कर्णालीमा निशुल्क पाठेघर अप्रेशन

शनिबार, २९ पुष २०७४, १५ : ४७ डिबी बुढा


जुम्ला – कर्णालीमा पछिल्लो समय पाठेघर खस्ने समस्या भएका महिलाहरुको निशुल्क अप्रेशन हुन थालेको छ। सामान्य रोगको संक्रमण हुँदा सुर्खेत र नेपालगंजका सुविधा सम्पन्न अस्पतालमा उपचार गर्न जानुको विकल्प नरहेका स्थानीयलाई अब केहि राहत मिलेको छ। 

कर्णाली स्वास्थ्य विज्ञान प्रतिष्ठान शिक्षण अस्पताल जुम्लाले क्षेत्रिय स्वास्थ्य निर्देशनालय सुर्खेतको  समझदारीमा पाठेघर खस्ने समस्या भएका महिलाहरुको चेकजाच र अप्रेशन निशुल्क गर्न थालेको हो। 

कर्णाली अस्पतालमै निशुल्क उपचार गर्न पाउने खवरले गाउँका महिलाहरु हर्षित बनेका छन। कर्णालीका पाँच वटा जिल्ला र छिमेकी जाजरकोटको लागि निशुल्क उपचार गर्ने सम्झौता भईसकेको अस्पतालका निर्देशक धर्मराज गोसाईले जानकारी दिए। गोसाईले भने 'अब कर्णालीका महिलाले पाठेघर खस्ने समस्याका कारण अकालमा मृत्यु पर्खनु पर्ने छैन र पाठेघरको अप्रेशनका लागि महंगो रकम तिर्नु पनि पर्दैन।'

 जुम्लामा निशुल्क पाठेघर खस्ने समस्य भएका महिलाको उपचार र अप्रेशन कार्य शुरु भईसकेको छ। हाल सम्म दर्जन बढि महिलाले उपचार गराईसकेको अस्पतालले जनाएको छ। असार मसान्तसम्म जिल्लाका सबैै पाठेघरको संक्रमण भएका विरामी महिलालाई उपचारका लागि आउन सुचित गरिसकिएको छ। अस्पताल निर्देशक गोसाईले भने,'यातायात खर्च सहित खान खर्च समेत उपलव्ध हुने छ।'

पाठेघर अप्रेशनका लागि शिक्षण अस्पतालको टोली जुम्ला सहित ५ वटै जिल्ला अस्पतालमा पुग्ने भएको छ। प्रत्येक जिल्लाका स्वास्थ्य कार्यालयलाई पाठेघर उपचारबारे जानकारी गराईसकेको निर्देशक गोसाई बताउँछन। उनले भने, 'कार्यतालिका बनाएर सम्वन्धीत स्वास्थ्य कार्यालयमा पठाईसकेका छौ, जिल्ला अस्पतालले रोगको पहिचान गर्छ, विशेषज्ञ टोली गएर निशुल्क उपचार गर्छ। जुम्लाबाट गएको टिमले औषधी र उपचार सामाग्री सवै बोकेर लैजान्छ। '

कर्णालीमा पाठेघर समस्य भएका महिलाको संख्या बढ्दो क्रममा छ । निर्देशक गोसाई भन्छन, 'सानै उमेरमा विवाह गरेर वच्चा जन्माउनु,गह्रुंगो भारी बोक्नु–बोकाउनु,बच्चा अवस्थामा धेरै काम गर्नु र स्वास्थ्यको उचित ख्याल नहुनु जस्ता कार्यले पाठेघर खस्ने समस्याले ग्रसित महिलाको संख्या निकै बढि छ।'

पाठेघर खस्ने समस्या भएका महिलाको शारीरिक र मानसिक दुवै समस्य देखिन पुग्छ । यो बर्ष न्युनतम १ सय जना महिलाको पाठेघर खस्ने रोगको सफल शल्यक्रिया गर्ने तयारी भईरहेको छ।  एउटा महिलाको पाठयघरको अप्रेशनका लागि न्युनतम १५ देखि २० हजार रुपैयाँ सम्म खर्च हुने गरेको छ। 

 






यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

सेल्फि र सेल्फि फोनको लहर

सेल्फि र सेल्फि फोनको लहर

सेल्फि फोनको ट्रेन्डलाई नियालेर हेर्दै र सेल्फि क्यामरा राम्रो हुनलाई केको आवश्यकता पर्छ भन्ने विषयमा टिप्पणी । ...

ट्याब्लेट रोज्दा खोज्नुपर्ने उत्तरहरु

ट्याब्लेट रोज्दा खोज्नुपर्ने उत्तरहरु

सानदार स्क्रिन हुने, बोक्न गाह्रो नहुने र चलाउन सजिलो हुने भएकाले ट्याब्लेट छोटो समयमा नै अत्यधिक लोकप्रिय भएको छ ।...

ल्यापटप छान्न सरल

ल्यापटप छान्न सरल

गाह्रोभन्दा गाह्रो कामहरु पनि सजिलै गर्न मिल्ने तर जता पनि सजिलै बोकेर हिंड्न मिल्ने भएकाले ल्यापटप अहिले पुराना शैलीका डेस्कटप...

टिभीको नयाँ रुपलाई नियाल्दा

टिभीको नयाँ रुपलाई नियाल्दा

टिभी हेर्न सजिलो छ । किन्न भने त्यति सरल नहुन सक्छ । अहिले पुराना शैलीका सिआरटि टिभीहरु उत्पादन हुन छोडिसके...

पद्मावतीलाई चार राज्यमा प्रतिबन्ध, अदालत पुगे निर्माता

पद्मावतीलाई चार राज्यमा प्रतिबन्ध, अदालत पुगे निर्माता

राजपूत समुदायको विरोधपछि फिल्मको नाम परिवर्तन (पद्मावत) र दृश्य परिमार्जनसहित सेन्सर बोर्डबाट प्रदर्शनको अनुमति पाएको ‘पद्मावती’लाई राजसंस्थान, हरियाणा, गुजरात र...

साली बन्दै मरिस्का

साली बन्दै मरिस्का

नेपाली कथानक चलचित्र ‘साली कसको भेनाको’ मंगलबार चितवनमा शुभमुहूर्त गरिएको छ । मुभिङ पिक्चर्सद्वारा निर्मीत फिल्ममा वरिष्ठ कलाकार ऋद्धिचरण श्रेष्ठले...

‘शेरबहादुर हलिउडबाट प्रभावित’

‘शेरबहादुर हलिउडबाट प्रभावित’

फिल्म ‘शेरबहादुर’को ट्रेलर सार्वजनिक हुँदा यो फिल्म हलिउडको फिल्म ‘डन्ट ब्रिथ’बाट प्रभावित भएको आरोप लागेको थियो । फिल्म प्रभावित भएको...

लघुकथा वाचन तथा विमोचन

लघुकथा वाचन तथा विमोचन

शब्दपथको आयोजनामा लघुकथा सर्जक महेश प्रसार्इंको लघुकथा ‘अतिरिक्त स्वरहरू’को विमोचन ललितपुरको सिद्धेश्वर मन्दिर प्राङ्गण, लेलेमा सम्पन्न गरिएको छ । ...