एमालेले तोक्यो राष्ट्रियसभा उम्मेदवार मापदण्ड

शनिबार, २९ पुष २०७४, ०६ : ३८ नागरिक


काठमाडौं – एमालेले स्थानीय तह, प्रदेशसभा र प्रतिनिधिसभा निर्वाचनमा उम्मेदवार भएकालाई राष्ट्रियसभा निर्वाचनमा उम्मेदवार नबनाउने निर्णय गरेको छ ।

केन्द्रीय सचिवालयको शुक्रबारको बैठकले स्थानीय तह तथा प्रतिनिधिसभा र प्रदेशसभा ( प्रत्यक्ष र समानुपातिक) तर्फ उम्मेदवार बनेका कसैलाई पनि राष्ट्रियसभा सदस्य चुनावमा उम्मेदवार नबनाउनेगरी मापदण्ड निर्धारण गरेको हो ।

यो मापदण्डले प्रतिनिधिसभा सदस्य चुनावमा पराजित भएका उपाध्यक्ष वामदेव गौतम राष्ट्रियसभामा उम्मेदवार बन्ने अड्कलमा पूर्णविराम लगाएको छ ।
महासचिव प्रमुख रहने सचिवालय बैठकमा कार्यवाहक अध्यक्ष गौतम प्रमुख अतिथिका रुपमा उपस्थित थिए ।

बैठकले माघ ५ गतेभित्र राष्ट्रियसभा सदस्य निर्वाचनका लागि सम्भावित उम्मेदवारको नाम सिफारिस गर्न प्रदेश कमिटीहरुलाई निर्देशन दिएको छ ।

राष्ट्रियसभा सदस्य निर्वाचनमा पनि एमाले–माओवादी गठबन्धनले साझा उम्मेदवार बनाउनेछ । उम्मेदवार छनोटका लागि एमाले–माओवादी संयुक्त कार्यदल बनेको छ । सरकारले माघ २४ गते राष्ट्रियसभा सदस्य निर्वाचन मिति घोषणा गरेको छ ।

राष्ट्रियसभामा प्रत्येक प्रदेशबाट दलित, अपांग वा अल्पसंख्यक समुदायबाट एक÷एक, तीन महिला र बाँकी तीन खुला गरी आठजना निर्वाचित हुने छन् । प्रदेशका निर्वाचक मण्डलबाट ५६ जना निर्वाचित हुनेछन् । त्यस्तै मन्त्रिपरिषद्को सिफारिसमा एक महिलासहित तीन सदस्य राष्ट्रियसभामा मनोनीत हुनेछन् । यो सभा ५९ सदस्यीय हुन्छ ।

प्रदेश दुईबाहेक अन्य ६ वटा प्रदेशसभामा एमाले र माओवादी गठबन्धनको बहुमत छ । तर सरकारले हालसम्म प्रदेश प्रमुख तथा अस्थायी राजधानी तोकेको छैन ।
पार्टीमा लामो योगदान गरेको र पार्टीसँग वैचारिक आबद्धता राख्दै समाजसेवा, संस्कृति, कला, साहित्य, विज्ञान, प्रविधिलगायत सामाजिक क्षेत्रमा विशिष्ट योगदान पुयाएको व्यक्तिलाई राष्ट्रियसभा सदस्य निर्वाचनमा उम्मेदवार बनाउने मापदण्ड एमालेले बनाएको छ । त्यस्तै भौगोलिक र सामाजिक सन्तुलन, विभिन्न विषयका विज्ञ तथा विशेषज्ञबीचबाट पनि उम्मेदवार छानिने छ ।

बैठकले राष्ट्रियसभा सदस्य निर्वाचनमा मतदान गर्ने निर्वाचक मण्डलका सदस्यलाई एकल संक्रमणीय मत प्रणालीबारे प्रशिक्षण दिने व्यवस्था मिलाउन सम्बन्धित प्रदेश संगठन कमिटीलाई निर्देशन दिएको छ ।निर्वाचक मण्डलमा स्थानीय तहका प्रमुख तथा उपप्रमुख र प्रदेशसभाका सांसद रहन्छन् । स्थानीय तहका प्रमुख र उपप्रमुखको मतभार १८ र प्रदेश सांसदको मतभार ४८ तोकिएको छ ।
बैठकले शीतलहर पीडितलाई तत्काल न्यानो कपडा, दाउरा तथा आवश्यक राहत उपलब्ध गराउन र भाइरल ज्वरो प्रभावित जाजरकोटमा तत्काल औषधिसहितको चिकित्सक टोली पठाउन सरकारसँग माग गरेको छ ।

‘शीतलहर तथा भाइरल ज्वरोबाट प्रभावित क्षेत्रमा पार्टीतर्फबाट पनि राहत उपलब्ध गराउन सम्बन्धित तहका पार्टी कमिटीलाई तत्काल परिचालित हुन  निर्देशित गरिएको छ’, बैठकपछि एमाले सचिव प्रदीप ज्ञवालीले जारी गरेको प्रेस विज्ञप्तिमा उल्लेख छ ।






यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

सेल्फि र सेल्फि फोनको लहर

सेल्फि र सेल्फि फोनको लहर

सेल्फि फोनको ट्रेन्डलाई नियालेर हेर्दै र सेल्फि क्यामरा राम्रो हुनलाई केको आवश्यकता पर्छ भन्ने विषयमा टिप्पणी । ...

ट्याब्लेट रोज्दा खोज्नुपर्ने उत्तरहरु

ट्याब्लेट रोज्दा खोज्नुपर्ने उत्तरहरु

सानदार स्क्रिन हुने, बोक्न गाह्रो नहुने र चलाउन सजिलो हुने भएकाले ट्याब्लेट छोटो समयमा नै अत्यधिक लोकप्रिय भएको छ ।...

ल्यापटप छान्न सरल

ल्यापटप छान्न सरल

गाह्रोभन्दा गाह्रो कामहरु पनि सजिलै गर्न मिल्ने तर जता पनि सजिलै बोकेर हिंड्न मिल्ने भएकाले ल्यापटप अहिले पुराना शैलीका डेस्कटप...

टिभीको नयाँ रुपलाई नियाल्दा

टिभीको नयाँ रुपलाई नियाल्दा

टिभी हेर्न सजिलो छ । किन्न भने त्यति सरल नहुन सक्छ । अहिले पुराना शैलीका सिआरटि टिभीहरु उत्पादन हुन छोडिसके...

पद्मावतीलाई चार राज्यमा प्रतिबन्ध, अदालत पुगे निर्माता

पद्मावतीलाई चार राज्यमा प्रतिबन्ध, अदालत पुगे निर्माता

राजपूत समुदायको विरोधपछि फिल्मको नाम परिवर्तन (पद्मावत) र दृश्य परिमार्जनसहित सेन्सर बोर्डबाट प्रदर्शनको अनुमति पाएको ‘पद्मावती’लाई राजसंस्थान, हरियाणा, गुजरात र...

साली बन्दै मरिस्का

साली बन्दै मरिस्का

नेपाली कथानक चलचित्र ‘साली कसको भेनाको’ मंगलबार चितवनमा शुभमुहूर्त गरिएको छ । मुभिङ पिक्चर्सद्वारा निर्मीत फिल्ममा वरिष्ठ कलाकार ऋद्धिचरण श्रेष्ठले...

‘शेरबहादुर हलिउडबाट प्रभावित’

‘शेरबहादुर हलिउडबाट प्रभावित’

फिल्म ‘शेरबहादुर’को ट्रेलर सार्वजनिक हुँदा यो फिल्म हलिउडको फिल्म ‘डन्ट ब्रिथ’बाट प्रभावित भएको आरोप लागेको थियो । फिल्म प्रभावित भएको...

लघुकथा वाचन तथा विमोचन

लघुकथा वाचन तथा विमोचन

शब्दपथको आयोजनामा लघुकथा सर्जक महेश प्रसार्इंको लघुकथा ‘अतिरिक्त स्वरहरू’को विमोचन ललितपुरको सिद्धेश्वर मन्दिर प्राङ्गण, लेलेमा सम्पन्न गरिएको छ । ...