कन्सर्टमा घन्कँदै प्रोजेक्ट वान

बुधबार, २६ पुष २०७४, ०७ : ३० नागरिक


काठमाडौं – स्थापित रक व्यान्डका सदस्यहरू मिलेर बनेको नयाँ ब्यान्ड ‘प्रोजेक्ट वान’ले बुटवल र जावलाखेलमा कन्सर्ट गर्ने भएको छ । ब्यान्डले ‘फेरि उठ्नेछ नेपाल ३’ नामक कन्सर्टमा आफ्ना गीतहरू दर्शकलाई सुनाउन लागेको हो । यो ब्यान्डमा मुक्ति एन्ड रिभाइभल, रविन एन्ड द न्यु रिभ्योलुसन, अभया एन्ड द स्टिम इन्जन्स, द स्याडोज नेपाल र अनुप्रस्थ आबद्ध छन् ।

ब्यान्डले आगामी माघ १३ गते अर्थात जनवरी २७ मा बुटवलस्थित बुटवल मण्डप र माघ २७ गते अर्थात फेब्रुअरी १० तारिखका दिन ललितपुरको जावलाखेल फुटबल मैदानमा दर्शकलाई सांगीतिक माहोलमा झुमाउन लागेको हो । बुटवलमा क्षेत्रीय पार्टनरका रूपमा एस नेपालले इभेन्ट म्यानेजमेन्टको जिम्मेवारी सम्हाल्ने छ ।

ब्यान्डवागन बाइ पोजिटिभ भाइब्सले स्थापना गरेको ब्यान्डको गायन समूहमा मुक्ति एन्ड रिभाइभलका मुक्ति शाक्य, रविन एन्ड द न्यु रिभोल्युसनको रविन तामाङ, अभया एन्ड दि स्टिम इन्जन्सकी अभया सुब्बा, द स्याडोज नेपालका स्वप्निल शर्मा र अनुप्रस्थका निरन शाही छन् ।

भाइब्सका प्रस्तुतकर्ता विकेश कायस्थले आफ्नोतर्फबाट कन्सर्टलाई नेपालकै भव्य कन्सर्टका रूपमा आयोजना गर्ने तयारी भइरहेको बताए । ‘कार्यक्रम हुनुअघि नै बुटवल र ललितपुरका लागि झन्डै ५ हजार बढी टिकट बुक भइसकेका छन् । हाम्रो लक्ष्य १० हजार दर्शकलाई मनोरञ्जन दिनु हो,’ उनले भने, ‘यो कार्यक्रमपछि हामी नेपालमा एकताको शन्देश बाँड्न काठमाडौं र देशका विभिन्न कलेजमा पुग्नेछौं ।’

ब्यान्डमा वाद्यवादनतर्फ गीतारमा नेपथ्यका पूर्व लिड गिटारिस्ट तथा हरि महर्जन प्रोजेक्टका हरि महर्जन, दि एक्स ब्यान्डका पूर्व लिड गितारिस्ट तथा टम्बलविड र श्री ३ का शरद श्रेष्ठ, अभया एन्ड द स्टिम इन्जन्सका राजिव रिञ्छेन पाल्जोर, बेशमा मुक्ति एन्ड रिभाइभलका रोशन कंसाकार र म्युजिक स्कोरर सुरज विष्ट, ड्रम्समा नेपथ्यका पूर्व ड्रमर तथा कान्ता डब डबका निखिल तुलाधर छन् । ब्यान्डको नयाँ एल्बमको पहिलो गीत यसै हप्ता सार्वजनिक हुँदैछ ।

ब्यान्डवागन बाइ पोजिटिभ भाइब्सले सन् २०१६ मा ललितपुरकै जावलाखेल मैदानमा नेपथ्य ब्यान्डलाई पहिलो संस्करणको ‘फेरि उठ्नेछ नेपाल’ कन्सर्टमा प्रस्तुत गरेको थियो । त्यसको लगत्तै सन् २०१७ मा कास्कीको पोखरामा दोस्रो संस्करणमा पनि नेपथ्य दोहोरिएको थियो ।

विकेशले भूकम्पपछिको अवस्थामा पनि नेपालको राजनीति अस्थिर रहेकाले सबै जनता एक भएर देशका लागि केही गर्न आह्वान गर्न कार्यक्रम गर्न लागिएको बताए । उनका अनुसार नारायणघाट, पोखरा र इटहरीमा पनि कन्सर्टको तयारी भइरहेको छ तर ती स्थानमा हुने कन्सर्टको भने मिति तय भइसकेको छैन ।
 






यसमा तपाईको मत

अन्य समाचार

सेल्फि र सेल्फि फोनको लहर

सेल्फि र सेल्फि फोनको लहर

सेल्फि फोनको ट्रेन्डलाई नियालेर हेर्दै र सेल्फि क्यामरा राम्रो हुनलाई केको आवश्यकता पर्छ भन्ने विषयमा टिप्पणी । ...

ट्याब्लेट रोज्दा खोज्नुपर्ने उत्तरहरु

ट्याब्लेट रोज्दा खोज्नुपर्ने उत्तरहरु

सानदार स्क्रिन हुने, बोक्न गाह्रो नहुने र चलाउन सजिलो हुने भएकाले ट्याब्लेट छोटो समयमा नै अत्यधिक लोकप्रिय भएको छ ।...

ल्यापटप छान्न सरल

ल्यापटप छान्न सरल

गाह्रोभन्दा गाह्रो कामहरु पनि सजिलै गर्न मिल्ने तर जता पनि सजिलै बोकेर हिंड्न मिल्ने भएकाले ल्यापटप अहिले पुराना शैलीका डेस्कटप...

टिभीको नयाँ रुपलाई नियाल्दा

टिभीको नयाँ रुपलाई नियाल्दा

टिभी हेर्न सजिलो छ । किन्न भने त्यति सरल नहुन सक्छ । अहिले पुराना शैलीका सिआरटि टिभीहरु उत्पादन हुन छोडिसके...

जितुले हसाँए, कमलले नचाए

जितुले हसाँए, कमलले नचाए

सर्लाहीको मूर्तियामा बुधबारदेखि जारी ऐतिहाँसिक मुक्तेश्वर मूर्तिया महोत्सव अन्तर्गत विहिबार राष्ट्रिय स्तरमा चर्चित कलाकारहरुले आफ्नो प्रस्तुती दिएका छन्। ...

सलमान खानले चन्द्रागिरिको भ्रमण गर्ने

सलमान खानले चन्द्रागिरिको भ्रमण गर्ने

बलिउडका चर्चित अभिनेता सलमान खानले चन्द्रागिरि हिल्सको भ्रमण गर्ने भएका छन्। दवाङ्ग इभेन्टका लागि आउँदो मार्चमा नेपाल खान आउन लागेका...

‘पद्मावती’माथि चार राज्यको प्रतिबन्ध सर्वाेच्चले हटायो

‘पद्मावती’माथि चार राज्यको प्रतिबन्ध सर्वाेच्चले हटायो

सञ्जयलिला भन्सालीको विवादित फिल्म ‘पद्मावती’माथि चार राज्यले लगाएको प्रतिबन्ध भारतीय सर्वाेच्च अदालतले खारेज गरेको छ। विहीबार प्रधानन्यायाधीश दिपक मिश्रासहित ३...

भिलेन मौनी

भिलेन मौनी

भारतीय टेलिभिजनमा ‘नागिन’का रुपमा परिचित मौनी रोयको अभिनयको गाडीले केही समय अघिमात्र बलिउडको ट्रयाक समातेको छ । उनी अभिनित फिल्म...