माघे संक्रान्ति

चाकुकाे चटाराे (फोटो फिचर)

मङ्गलबार, २५ पुष २०७४, १४ : ५२ स्मृति ढुंगाना  | @aesmriti


काठमाडौं– माघे संक्रान्ति नजिकिँदै गर्दा काठमाडौं उपत्यकाका चाकु व्यवसायीलाई अहिले चाकु बनाउन भ्याइ नभ्याइ छ । माघे संक्रान्तिलाई केन्द्रित गरेर बजारमा चाकुको माग बढी हुने भएकाले यतिबेला टोखा, मंलगबजार र भक्तपुरका चाकु व्यवसायी चाकु बनाउन व्यस्त भएका हुन् ।

माघे संक्रान्ति र यमरी पुन्हीःमा चाकु अनिवार्य भएको हुँदा जाडो याममा शरीरलाई आवश्यक पर्ने पौष्टिक तत्वको लागि चाकु खाइने भएकाले व्यवसायीहरु पुसको दोस्रो सातादेखि उखुको रस वा सख्खर पकाएर चाकु बनाउन सक्रिय भएका छन् । ललितपुरस्थित मंलगबजार, भक्तपुर र टोखाका अधिकांश चाकु व्यवसायीहरु बिहानैदेखि चाकु बनाउन जुटेका छन् ।

उखुको रस वा सख्खर, दुध, घ्यु, सुख्खा नरिवल र खुवा पकाएर तयार हुने चाकुले जाडो मौसममा शरीरलाई न्यानो राख्ने र रोग प्रतिरोधात्मक क्षमता बढाउने गर्दछ । त्यसबाहेक चाकुमा बदाम, पेस्ता, काजु लगायत पौष्टिक चिज र मसला राखिने गरिन्छ । मंगलबजारमा विगत १५ वर्षदेखि चाखु उद्योग संञ्चालन गरिरहेका हरिराज श्रेष्ठ कामदारसहित बिहानैदेखि चाकु पकाउन जुटेका छन् । ‘पुसको पहिलो सातादेखि बजारमा माग बढ्न थालेपछि बिहानैदेखि चाकु पकाउन भ्याइ नभ्याइ हुन्छ । सुरुमा अन्य व्यवसायीहरुमार्फत चाकु बिक्री गर्थे । अहिले चाकु पकाउनेदेखि बजारमा लगेर बिक्री गर्ने काम सबै कामदारको सहयोगमा आफै गर्ने हुँदा पुस महिनादेखि माघे संक्रान्तिसम्म खाना खाने फुर्सद पाइन्न।’ उनले हरेक वर्ष माघे संक्रान्तिको लागि भनेर परिवारको सदस्यहरुबाहेक १० जना अन्य कामदारको राख्ने गरेका छन् ।उनले बजारको माग अनुसार विभिन्न थरीका चाकुहरु तयार पार्ने गरेका छन् । उनले सादा चाकु,  खुवा चाकु, किसमिस र बदाम हालेको स्पेसल चाकु र सुत्केरी महिलाहरुको लागि पौष्टिक तत्व हालेको सुत्केरी चाकु बनाउने गरेका छन् । उनले चाकुबाहेक तिलको लड्डु समेत उत्पादन गर्ने गरेका छन् । सामान्यतय प्रतिहप्ता ५० किलो चाकु उत्पादन गर्ने व्यवसायीहरुले सिजनमा भने प्रतिदिन दुई सयदेखि ४ सय किलोसम्म चाकु बनाउने गरेका छन् ।

महंगीका कारण चाकु बनाउने सामग्रीको मूल्य बढेपछि यसवर्षको लागि भने व्यवसायीहरुले सबैभन्दा सानो सादा चाकुको मूल्य ५० रुपैंया तोकेका छन् । ‘महंगीको कारण चाकु बनाउन प्रयोग हुने सबै सामग्रीको मूल्य बढेको छ । यसअघि ३० देखि ४० रुपैंयासम्ममा खरिद गर्न सकिने सबैभन्दा सानो खालको सादा चाकुको मूल्य अहिले ५० रुपैंया पुगेको छ,’उनले भने ।









यसमा तपाईको मत

अन्य समाचार

सेल्फि र सेल्फि फोनको लहर

सेल्फि र सेल्फि फोनको लहर

सेल्फि फोनको ट्रेन्डलाई नियालेर हेर्दै र सेल्फि क्यामरा राम्रो हुनलाई केको आवश्यकता पर्छ भन्ने विषयमा टिप्पणी । ...

ट्याब्लेट रोज्दा खोज्नुपर्ने उत्तरहरु

ट्याब्लेट रोज्दा खोज्नुपर्ने उत्तरहरु

सानदार स्क्रिन हुने, बोक्न गाह्रो नहुने र चलाउन सजिलो हुने भएकाले ट्याब्लेट छोटो समयमा नै अत्यधिक लोकप्रिय भएको छ ।...

ल्यापटप छान्न सरल

ल्यापटप छान्न सरल

गाह्रोभन्दा गाह्रो कामहरु पनि सजिलै गर्न मिल्ने तर जता पनि सजिलै बोकेर हिंड्न मिल्ने भएकाले ल्यापटप अहिले पुराना शैलीका डेस्कटप...

टिभीको नयाँ रुपलाई नियाल्दा

टिभीको नयाँ रुपलाई नियाल्दा

टिभी हेर्न सजिलो छ । किन्न भने त्यति सरल नहुन सक्छ । अहिले पुराना शैलीका सिआरटि टिभीहरु उत्पादन हुन छोडिसके...

पद्मावतीलाई चार राज्यमा प्रतिबन्ध, अदालत पुगे निर्माता

पद्मावतीलाई चार राज्यमा प्रतिबन्ध, अदालत पुगे निर्माता

राजपूत समुदायको विरोधपछि फिल्मको नाम परिवर्तन (पद्मावत) र दृश्य परिमार्जनसहित सेन्सर बोर्डबाट प्रदर्शनको अनुमति पाएको ‘पद्मावती’लाई राजसंस्थान, हरियाणा, गुजरात र...

साली बन्दै मरिस्का

साली बन्दै मरिस्का

नेपाली कथानक चलचित्र ‘साली कसको भेनाको’ मंगलबार चितवनमा शुभमुहूर्त गरिएको छ । मुभिङ पिक्चर्सद्वारा निर्मीत फिल्ममा वरिष्ठ कलाकार ऋद्धिचरण श्रेष्ठले...

‘शेरबहादुर हलिउडबाट प्रभावित’

‘शेरबहादुर हलिउडबाट प्रभावित’

फिल्म ‘शेरबहादुर’को ट्रेलर सार्वजनिक हुँदा यो फिल्म हलिउडको फिल्म ‘डन्ट ब्रिथ’बाट प्रभावित भएको आरोप लागेको थियो । फिल्म प्रभावित भएको...

लघुकथा वाचन तथा विमोचन

लघुकथा वाचन तथा विमोचन

शब्दपथको आयोजनामा लघुकथा सर्जक महेश प्रसार्इंको लघुकथा ‘अतिरिक्त स्वरहरू’को विमोचन ललितपुरको सिद्धेश्वर मन्दिर प्राङ्गण, लेलेमा सम्पन्न गरिएको छ । ...