ओलम्पिकको नयाँ अध्याय

मङ्गलबार, २५ पुष २०७४, ०८ : ४९ पार्क यङ सिक


गणतन्त्र कोरियाको आयोजनामा आगामी फेब्रुअरीमा हुने शीतकालीन ओलम्पिक (विन्टर ओलम्पिक) र पारा ओलम्पिक खेलमा अन्य ओलम्पिकको तुलनामा सबैभन्दा ठूलो शीतकालीन खेल समावेश भएको ओलम्पिक हुनेछ । यस ओलम्पिकमा १०० भन्दा बढी स्वर्ण पदक, ६ वटा भिन्न कार्यक्रमको आयोजना र ठूलो संख्यामा महिलाहरूको सहभागिता हुनेछ । यसले ओलम्पिकमा नयाँ इतिहास रच्नेछ ।

यस ओलम्पिकमा ५० हजारभन्दा बढी खेलाडी, पदाधिकारी तथा मिडियाले भाग लिनेछन् । फ्यङछाङ् ओलम्पिकको सुरुवातसँगै चरणबद्ध रूपमा एसिया क्षेत्रमा ओलम्पिक खेलको आयोजना हुनेछ । हामी सन् २०२० मा टोक्यो ग्रीष्मकालीन (समर) ओलम्पिकका लागि टर्च हस्तान्तरण गर्छौं । त्यसैगरी सन् २०२२ मा बेइजिङ शीतकालीन ओलम्पिकको माध्यमबाट विश्वभरि नै शान्ति र सद्भाव जगाउनका लागि प्लेटफर्मका रूपमा भूमिका खेल्नेछौँ ।  

कोरियामा हुने यस ओलम्पिक प्रतियोगिता प्रथम पटक हुने होइन, कोरियाले ३० वर्ष अगाडि सउल ग्रीष्म ओलम्पिक (समर ओलम्पिक) सन् १९८८ को अनुभव गरिसकेकाले ओलम्पिकको सम्बन्धमा शक्तिशाली तथा गौरवान्वित महसुस गर्छौं ।

सन् १९५० बाट १९५३ सम्म चलेको कोरियाली युद्धले तहसनहस पारेको कोरियाले लामो समयसम्म वैदेशिक सहयोगमा निर्भर हुनुपरेको थियो । सन् १९६० मा कोरियाको प्रतिव्यक्ति आय अमेरिकी डलर १०० भन्दा थोरै भएकाले अति न्यून आय भएका मुलुकको सूचीमा सूचीकृत भएको थियो । कोरियाको सउल समर ओलम्पिक नै देशको द्रुत विकासको आधारशिला भएको थियो भनेर भन्न सकिन्छ । यसै ओलम्पिकको माध्यमबाट कोरिया विश्वभरि नै परिचित हुने अवसर मिल्नुका साथै कोरियाले भविष्यमा पनि जोखिम मोल्न सक्नेछ भन्ने दृढ विश्वास दिलाएको छ ।

सन् १९८८ को सउल समर ओलम्पिक खेलले शीतकालीन खेलको माध्यमबाट विश्वभरि शान्ति र सद्भावका लागि एक हुने महत्वपूर्ण भूमिका खेलेको अवस्थालाई मनन गर्न सकिन्छ । गणतन्त्र कोरियाले आयोजना गर्ने यस ओलम्पिकको माध्यमबाट पुनः एकपटक हाम्रो शान्ति, एकता र समन्वयको परम्परालाई प्रष्फुटन गर्न चाहन्छौँ । कोरिया सरकारले फ्यङछाङ् ओलम्पिकलाई शान्तिपूर्ण रूपमा आयोजना गर्न सम्पूर्ण तयारी पूरा गरिसकेको छ । कोरियाली प्रान्तको असमझदारीलाई सहज गर्न कोरिया सरकारले उपयुक्त वातावरण सिर्जना गर्न दुई कोरियाबीच वार्ताको आह्वान गरेर आपसी समझदारीका निम्ति योजना तर्जुमा गरेको अवस्था छ ।

२०१७ नोभेम्बरमा संयुक्त राष्ट्रसंघ महासभाले संकल्प जारी गर्दै खेल तथा ओलम्पिकका माध्यमले शान्त र समृद्ध विश्वको परिकल्पनासम्बन्धी अवधारणा घोषणा गरेको छ । यसअनुसार सुरक्षित तथा शान्तिपूर्वक फ्यङछाङ् ओलम्पिकको आयोजना हुनेछ । यसै सन्दर्भमा हाम्रो सरकारले उत्तर कोरियासमक्ष उच्च स्तरीय वार्ताका लागि प्रस्ताव गरेर दुई कोरियाको सीमा क्षेत्र फान्मुनजोनमा यही जनवरी ९ मा वार्ताको मिति निर्धारण गरिसकेको छ । जसमा फ्यङछाङ् ओलम्पिकमा उत्तर कोरियाको सहभागितासम्बन्धी छलफल हुनेछ । उत्तर कोरियाले यस सम्बन्धमा जवाफ दिँदै क्रसबोर्डर हटलाइन टेलिफोन सेवाको पुनः सुरुवात गरेर दुई देशका अधिकारीबीच समन्वय गर्ने भनी जवाफ दिएको छ ।

फ्यङछाङ् विन्टर ओलम्पिकले घनिष्ठ मित्रवत सम्बन्ध रहेको कोरिया­नेपालको सम्बन्धमा अर्को प्लेटफर्मको भूमिका खेल्नेछ । फ्यङछाङ् सहरले अन्तर्राष्ट्रिय युवाहरूका लागि लक्षित गरेर ड्रिम कार्यक्रमहरू २००४ बाट हरेक वर्ष नियमित रूपमा विभिन्न विन्टर स्पोर्टस क्याम्प सञ्चालन गर्दै आएको छ । विशेष गरी विन्टर खेलको अनुभव लिन नसक्ने मुलुकका युवाहरूलाई लक्षित गरिएका कार्यक्रम समावेश हुने गरेका थिए । आजका मिति सम्म ७५ वटा मुलुकबाट १५ सय युवा खेलाडीहरूले भाग लिएको उक्त कार्यक्रममा नेपालबाट पनि बहुसंख्यक खेलाडीहरूले अनुभव लिएको अवस्था छ । यिनै खेलाडीहरूमध्ये १६६ जनाले अन्तर्राष्ट्रिय ओलम्पिक प्रतियोगितामा भाग लिइसकेको अवस्था छ ।

फ्यङछाङ् विन्टर ओलम्पिकमा नेपालका खेलाडीहरूको सहयोगका लागि कोरियाको सरकारी ऊर्जा निकाय कोसेप भन्ने कम्पनीले सहयोग गरेको छ । कोसेप हाल नेपालको माथिल्लो त्रिशूली—१ जलविद्युत् परियोजनामा सहभागी छ । कोसेपले फ्यङछाङ् विन्टर ओलम्पिकमा भाग लिने नेपाली खेलाडीलाई सहयोगस्वरूप १० लाख रुपियाँ उपलब्ध गराई नेपाली खेलाडीले अल्पाइन र क्रस कन्ट्री स्किमा भाग लिनेछन् ।  

हामीलाई आशा छ, हाम्रा नेपाली मित्रहरूले फ्यङछाङ् ओलम्पिक खेलमा समर्थन गर्दै सहभागी भएर संसारभरिका खेलप्रेमीहरूसँगै रमाउँदै जोस तथा उत्साहसाथ विन्टर खेलको सुन्दरताको आनन्द लिनुहुनेछ ।

(नेपालका लागि गणतन्त्र कोरियाका राजदूत)
 






यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

सेल्फि र सेल्फि फोनको लहर

सेल्फि र सेल्फि फोनको लहर

सेल्फि फोनको ट्रेन्डलाई नियालेर हेर्दै र सेल्फि क्यामरा राम्रो हुनलाई केको आवश्यकता पर्छ भन्ने विषयमा टिप्पणी । ...

ट्याब्लेट रोज्दा खोज्नुपर्ने उत्तरहरु

ट्याब्लेट रोज्दा खोज्नुपर्ने उत्तरहरु

सानदार स्क्रिन हुने, बोक्न गाह्रो नहुने र चलाउन सजिलो हुने भएकाले ट्याब्लेट छोटो समयमा नै अत्यधिक लोकप्रिय भएको छ ।...

ल्यापटप छान्न सरल

ल्यापटप छान्न सरल

गाह्रोभन्दा गाह्रो कामहरु पनि सजिलै गर्न मिल्ने तर जता पनि सजिलै बोकेर हिंड्न मिल्ने भएकाले ल्यापटप अहिले पुराना शैलीका डेस्कटप...

टिभीको नयाँ रुपलाई नियाल्दा

टिभीको नयाँ रुपलाई नियाल्दा

टिभी हेर्न सजिलो छ । किन्न भने त्यति सरल नहुन सक्छ । अहिले पुराना शैलीका सिआरटि टिभीहरु उत्पादन हुन छोडिसके...

बसन्त पञ्चमीमा साँगीतिक कन्सर्ट

बसन्त पञ्चमीमा साँगीतिक कन्सर्ट

झण्डै डेढ महिनादेखी बढेको चिसोविच सोमवार मनाइएको बसन्तपञ्चमीको अवरमा वीरगन्जस्थित ठाकुरराम बहुमुखि क्याम्पसमा आयोजित साँगितिक कन्सर्टले माहोल ततायो। ...

‘हस्पिटालिटी नेपाल कन्टेस्ट’को पोखरामा अडिसन

‘हस्पिटालिटी नेपाल कन्टेस्ट’को पोखरामा अडिसन

दोस्रो सिजनको हस्पिटालिटी नेपाल कन्टेस्टको पहिलो अडिसन पोखरामा भएको छ। शनिबार पोखरामा भएको अडिसनमा कुल २८ जनाले सहभागिता जनाएका थिए।...

चीनमा रुचाइयो आमिरको पछिल्लो फिल्म

चीनमा रुचाइयो आमिरको पछिल्लो फिल्म

बलिउडका ‘मिस्टर परफेक्शनिष्ट’ आमिर खानको पछिल्लो फिल्म ‘सिक्रेट सुपरस्टार’लाई चीनमा रुचाइएको छ। भारतीय सञ्चारमाध्यमका अनुसार यो फिल्मले चिनियाँ बक्स अफिसमा...

प्रदर्शन मिति नजिकिँदा ‘पद्मावत’ को विरोध बढ्दो

प्रदर्शन मिति नजिकिँदा ‘पद्मावत’ को विरोध बढ्दो

सञ्जयलिला भन्सालीको विवादित फिल्म ‘पद्मावती’को विरोध बढिरहेको छ। जनवरी २५ मा प्रदर्शन हुने फिल्मको रिलिज मिति नजिकिँदा भारतका विभिन्न राज्यमा...