डोटीमा निर्वाचन अधिकृत कार्यालय स्थापना

आइतबार, ३० पुष २०७४, ०८ : ४५ अरूण बम


डोटी– राष्ट्रियसभा निर्वाचनका लागि शनिबार डोटीमा निर्वाचन अधिकृतको कार्यालय स्थापना भएकोछ । आगामी माघ २४ गते हुने निर्वाचन सम्पन्न गर्न प्रदेश ७ को निर्वाचन अधिकृतको कार्यालय डोटीमा स्थापना गरिएको हो । कार्यालयको डोटीका प्रमुख जिल्ला अधिकारी सूर्यबहादुर खत्रीले उद्घाटन गरे । 

निर्वाचन आयोगले उच्च अदालत रहेको जिल्लाको जिल्ला न्यायाधीस नै प्रदेशको निर्वाचन अधिकृत रहने  निर्णय गरेको थियो । प्रदेश ७ को उच्च अदालत डोटीको दिपायलमा स्थापना भैसकेकोछ । सोहीअनुसार राष्ट्रियसभा निर्वाचनको निर्वाचन अधिकृतमा जिल्ला न्यायाधीस जयानन्द पनेरुले जिम्मेवारी पाएका छन् । सोही जिम्मेवारीपछि जिल्ला अदालत डोटीको कार्यालय भवनमा निर्वाचन अधिकृतको कार्यालय स्थापना गरिएको छ । 

निर्वाचन अधिकृतको जिम्मेवारी पाएका जिल्ला न्यायाधीस पनेरु भने काठमाडांैमा निर्वाचनम्बन्धी तालिममा सहभागी छन् ।  अदालतका कर्मचारीले निर्वाचनका लागि आवश्यक तयारी सुरु गरेको उनले टेलिफोनमार्फत जानकारी दिए । 

निर्वाचन कार्यक्रमअनुसार यही माघ ७ गते मतदाता नामावली सार्वजनिक हुनेछ । त्यसपछि ८ र ९ गते मतदाता नामावली उपर दाबी बिरोधको कार्यक्रम छ ।  १० गते उम्मेदवारले मनोनयन दर्ता गर्नेछन् । ११ गते उम्मेदवारविरुद्ध दाबी विरोध र १३ र १४ गते उम्मेदवारी फिर्ताका लागि समय तोकिएको छ । यस्तै १५ गते उम्मेदवारलाई चुनाव चिन्ह प्रदानको कार्यक्रम तय गरिएको छ भने २४ गते मतदान हुनेछ । 

प्रदेश ७ मा ८८ स्थानीय तहका एक सय ७६ जना अध्यक्ष÷उपाध्यक्ष तथा प्रमुख÷उपप्रमुख र प्रदेशसभाका ५३ जना सांसद गरी दुई सय २९ जना मतदाता हुनेछन् । उनीहरूले कुल ८ जना राष्ट्रियसभा सांसद चुन्नेछन् । 

सबै मतदाता डोटीमा आएर मतदान गर्नेछन् । यसका लागि सम्भवत २ वटा मतदान केन्द्र तोकिने निर्वाचन अधिकृत पनेरुले बताए । उनले भने,‘अहिल्यै मतदान केन्द्रका विषयमा निर्णय भैसकेको छैन । छलफल गरेर मतदानस्थल कुन ठाउँ राख्ने र कति केन्द्र तोक्ने भन्ने टुंग्याउनेछौ ।’

 

डोटी जिल्ला अदालतमा टाँसिएको प्रदेश ७ को राष्ट्रियसभा निर्वाचन कार्यालय । तस्बिर ः अरूण बम÷नागरिक






यसमा तपाईको मत

अन्य समाचार

सेल्फि र सेल्फि फोनको लहर

सेल्फि र सेल्फि फोनको लहर

सेल्फि फोनको ट्रेन्डलाई नियालेर हेर्दै र सेल्फि क्यामरा राम्रो हुनलाई केको आवश्यकता पर्छ भन्ने विषयमा टिप्पणी । ...

ट्याब्लेट रोज्दा खोज्नुपर्ने उत्तरहरु

ट्याब्लेट रोज्दा खोज्नुपर्ने उत्तरहरु

सानदार स्क्रिन हुने, बोक्न गाह्रो नहुने र चलाउन सजिलो हुने भएकाले ट्याब्लेट छोटो समयमा नै अत्यधिक लोकप्रिय भएको छ ।...

ल्यापटप छान्न सरल

ल्यापटप छान्न सरल

गाह्रोभन्दा गाह्रो कामहरु पनि सजिलै गर्न मिल्ने तर जता पनि सजिलै बोकेर हिंड्न मिल्ने भएकाले ल्यापटप अहिले पुराना शैलीका डेस्कटप...

टिभीको नयाँ रुपलाई नियाल्दा

टिभीको नयाँ रुपलाई नियाल्दा

टिभी हेर्न सजिलो छ । किन्न भने त्यति सरल नहुन सक्छ । अहिले पुराना शैलीका सिआरटि टिभीहरु उत्पादन हुन छोडिसके...

जितुले हसाँए, कमलले नचाए

जितुले हसाँए, कमलले नचाए

सर्लाहीको मूर्तियामा बुधबारदेखि जारी ऐतिहाँसिक मुक्तेश्वर मूर्तिया महोत्सव अन्तर्गत विहिबार राष्ट्रिय स्तरमा चर्चित कलाकारहरुले आफ्नो प्रस्तुती दिएका छन्। ...

सलमान खानले चन्द्रागिरिको भ्रमण गर्ने

सलमान खानले चन्द्रागिरिको भ्रमण गर्ने

बलिउडका चर्चित अभिनेता सलमान खानले चन्द्रागिरि हिल्सको भ्रमण गर्ने भएका छन्। दवाङ्ग इभेन्टका लागि आउँदो मार्चमा नेपाल खान आउन लागेका...

‘पद्मावती’माथि चार राज्यको प्रतिबन्ध सर्वाेच्चले हटायो

‘पद्मावती’माथि चार राज्यको प्रतिबन्ध सर्वाेच्चले हटायो

सञ्जयलिला भन्सालीको विवादित फिल्म ‘पद्मावती’माथि चार राज्यले लगाएको प्रतिबन्ध भारतीय सर्वाेच्च अदालतले खारेज गरेको छ। विहीबार प्रधानन्यायाधीश दिपक मिश्रासहित ३...

भिलेन मौनी

भिलेन मौनी

भारतीय टेलिभिजनमा ‘नागिन’का रुपमा परिचित मौनी रोयको अभिनयको गाडीले केही समय अघिमात्र बलिउडको ट्रयाक समातेको छ । उनी अभिनित फिल्म...