रुप्से र अन्धगल्छीमा थ्रिजी सेवा

शुक्रबार, २८ पुष २०७४, २१ : १५ संगम घर्तीमगर


बागलुङ – साविकको धौलागिरीमा नेपाल टेलिकमले आफ्नो सेवा विस्तारलाई तीब्रता दिएको छ। नयाँ ठाउँमा सेवा विस्तारसंगै सेवालाई गुणस्तरीय बनाउन लागेको टेलिकमले जनाएको छ। टेलिकमको धौलागिरी शाखाले म्याग्दीको अन्नपूर्ण गाउँपालिकाको वडा नं ३ दानामा थ्रिजी सेवा सञ्चालनमा ल्याएको छ।

सात महिना पहिला टेलिकमले पहिलो पटक उक्त स्थानमा टावर राखेर जिएसएम मोवाईल सेवा विस्तार गरेको थियो। उक्त टावरबाट गाउँपालिकाको वडा नं ३ र ४ का झण्डै छ सय घरधुरी लाभान्वित भएको नेपाल टेलिकम धौलागिरी शाखा प्रमुख केशव शर्माले बताए। ‘हामीले अहिले सेवा विस्तारसंगै गुणस्तरीय सेवालाई प्राथमकिता दिएर काम गरिरहेका छौं,’ शर्माले भने, ‘टूजी भएका ठाउँहरुमा थ्रीजी सेवा सञ्चालनमा ल्याएका छौं।’

मुस्ताङ जाने पर्यटकहरु हिँड्ने बाटो पर्ने भएकाले पनि त्यो क्षेत्र निकै महत्वपूर्ण छ। सेवा विस्तारपछि गाउँपालिकाको गापपार्क, कोप्चेपानी, थारेसोरा, डोरीखोला, डाँडागाउँ, लिग्मो, डाँडाबजार खलङ्गा, पर्यटकिय स्थल रुप्से झरना र अन्ध गल्छीमा टेलिकमको अत्याधुनिक प्रविधिको थ्रिजी सेवा पुगेको उनले बताए। भ्वाईस तथा डाटा सर्भिसलाई सर्भसुलभ बनाउदै चुनौतीका बाबजुद टेलिकमले विकट ठाउँहरुमा आफनो सेवा विस्तारलाई तिव्रता दिईरहेको शर्माको भनाई छ।

पर्यटकीय स्थलहरु रुप्से झरना र अन्धगल्छीमा पुग्ने आन्तरिक तथा बाह्य पर्यटक समेत थ्रीजी सञ्चालनसंगै प्रत्यक्ष लाभान्वित हुने नेपाल टेलिकम पोखराका प्राविधिक अधिकृत बलराम अधिकारीले बताए। ‘हामीले विकट क्षेत्रमा पनि भ्वाईस प्याक तथा उच्च गतिको डाटा पु¥याउने लक्ष्यका साथ काम गरिरहेका छौं,’ अधिकारीले भने, ‘अब लगत्तै बागलुङको ताराखोला गाउँपालिकाको नाँगबेली खोला, बडिगाड गाउँपालिकाको उपल्लो दर्लिङ, र बलेवाको पैयुँपाटामा मोवाईल सेवा सञ्चालनमा ल्याउन तयारीमा छौं।’  

टेलिकमले बडिगाड गाउँपालिकाको विकट रणसिंहकिटेनी खोलाखर्क, गलकोट नगरपालिको विकट गाउँ रमुवा, वडा नं ९ रिश्मी, ताराखोला गाउँपालिकाको अमरभूमि र म्याग्दीको बरङजामा सेवा विस्तारको निमित्त फिल्ड सर्भे गरिसकेको नेपाल टेलिकम बागलुङका ईन्जिनियर अमृत नेपालले बताए।






यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

सेल्फि र सेल्फि फोनको लहर

सेल्फि र सेल्फि फोनको लहर

सेल्फि फोनको ट्रेन्डलाई नियालेर हेर्दै र सेल्फि क्यामरा राम्रो हुनलाई केको आवश्यकता पर्छ भन्ने विषयमा टिप्पणी । ...

ट्याब्लेट रोज्दा खोज्नुपर्ने उत्तरहरु

ट्याब्लेट रोज्दा खोज्नुपर्ने उत्तरहरु

सानदार स्क्रिन हुने, बोक्न गाह्रो नहुने र चलाउन सजिलो हुने भएकाले ट्याब्लेट छोटो समयमा नै अत्यधिक लोकप्रिय भएको छ ।...

ल्यापटप छान्न सरल

ल्यापटप छान्न सरल

गाह्रोभन्दा गाह्रो कामहरु पनि सजिलै गर्न मिल्ने तर जता पनि सजिलै बोकेर हिंड्न मिल्ने भएकाले ल्यापटप अहिले पुराना शैलीका डेस्कटप...

टिभीको नयाँ रुपलाई नियाल्दा

टिभीको नयाँ रुपलाई नियाल्दा

टिभी हेर्न सजिलो छ । किन्न भने त्यति सरल नहुन सक्छ । अहिले पुराना शैलीका सिआरटि टिभीहरु उत्पादन हुन छोडिसके...

पद्मावतीलाई चार राज्यमा प्रतिबन्ध, अदालत पुगे निर्माता

पद्मावतीलाई चार राज्यमा प्रतिबन्ध, अदालत पुगे निर्माता

राजपूत समुदायको विरोधपछि फिल्मको नाम परिवर्तन (पद्मावत) र दृश्य परिमार्जनसहित सेन्सर बोर्डबाट प्रदर्शनको अनुमति पाएको ‘पद्मावती’लाई राजसंस्थान, हरियाणा, गुजरात र...

साली बन्दै मरिस्का

साली बन्दै मरिस्का

नेपाली कथानक चलचित्र ‘साली कसको भेनाको’ मंगलबार चितवनमा शुभमुहूर्त गरिएको छ । मुभिङ पिक्चर्सद्वारा निर्मीत फिल्ममा वरिष्ठ कलाकार ऋद्धिचरण श्रेष्ठले...

‘शेरबहादुर हलिउडबाट प्रभावित’

‘शेरबहादुर हलिउडबाट प्रभावित’

फिल्म ‘शेरबहादुर’को ट्रेलर सार्वजनिक हुँदा यो फिल्म हलिउडको फिल्म ‘डन्ट ब्रिथ’बाट प्रभावित भएको आरोप लागेको थियो । फिल्म प्रभावित भएको...

लघुकथा वाचन तथा विमोचन

लघुकथा वाचन तथा विमोचन

शब्दपथको आयोजनामा लघुकथा सर्जक महेश प्रसार्इंको लघुकथा ‘अतिरिक्त स्वरहरू’को विमोचन ललितपुरको सिद्धेश्वर मन्दिर प्राङ्गण, लेलेमा सम्पन्न गरिएको छ । ...