नाचघरमा गुञ्जिए श्रवण, पञ्च र तेराकादो

आइतबार, ३० पुष २०७४, १० : ०५ नागरिक


काठमाडौं– लामो समयदेखि जापानमा बसेर बाँसुरी र तबलाको माध्यमबाट नेपाली गीत संगीतको प्रवद्र्धनमा सक्रिय चौतारी व्यान्डका बाँसुरीवादक पञ्च लामा, तबलावादक श्रवण लामा र जापानी कलाकार तेराकादो मित्सिगुले शुक्रबारसाँझ आफ्ना लोक सांगीतिक धुनबाट दर्शकलाई मन्त्रमुग्ध बनाए। 

सांस्कृतिक संस्थानको आयोजनामा राजधानीको जमलस्थित नाचघरको प्रेक्षालयमा यी तीन कलाकारले विभिन्न नेपाली र जापानी धुनबाट दर्शकको मन जितेका हुन्।

नेपालका सुन्दर दृष्यहरु समेटिएको आफैँले तयार गरेको नेपाली लोक सांगीतिक वृत्तचित्र ‘सुन्दर नेपाल’को प्रदर्शनसँगै ‘चौतारी साँझ–२०७४’ शुक्रबार अपरान्ह सुरु भएको थियो। 

कार्यक्रमको पहिलो प्रस्तुतिमा पञ्च लामाले बाँसुरीमार्फत मनकामना धुन प्रस्तुत गरेका थिए  । यसपछि पञ्च र श्रवणले बाँसुरी र तवलाको फ्युजन धुन प्रस्तुत गरे। 

अघिल्लो प्रस्तुतिमा प्रकाशको किरणलाई पछ्याउँदै पञ्च र श्रबणले बाँसुरी र तबलाको धुन ‘जर्नी थ्रु द लाइट’ प्रस्तुत गर्दा जापानी कलाकार तेराकादो मित्सिगुले गिटारमा साथ दिए । सोही क्रममा यी तीनले जापानी धुन ‘टोकियो नाइट धुन’ पनि प्रस्तुत गरे। 

यही क्रममा उनीहरुले एकान्छा शीर्षकमा नेपाली लोक धुन प्रस्तुत गरेका थिए ।
अघिल्लो चरणमा ‘सी वेभ’ शीर्षकमा वाद्यबादनबाट यी कलाकारले प्रस्तुत गरेको समुद्रको छाल धुन होस या ‘द हिमालयन’ शीर्षकका हिमाली क्षेत्रका  लोक धुनहरु हुन् , सबै धुनमा दर्शकले तालीले निरन्तर साथ दिए । अझ उनीहरूको ड्रम सेसनको प्रस्तुति निकै उर्जायुक्त थियो । ड्रम सेसनअन्तर्गत ड्रमबाट श्रवण र बाँसुरीबाट पञ्चबीच युगल वादन प्रस्तुत भएको थियो। 

‘लाम्बादा’ शीर्षकमा सांगीतिक धुनसँगै यी तीनले चौतारी साँझ–२०७४ टुंग्याए । पौने दुई घन्टाको यो कार्यक्रममा पञ्च, श्रवण र तेराकादोले १४ ओटा धुनहरू प्रस्तुत गरेका थिए। 

दुई दशकदेखि जापानमा बसेर त्यहाँका विभिन्न कार्यक्रममा नेपाली धुन पस्कँदै गरेका कलाकारद्वय पञ्च लामा र श्रवण लामाले काठमाडौंमा यो तेस्रो चौतारी साँझ हो। 

सर्लाहीको हरिवन नगरपालिका ५ स्थित चेतना सन्देश नेपालद्धारा सञ्चालित द्वन्द्वपीडित बाल गृहका लागि यो चौतारी साँझमा पञ्च र श्रबण लामाले १२ लाख रुपैयाँ सहयोग प्रदान गरे। 

विगतका वर्षमा जस्तै यस पटक पनि नेपाली र जापानीसंगीतलाई एकै थलोमा प्रस्तुत गर्न ‘चौतारी साँझ–२०७४’ आयोजना गरिएको सांस्कृतिक संस्थानका महाप्रबन्धक राजेश थापाले कार्यक्रममा बताए। 






यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

सेल्फि र सेल्फि फोनको लहर

सेल्फि र सेल्फि फोनको लहर

सेल्फि फोनको ट्रेन्डलाई नियालेर हेर्दै र सेल्फि क्यामरा राम्रो हुनलाई केको आवश्यकता पर्छ भन्ने विषयमा टिप्पणी । ...

ट्याब्लेट रोज्दा खोज्नुपर्ने उत्तरहरु

ट्याब्लेट रोज्दा खोज्नुपर्ने उत्तरहरु

सानदार स्क्रिन हुने, बोक्न गाह्रो नहुने र चलाउन सजिलो हुने भएकाले ट्याब्लेट छोटो समयमा नै अत्यधिक लोकप्रिय भएको छ ।...

ल्यापटप छान्न सरल

ल्यापटप छान्न सरल

गाह्रोभन्दा गाह्रो कामहरु पनि सजिलै गर्न मिल्ने तर जता पनि सजिलै बोकेर हिंड्न मिल्ने भएकाले ल्यापटप अहिले पुराना शैलीका डेस्कटप...

टिभीको नयाँ रुपलाई नियाल्दा

टिभीको नयाँ रुपलाई नियाल्दा

टिभी हेर्न सजिलो छ । किन्न भने त्यति सरल नहुन सक्छ । अहिले पुराना शैलीका सिआरटि टिभीहरु उत्पादन हुन छोडिसके...

पद्मावतीलाई चार राज्यमा प्रतिबन्ध, अदालत पुगे निर्माता

पद्मावतीलाई चार राज्यमा प्रतिबन्ध, अदालत पुगे निर्माता

राजपूत समुदायको विरोधपछि फिल्मको नाम परिवर्तन (पद्मावत) र दृश्य परिमार्जनसहित सेन्सर बोर्डबाट प्रदर्शनको अनुमति पाएको ‘पद्मावती’लाई राजसंस्थान, हरियाणा, गुजरात र...

साली बन्दै मरिस्का

साली बन्दै मरिस्का

नेपाली कथानक चलचित्र ‘साली कसको भेनाको’ मंगलबार चितवनमा शुभमुहूर्त गरिएको छ । मुभिङ पिक्चर्सद्वारा निर्मीत फिल्ममा वरिष्ठ कलाकार ऋद्धिचरण श्रेष्ठले...

‘शेरबहादुर हलिउडबाट प्रभावित’

‘शेरबहादुर हलिउडबाट प्रभावित’

फिल्म ‘शेरबहादुर’को ट्रेलर सार्वजनिक हुँदा यो फिल्म हलिउडको फिल्म ‘डन्ट ब्रिथ’बाट प्रभावित भएको आरोप लागेको थियो । फिल्म प्रभावित भएको...

लघुकथा वाचन तथा विमोचन

लघुकथा वाचन तथा विमोचन

शब्दपथको आयोजनामा लघुकथा सर्जक महेश प्रसार्इंको लघुकथा ‘अतिरिक्त स्वरहरू’को विमोचन ललितपुरको सिद्धेश्वर मन्दिर प्राङ्गण, लेलेमा सम्पन्न गरिएको छ । ...