखि माथिका नेपाली टोपी रहेको उनी बताउँछिन्। 

मच्छेन्द्रबहालस्थित ढाका स्टोरका सञ्चालक गोपाल बख्रेल पनि ढाका टोपी लगाउन छुटाउँदैनन् । मोर्डन गेटअप गर्न मनपराउने उनी आफूलाई फरक र आकर्षण देखाउन ढाका टोपी लगाउने गरेको बताउँछन् । ‘मैले टोपी लगाउँदा कसैले पनि लगाउदैनथे,’ उनले भने। 

टोपी लगाउँदा सकारात्मक प्रतिक्रिया पाएपछि खुसी लाग्ने गरेको उनी बताउँछन् । ‘मैले लगाएको देखेर ग्राहक पनि किन्न आउँछन्,’ उनी भन्छन्।  

उनका अनुसार केही समयअघिसम्म बूढापाका मात्रै ढाका टोपी लगाउँथे, तर अहिले भने युवापुस्ताको पनि आकर्षण बढेको छ । पूजापाठ, विवाह, पार्टीमा ढाका टोपी अनिवार्य पोशाक जस्तै भइसकेको उनी बताउँछन् । ‘दौरा सुरुवाल मात्र होइन, कोट पाइन्ट लगाउँदा पनि ढाका टोपी लगाउने प्रचलन छ,’ उनी भन्छन्। 

उनी १६ वर्षदेखि ढाका टोपी पसल सञ्चालन गर्दै आएका छन् । अंग्रेजी नयाँ वर्षको पहिलो दिन पसलमा आउने युवतीहरूलाई ढाका टोपी निःशुल्क उनले बताए । बजारमा शुद्ध ढाका टोपीभन्दा उस्तै देखिने टोपीको माग बढ्दो रहेको उनको भनाइ छ। 

उनका अनुसार सामान्यतया ढाका टोपीको मूल्य ५० रूपैयाँदेखि सुरु हुन्छ । तर, हातले बनाएका टोपी भने महँगो भएको उनले बताए । यी टोपीको मूल्य ६ सय रूपैयाँभन्दा बढी पर्ने गरेको उनी बताउँछन् । पसलमा आउने ग्राहकमध्ये दान तथा उपहारका लागि टोपी किन्ने बढी रहेको उनले बताए। 

सुकेधाराका ८० वर्षीय नारायण गौतम पनि शिरमा ढाका टोपी कहिल्यै छुटाउँदैनन् । ‘१४ वर्षको उमेरदेखि अहिलेसम्म लगाएकै छु,’ उनले हाँस्दै भने। 

शिरमा टोपी लगाउनु नेपालीको सान हुने उनी बताउँछन् । ‘न्वारन गरेदेखि टोपी लगाउनु पर्ने हाम्रो परम्परा हो,’ उनले भने, ‘तर, आधुनिक फेसनका नाममा नेपाली ढाका टोपी लगाउने चलन हराउँदै गएको छ ।’ टोपी लगाउने प्रचलन हराउन थालेपछि उनी चिन्तित छन् । तर, टोपी दिवस मनाउन थालेपछि यसको जगेर्ना हुने उनको विश्वास छ । 
आफूले धेरैजसो पाल्पाली टोपी लगाउने गरेको उनी बताउँछन्। ‘अरु लुगा जेजस्तो भए पनि शिरको ढाका टोपी राम्रै लगाउँ जस्तो लाग्छ,’ उनले भने । पछिल्लो समय टोपीको मूल्य बढेको उनी बताउँछन्। 

समिर बैजु स्नातक तह अध्ययन गर्दैछन् । उनको शिर सधै भादगाउँले टोपीले सजिएको हुन्छ । आफूलाई टोपी लगाएको देख्दा अरु अचम्म मानेर हेर्ने उनी बताउँछन् । ‘सानै उमेरमा यस्तो टोपी किन लगाएको भन्छन्, तर मलाई बानी परिसकेको छ,’ उनले भने। 

टोपीले टाउकोको सोभा बढाउने मात्र होइन, सुरक्षा पनि गर्ने उनी बताउँछन् । टोपी लगाउँदा तालुलाई हावाबाट जोगाउने उनको भनाइ छ। 






यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

सेल्फि र सेल्फि फोनको लहर

सेल्फि र सेल्फि फोनको लहर

सेल्फि फोनको ट्रेन्डलाई नियालेर हेर्दै र सेल्फि क्यामरा राम्रो हुनलाई केको आवश्यकता पर्छ भन्ने विषयमा टिप्पणी । ...

ट्याब्लेट रोज्दा खोज्नुपर्ने उत्तरहरु

ट्याब्लेट रोज्दा खोज्नुपर्ने उत्तरहरु

सानदार स्क्रिन हुने, बोक्न गाह्रो नहुने र चलाउन सजिलो हुने भएकाले ट्याब्लेट छोटो समयमा नै अत्यधिक लोकप्रिय भएको छ ।...

ल्यापटप छान्न सरल

ल्यापटप छान्न सरल

गाह्रोभन्दा गाह्रो कामहरु पनि सजिलै गर्न मिल्ने तर जता पनि सजिलै बोकेर हिंड्न मिल्ने भएकाले ल्यापटप अहिले पुराना शैलीका डेस्कटप...

टिभीको नयाँ रुपलाई नियाल्दा

टिभीको नयाँ रुपलाई नियाल्दा

टिभी हेर्न सजिलो छ । किन्न भने त्यति सरल नहुन सक्छ । अहिले पुराना शैलीका सिआरटि टिभीहरु उत्पादन हुन छोडिसके...

पद्मावतीलाई चार राज्यमा प्रतिबन्ध, अदालत पुगे निर्माता

पद्मावतीलाई चार राज्यमा प्रतिबन्ध, अदालत पुगे निर्माता

राजपूत समुदायको विरोधपछि फिल्मको नाम परिवर्तन (पद्मावत) र दृश्य परिमार्जनसहित सेन्सर बोर्डबाट प्रदर्शनको अनुमति पाएको ‘पद्मावती’लाई राजसंस्थान, हरियाणा, गुजरात र...

साली बन्दै मरिस्का

साली बन्दै मरिस्का

नेपाली कथानक चलचित्र ‘साली कसको भेनाको’ मंगलबार चितवनमा शुभमुहूर्त गरिएको छ । मुभिङ पिक्चर्सद्वारा निर्मीत फिल्ममा वरिष्ठ कलाकार ऋद्धिचरण श्रेष्ठले...

‘शेरबहादुर हलिउडबाट प्रभावित’

‘शेरबहादुर हलिउडबाट प्रभावित’

फिल्म ‘शेरबहादुर’को ट्रेलर सार्वजनिक हुँदा यो फिल्म हलिउडको फिल्म ‘डन्ट ब्रिथ’बाट प्रभावित भएको आरोप लागेको थियो । फिल्म प्रभावित भएको...

लघुकथा वाचन तथा विमोचन

लघुकथा वाचन तथा विमोचन

शब्दपथको आयोजनामा लघुकथा सर्जक महेश प्रसार्इंको लघुकथा ‘अतिरिक्त स्वरहरू’को विमोचन ललितपुरको सिद्धेश्वर मन्दिर प्राङ्गण, लेलेमा सम्पन्न गरिएको छ । ...