जोगवनी–किमाथांका पूर्वको आशा

आइतबार, ३० पुष २०७४, १० : २० मेघराज तामाङ


संखुवासभा – प्रदेश नम्बर १ को मुख्य व्यापारिक मार्गको रुपमा हेरिएको जोगवनी–किमाथांका सडक निर्माणको गति सुस्त छ । त्रिदेशीय लिंकरोड (भारत, नेपाल र चीन) का रुपमा २०७० मा निर्माण थालिएको यो सडक २०७६ मा सम्पन्न गर्ने सरकारको लक्ष्य हो । यसले मुलुकलाई भारत–चीनसँग जोड्नुका साथै छोटो र सहज मार्ग हुने मानिए पनि त्यही रुपमा निर्माण कार्यले गति लिन सकेको छैन । 

अहिले उत्तर–दक्षिण कोसी सडक आयोजनाले किमाथांका–हटिया र खाँदबारी–हटिया गरी दुईतर्फबाट निर्माण गरिरहेको छ । यो खण्डको दुरी १४ किलोमिटर छ । यसका लागि सिन्धुपाल्चोकबाट तिब्बत हुँदै डोजर ल्याइएको छ । भीरको बाटो भएकाले १४ किलोमिटरको डोब खन्न ठेकेदारलाई झन्डै ३ वर्ष लाग्यो । खाँदबारीबाट खनिएको सडक पनि हटियाको गोलासम्म पुगेको छ । त्यहाँसम्म ७८ किलोमिटर सडक निर्माण भएको छ । आयोजनाले हटियाबाट हाङदाकखोलासम्म २१ किलोमिटरको काम पनि गरिरहेको छ । यो रुटमा १० किलोमिटर निर्माण भइसकेको आयोजनाले जनाएको छ ।

स्थानीयले भने निर्माण कार्य अपेक्षाअनुरूप अघि बढ्न नसकेको गुनासो गरेका छन् । केही स्थानमा आयोजनाका कर्मचारी र स्थानीयबीचको विवादका कारण पनि गति सुस्त छ । विराटनगरबाट किमाथांकासम्मको दुरी ३ सय ६२ किलोमिटर छ ।
खाँदबारी–किमाथांका १ सय ६२ किलोमिटर ट्र्याक निर्माणको काम सम्पन्न गर्ने जिम्मेवारी पाएको उत्तर–दक्षिण कोसी सडक आयोजनाका डिभिजन प्रमुख पशुपति ज्ञवालीले खाँदबारी हुँदै हटियाको स्याक्सिलासम्म ७८ किलोमिटर कच्ची सडक निर्माण भइसकेको बताए । हटियाको वरुण दोभानसम्म कच्ची सडक पुगिसकेको छ । किमाथांकाबाट छुमसुरतर्फ पनि ढुंगे गोप्तासम्म १४ किलोमिटर कच्ची सडक निर्माण भइसकेको छ । अब ४९ किलोमिटर खन्न बाँकी छ । यो खण्ड पूरा भएपछि किमाथांका–विराटनगर सडक जोडिन्छ । 
निर्माण कार्यमा कहाँ छ समस्या ?
द्रुत गतिमा काम भए दुई वर्षभित्र किमाथांका जोडिने ज्ञवालीको भनाइ छ । ‘कसैले विरोध र अवरोध नगरे तीव्र गतिमा काम अघि बढाउने थियौं,’ उनले भने, ‘सडक खन्दै जाँदा हरेक किलोमिटरमा विवाद आउँछ, १० दिनसम्म काम रोकिने गर्छ । स्थानीयले अवरोध गरेपछि ठेकेदारले काम गर्न छाड्छन् ।’ 

विशेष गरी सडकको स्वीकृत डिजाइन र रेखांकनलाई लिएर विवाद हुने गरेको छ । किमाथांकामा यही विवाद देखिएपछि त्यहाँबाट खनिएको सडकको काम १४ किलोमिटरमा पर्ने ढुंगे गोप्तामा रोकिएको छ । सदरमुकाम र हटियाबाट खनिएको सडक खण्डमा भने नियमित काम भइरहेको ज्ञवालीले बताए ।

‘सडक निर्माण भइसकेका स्थानमा हिउँदका बेला वरुण दोभानसम्म साना सवारी साधन र ट्याक्टर चलिरहेको छ,’ उनले भने, ‘गाउँबासीलाई यसले सहयोग पुगेको छ । पहिले तीन दिन लगाएर खाँदबारी पुग्ने उनीहरू अहिले गाडीमा १२ घन्टामै पुग्छन् ।’
स्थानीयको आशा

पाँच गाउँपालिका र त्यत्तिनै नगरपालिका रहेको संखुवासभामा प्रदेश नं. १ को समृद्ध जिल्ला भन्ने गरिएको छ । समृद्ध जिल्ला हुनुको आधार राष्ट्रिय गौरवको आयोजना अरुण तेस्रो र जोगवनी किमाथांका नै हो । त्यसका साथै रुद्राक्ष र अलैंची उत्पादनले जिल्लाको समृद्धिमा  टेवा पुगेको छ । १० वर्षयता अरुण तेस्रो र कोसी राजमार्ग निर्माणले पूर्णता पाएसँगै जिल्लाले विकासको फड्को मारेको जिल्लाबासी बताउँछन् । त्यस्तै, दशकयता जिल्लामा उत्पादन भएका रुद्राक्ष र अलैंचीको बजार भाउ अकासिएपछि जिल्लाले आर्थिक विकासमा समेत फड्को मारेको हो ।

स्थानीय तह, प्रदेश र प्रतिनिधिसभाको निर्वाचनले जनप्रतिनिधि टुंगो लगाइसकेको छ । प्रदेश र प्रतिनिधिसभाका उम्मेदवारहरुले चुनावी अभियानका क्रममा किमाथांका सडक र अरुण तेस्रो आयोजना निर्माण सम्पन्न गर्ने प्रतिबद्धता जनाएका थिए । तर, चुनाव जितेका उम्मेदवारले भने डेढ महिना बितिसक्दा समेत यो विषयमा मुख खोलेका छैनन् । भोट दिएर जिताएका मतदाता भने किमाथांका सडकको सुस्त निर्माण कार्यकै चिन्तामा छन् । चुनाव जितेका उम्मेदवारले सडक निर्माण कार्यको बारेमा खबरदारी गरिदिए निर्माण कार्य चाँडै सम्पन्न हुने आस गरेका छन् ।

संखुवासभा प्रदेश क बाट विजयी पूर्णप्रसाद राईले किमाथांका सडक निर्माण सम्पन्न हुँदा पूर्वको औद्योगिक व्यापारमा वृद्धि हुने बताए । यो सडकले छिमेकी दुई मुलुकलाई समेत प्रत्यक्ष जोड्ने कोसी राजमार्गले नेपालसहित तीन देशको व्यापार बढ्ने विश्वास व्यक्त गरे । अब आफ्नो नेतृत्व सुरु भएकाले सडक निर्माण कार्यमा विश्वस्त हुन राईले आग्रह गरे । 

 






यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

सेल्फि र सेल्फि फोनको लहर

सेल्फि र सेल्फि फोनको लहर

सेल्फि फोनको ट्रेन्डलाई नियालेर हेर्दै र सेल्फि क्यामरा राम्रो हुनलाई केको आवश्यकता पर्छ भन्ने विषयमा टिप्पणी । ...

ट्याब्लेट रोज्दा खोज्नुपर्ने उत्तरहरु

ट्याब्लेट रोज्दा खोज्नुपर्ने उत्तरहरु

सानदार स्क्रिन हुने, बोक्न गाह्रो नहुने र चलाउन सजिलो हुने भएकाले ट्याब्लेट छोटो समयमा नै अत्यधिक लोकप्रिय भएको छ ।...

ल्यापटप छान्न सरल

ल्यापटप छान्न सरल

गाह्रोभन्दा गाह्रो कामहरु पनि सजिलै गर्न मिल्ने तर जता पनि सजिलै बोकेर हिंड्न मिल्ने भएकाले ल्यापटप अहिले पुराना शैलीका डेस्कटप...

टिभीको नयाँ रुपलाई नियाल्दा

टिभीको नयाँ रुपलाई नियाल्दा

टिभी हेर्न सजिलो छ । किन्न भने त्यति सरल नहुन सक्छ । अहिले पुराना शैलीका सिआरटि टिभीहरु उत्पादन हुन छोडिसके...

पद्मावतीलाई चार राज्यमा प्रतिबन्ध, अदालत पुगे निर्माता

पद्मावतीलाई चार राज्यमा प्रतिबन्ध, अदालत पुगे निर्माता

राजपूत समुदायको विरोधपछि फिल्मको नाम परिवर्तन (पद्मावत) र दृश्य परिमार्जनसहित सेन्सर बोर्डबाट प्रदर्शनको अनुमति पाएको ‘पद्मावती’लाई राजसंस्थान, हरियाणा, गुजरात र...

साली बन्दै मरिस्का

साली बन्दै मरिस्का

नेपाली कथानक चलचित्र ‘साली कसको भेनाको’ मंगलबार चितवनमा शुभमुहूर्त गरिएको छ । मुभिङ पिक्चर्सद्वारा निर्मीत फिल्ममा वरिष्ठ कलाकार ऋद्धिचरण श्रेष्ठले...

‘शेरबहादुर हलिउडबाट प्रभावित’

‘शेरबहादुर हलिउडबाट प्रभावित’

फिल्म ‘शेरबहादुर’को ट्रेलर सार्वजनिक हुँदा यो फिल्म हलिउडको फिल्म ‘डन्ट ब्रिथ’बाट प्रभावित भएको आरोप लागेको थियो । फिल्म प्रभावित भएको...

लघुकथा वाचन तथा विमोचन

लघुकथा वाचन तथा विमोचन

शब्दपथको आयोजनामा लघुकथा सर्जक महेश प्रसार्इंको लघुकथा ‘अतिरिक्त स्वरहरू’को विमोचन ललितपुरको सिद्धेश्वर मन्दिर प्राङ्गण, लेलेमा सम्पन्न गरिएको छ । ...