दिनेश र पुकारको नयाँ राष्ट्रिय कीर्तिमान

शनिबार, २९ पुष २०७४, १० : ३७ नागरिक


काठमाडौं – नेपाली सेनाका दिनेश श्रेष्ठले राखेप च्याम्पियनसिपअन्तर्गत शुक्रबार सम्पन्न २३औं पुरुष तथा आठौं महिला राष्ट्रिय भारोत्तोलन च्याम्पियनसिपमा झण्डै दुई दशक पुरानो राष्ट्रिय कीर्तिमान तोडेका छन् । 

१ सय ५ केजी  तौल समूहको स्न्याचमा उनले १९ वर्ष अघि आठौं दक्षिण एसियाली खेलकुदमा भदन शिवभक्तिले १ सय २० केजी तौल उठाउँदै राखेको कीर्तिमानमा सुधार गरेका हुन् । शुक्रबार दिनेशले १ सय २१ केजीको नयाँ कीर्तिमान बनाएका थिए ।

स्न्याचमा नेपाल प्रहरीका सन्देश गुरुङले १ सय केजी उचालेर रजत तथा बाराका महमद आशिक हुसेनले ८८ केजी उचालेर कांस्य पदक जिते । क्लिन एण्ड जर्क र कुलमा पनि स्वर्ण पदक दिनेशले जिते । उनले क्लिन एण्ड जर्कमा १ सय ४० केजी र कुलमा २६१ केजी भार बहन गरेका थिए । सन्देशले क्लिन एण्ड जर्कमा १ सय ३२ र कुलमा २ सय ३२ केजी उचालेर रजत पदक जित्दा महमदले क्लिन एण्ड जर्कमा १ सय ५ र कुलमा १ सय ९३ केजी तौल उचालेर कांस्य पदक जिते । 

पोखरामा सम्पन्न प्रतियोगितामा सेनाकै पुकार गुरुङले १ सय ५ केजी माथिको तौलमा आफ्नै नाममा रहेको किर्तिमानमा सुधार गर्दै स्वर्ण प्राप्त गरे । । उनले स्न्याचमा सातौं राष्ट्रिय खेलकुदमा राखेको १ सय २४ केजी तौलमा सुधार गर्दै १ सय २५ केजी भार बहन गरे । दोश्रो स्थानमा नेपाल प्रहरीका राजीव महर्जन (९५ केजी) रहे । कञ्चनपुरका सुभाष उपाध्यायले ८७ केजी उचाल्दै स्न्याचमा कांस्य पदक हात पारे । पुकारले क्लिन एण्ड जर्कमा १ सय ४० केजी र कुलमा २ सय ६५ केजी उचाल्दै स्वर्ण जित्दा क्लिन एण्ड जर्कमा सुभाषले १ सय २० केजी उचाल्दै रजत जित्दा राजीवले १ सय १८ केजीको भार उठाउँदै कांस्य पदकमा चित्त बुझाए । कुलमा राजीवले १ सय १३ तथा सुभाषले १ सय ७ केजी उठाउँदै रजत र कांस्य पदक जिते । 

८५ केजी तौल समुहमा सेनाका सुरेन्द्र श्रेष्ठले स्न्याचमा १ सय ५, क्लिन एण्ड जर्कमा १ सय २७ तथा कुलमा २ सय ३२ केजी तौल उचालेर सबै स्वर्ण पदक जित्दा पुलिसका गगन चन्दले स्न्याचमा ९३, क्लिन एण्ड जर्कमा १ सय १७ र कुलमा २ सय १० केजी उठाउँदै रजत पदक जिते ।  कञ्चनपुरका विशालसिंह विष्टले स्न्याचमा ८५, क्लिन एण्ड जर्कमा १ सय १५ र कुलमा २ सय केजी तौल उठाएर कांस्य पदकमा कव्जा जमाए ।

९४ केजी तौलमा सेनाका टहलबहादुर बसेलले क्लिन एण्ड जर्क र कुलमा क्रमषः १ सय २७ र २ सय १७ केजीको तौलसहित स्वर्ण पदक जिते । स्न्याचमा भने ९० केजीमात्र उचालेका उनी रजत पदकमा सिमित भए । स्न्याचमा पुलिसका श्रीकृष्ण महर्जनले १ सय केजी भार बहन गर्दै स्वर्ण जितेका थिए । उनले क्लिन एण्ड जर्कमा १ सय १० केजी तथा कुलमा २ सय १० केजीको तौल्सहित रजत पदक जित्दा भक्तपुरका जयदी कोजुले स्न्याचमा स्न्याचमा ८१, क्लिन एण्ड जर्कमा १ सय १० तथा कुलमा १ सय ९१ केजीको तौलसहित कांस्य पदक जिते । 

सेनाका कमलबहादुर अधिकारीले पुरुषतर्फको स्ट्रोङगेस्ट र उत्कृष्ट लिफ््टर खेलाडीको उपाधी जिते । यस्तै महिलामा पुलिसकी तारादेवी पुनले स्ट्रोङगेस्ट तथा उत्कृष्ट लिफ्टरमा सेनाकी सञ्जु चौधरी रहे । विजयी प्रत्येक खेलाडीले नगद ५ हजार पुरस्कार प्राप्त गरे । राष्ट्रिय किर्तिमान कायम गर्न सफल खेलाडीहरुले पनि नगद ५ हजार रुपैयाँ पाए । प्रतियोगितामा सात राष्ट्रिय किर्तिमान कायम भएका थिए । 
प्रतियोगितामा तीन विभागीय टोली सेना, प्रहरी र एपिएफ तथा १४ जिल्लाका २४ महिला र ५९ पुरुष खेलाडी सहभागि थिए । 

 






यसमा तपाईको मत

अन्य समाचार

सेल्फि र सेल्फि फोनको लहर

सेल्फि र सेल्फि फोनको लहर

सेल्फि फोनको ट्रेन्डलाई नियालेर हेर्दै र सेल्फि क्यामरा राम्रो हुनलाई केको आवश्यकता पर्छ भन्ने विषयमा टिप्पणी । ...

ट्याब्लेट रोज्दा खोज्नुपर्ने उत्तरहरु

ट्याब्लेट रोज्दा खोज्नुपर्ने उत्तरहरु

सानदार स्क्रिन हुने, बोक्न गाह्रो नहुने र चलाउन सजिलो हुने भएकाले ट्याब्लेट छोटो समयमा नै अत्यधिक लोकप्रिय भएको छ ।...

ल्यापटप छान्न सरल

ल्यापटप छान्न सरल

गाह्रोभन्दा गाह्रो कामहरु पनि सजिलै गर्न मिल्ने तर जता पनि सजिलै बोकेर हिंड्न मिल्ने भएकाले ल्यापटप अहिले पुराना शैलीका डेस्कटप...

टिभीको नयाँ रुपलाई नियाल्दा

टिभीको नयाँ रुपलाई नियाल्दा

टिभी हेर्न सजिलो छ । किन्न भने त्यति सरल नहुन सक्छ । अहिले पुराना शैलीका सिआरटि टिभीहरु उत्पादन हुन छोडिसके...

जितुले हसाँए, कमलले नचाए

जितुले हसाँए, कमलले नचाए

सर्लाहीको मूर्तियामा बुधबारदेखि जारी ऐतिहाँसिक मुक्तेश्वर मूर्तिया महोत्सव अन्तर्गत विहिबार राष्ट्रिय स्तरमा चर्चित कलाकारहरुले आफ्नो प्रस्तुती दिएका छन्। ...

सलमान खानले चन्द्रागिरिको भ्रमण गर्ने

सलमान खानले चन्द्रागिरिको भ्रमण गर्ने

बलिउडका चर्चित अभिनेता सलमान खानले चन्द्रागिरि हिल्सको भ्रमण गर्ने भएका छन्। दवाङ्ग इभेन्टका लागि आउँदो मार्चमा नेपाल खान आउन लागेका...

‘पद्मावती’माथि चार राज्यको प्रतिबन्ध सर्वाेच्चले हटायो

‘पद्मावती’माथि चार राज्यको प्रतिबन्ध सर्वाेच्चले हटायो

सञ्जयलिला भन्सालीको विवादित फिल्म ‘पद्मावती’माथि चार राज्यले लगाएको प्रतिबन्ध भारतीय सर्वाेच्च अदालतले खारेज गरेको छ। विहीबार प्रधानन्यायाधीश दिपक मिश्रासहित ३...

भिलेन मौनी

भिलेन मौनी

भारतीय टेलिभिजनमा ‘नागिन’का रुपमा परिचित मौनी रोयको अभिनयको गाडीले केही समय अघिमात्र बलिउडको ट्रयाक समातेको छ । उनी अभिनित फिल्म...