म्याथ्युजलाई पुनः जिम्मेवारी

बिहिबार, २७ पुष २०७४, ०६ : ४८ एजेन्सी


कोलम्बो – श्रीलंकाले मंगलबार अलराउन्डर एन्जेलो म्याथ्युजलाई पुनः सीमित ओभरको खेलका लागि कप्तानको जिम्मेवारी दिएको छ । म्याथ्युजले टोलीको लगातार असफल प्रदर्शनमा आफू जिम्मेवार रहेको भन्दै ६ महिनाअघि एकदिवसीय र ट्वान्टी–२० टोलीको कप्तानबाट राजीनामा दिएका थिए  ।

नयाँ प्रशिक्षक चाण्डिका हाथारुसिंहासँगको छलफलपछि म्याथ्युज पुनः कप्तानको जिम्मेवारी लिने निर्णयमा पुगेको श्रीलंका क्रिकेट बोर्डका अध्यक्ष थिलंगा सुमाथिपालाले बताए ।

म्याथ्युजले राजीनामा दिएपछि सीमित ओभरको खेलका लागि उपुल थारंगालाई कप्तानको जिम्मेवारी दिइएको थियो । थारांगाको नेतृत्वमा पनि टोलीले सोचेअनुरूप नतिजा हात पार्न नसकेको भन्दै श्रीलंका क्रिकेटले अलराउन्डर थिसारा परेरालाई कप्तानीको जिम्मेवारी दिएको थियो । तर हालै सम्पन्न भारत भ्रमणमा लज्जास्पद हार बेहोरेपछि बोर्डले परेरालाई कप्तानबाट बर्खास्त गरेको थियो ।

‘टोली खराब लयबाट गुज्रिरहेको छ । हामी विश्वकप २०१९ का लागि बलियो टोली निर्माण गर्नका केन्द्रित हुन आवश्यक छ,’ ३० वर्षे म्याथ्युजले भने, ‘एउटा टोलीमा बलियो नेतृत्व नहुँदा धेरै समस्या आउँछ । त्यसैले टोलीलाई नेतृत्व प्रदान गर्न क्रिकेट बोर्डले गरेको प्रस्ताव स्वीकार गरेको हुँ ।’ यसै महिनाको अन्त्यमा बंगलादेशमा हुने शृंखलासँगै म्याथ्युज पुनः कप्तानको जिम्मेवारीमा फर्कनेछन् ।
 

अनियमितता नगरेको दाबी
कोलम्बो  – श्रीलंका क्रिकेट बोर्ड (एससिएल) ले मंगलबार अन्तर्राष्ट्रिय क्रिकेट परिषद् (आइसिसी) ले आफूहरूविरुद्धको खेलमिलेमतो तथा अनियमितताको मुद्दामा कुनै प्रमाण हात नपारेको बताएको छ ।

पूर्वकप्तान अर्जुना रणतुंगाले लगातारको खराब प्रदर्शनमा क्रिकेट बोर्ड जिम्मेवार भएको र खेलाडीसमेत खेलमिलेमतोमा परेको हुन सक्ने भन्दै स्वतन्त्र छानबिनको माग गरेपछि आइसिसीले अनुसन्धान सुरु गरेको थियो ।
एससिएलका कार्यकारी अधिकृत एस्ले डी सिल्भाले आइसिसीको टोलीले सेप्टेम्बरमा श्रीलंका भ्रमण गर्दै छानबिन गरेको बताए ।
‘बोर्डमाथिका आरोप तथ्यहीन थिए । आइसिसीको टोलीले हाम्राविरुद्ध गरेको छानबिनमा केही प्रमाण नभेट्टाउनुले हामीमाथि लागेको आरोप आधारहीन हो भन्ने प्रस्ट गर्छ,’ सिल्भाले भने ।

आइसिसीले श्रीलंका क्रिकेटमाथि गरेको छानबिनपछि लिइएको निर्णयबारे औपचारिक रूपमा केही बताएको छैन ।
आइसिसीले गत सेप्टेम्बरमा श्रीलंकामाथिको छानबिन प्रक्रिया सुरु गरेको बताएको थियो ।
 






यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

सेल्फि र सेल्फि फोनको लहर

सेल्फि र सेल्फि फोनको लहर

सेल्फि फोनको ट्रेन्डलाई नियालेर हेर्दै र सेल्फि क्यामरा राम्रो हुनलाई केको आवश्यकता पर्छ भन्ने विषयमा टिप्पणी । ...

ट्याब्लेट रोज्दा खोज्नुपर्ने उत्तरहरु

ट्याब्लेट रोज्दा खोज्नुपर्ने उत्तरहरु

सानदार स्क्रिन हुने, बोक्न गाह्रो नहुने र चलाउन सजिलो हुने भएकाले ट्याब्लेट छोटो समयमा नै अत्यधिक लोकप्रिय भएको छ ।...

ल्यापटप छान्न सरल

ल्यापटप छान्न सरल

गाह्रोभन्दा गाह्रो कामहरु पनि सजिलै गर्न मिल्ने तर जता पनि सजिलै बोकेर हिंड्न मिल्ने भएकाले ल्यापटप अहिले पुराना शैलीका डेस्कटप...

टिभीको नयाँ रुपलाई नियाल्दा

टिभीको नयाँ रुपलाई नियाल्दा

टिभी हेर्न सजिलो छ । किन्न भने त्यति सरल नहुन सक्छ । अहिले पुराना शैलीका सिआरटि टिभीहरु उत्पादन हुन छोडिसके...

बसन्त पञ्चमीमा साँगीतिक कन्सर्ट

बसन्त पञ्चमीमा साँगीतिक कन्सर्ट

झण्डै डेढ महिनादेखी बढेको चिसोविच सोमवार मनाइएको बसन्तपञ्चमीको अवरमा वीरगन्जस्थित ठाकुरराम बहुमुखि क्याम्पसमा आयोजित साँगितिक कन्सर्टले माहोल ततायो। ...

‘हस्पिटालिटी नेपाल कन्टेस्ट’को पोखरामा अडिसन

‘हस्पिटालिटी नेपाल कन्टेस्ट’को पोखरामा अडिसन

दोस्रो सिजनको हस्पिटालिटी नेपाल कन्टेस्टको पहिलो अडिसन पोखरामा भएको छ। शनिबार पोखरामा भएको अडिसनमा कुल २८ जनाले सहभागिता जनाएका थिए।...

चीनमा रुचाइयो आमिरको पछिल्लो फिल्म

चीनमा रुचाइयो आमिरको पछिल्लो फिल्म

बलिउडका ‘मिस्टर परफेक्शनिष्ट’ आमिर खानको पछिल्लो फिल्म ‘सिक्रेट सुपरस्टार’लाई चीनमा रुचाइएको छ। भारतीय सञ्चारमाध्यमका अनुसार यो फिल्मले चिनियाँ बक्स अफिसमा...

प्रदर्शन मिति नजिकिँदा ‘पद्मावत’ को विरोध बढ्दो

प्रदर्शन मिति नजिकिँदा ‘पद्मावत’ को विरोध बढ्दो

सञ्जयलिला भन्सालीको विवादित फिल्म ‘पद्मावती’को विरोध बढिरहेको छ। जनवरी २५ मा प्रदर्शन हुने फिल्मको रिलिज मिति नजिकिँदा भारतका विभिन्न राज्यमा...