पश्चिम नेपालमै पहिलोपटक लौकाटको व्यवसायिक पालन

शुक्रबार, ०५ माघ २०७४, २० : १६ नगेन्द्र उपाध्याय


सुर्खेत – चार वर्ष १० महिना दक्षिण कोरियामा काम गरेर फर्केपछि वीरेन्द्रनगरका ऋषिराम अधिकारी कुन व्यवसाय गर्ने दुविधामा थिए। परम्परागत भन्दा नयाँ व्यवसायका लागि धेरै ठाउँ चहारे पनि। अन्तिममा उनले ‘लौकाट’ र ‘लोकल कुखुरा’ पाल्ने निर्णयमा पुगे। ‘लौकाट पाल्ने तरिका, यसका फाइदालगायतका बारेमा यूट्यूवमार्फत जानकारी पाएँ’ उनले भने, ‘यो क्षेत्रमा नयाँ पनि हुने भएकाले व्यवसायिक पालन गर्ने निर्णयमा पुगेँ।’

६ नम्वर प्रदेशको राजधानी सुर्खेत जुनसुकै व्यवसाय गरेर पनि राम्रो आम्दानी लिन सकिने ठाउँ हो। ‘अरुले नगरेको काम गरौं भन्ने लागेर लौकाट र लोकल कुखुरापालन सुरु गरेको हुँ’ उनले भने, ‘नयाँ व्यवसाय भएकाले चुनौतिसँगै अवसरहरु पनि धेरै छन्।’

अधिकारीले भिनाजु याम लामिछानेसँग मिलेर वीरेन्द्रनगर–२ कोलडाँडामा एक वर्षअघि गंगामाला फोल्टी फर्म सञ्चालनमा ल्याए। तीन महिनाअघि नवलपरासीबाट चार सय चल्ला लौकाट सुर्खेत भित्र्याए। ‘यो व्यवसाय अहिलेसम्म पश्चिम नेपालमै कसैको पनि छैन्’ उनले भने, ‘नयाँ व्यवसाय भएकाले यो धेरैको चासो बनेको छ।’ लौकाट हेर्नका लागि मानिसहरु उनको फर्मममा पुग्ने गरेका छन्।

हुर्काउन र सहजै विक्री हुने भएकाले लौकाट पालन सुरु गरेको उनले बताए।  ‘यसको रोग प्रतिरोधात्मक क्षमता धेरै हुन्छ, पाल्नका लागि दुःख गर्नु पर्दैन्’ उनले भने, ‘हुर्नेपछिको आम्दानी पनि राम्रो हुने भएकाले यसलाई रोजेको हुँ।’ एउटा लौकाट १५ सय रुपियाँसम्म विक्री हुने गरेको छ। लौकाट साढे दुई किलोसम्मको हुन्छ। लौकाटको मासु मात्रै होइन्, अण्डा पनि उत्तिकै महंगोमा विक्री हुन्छ। एउटा लौकाटले वर्षमा एक सय ५० को हाराहारीमा अण्डा दिन्छ। ‘एउटै अण्डा तीन सयदेखि चार सय रुपियाँसम्म विक्री हुन्छ’ उनले भने, ‘यसको मासुभन्दा अण्डाबाट बढी फाइदा हुन्छ।’

तीन महिनाअघि नवलपरासीबाट भित्र्याइएका लौकाटका चल्ला अहिले बयस्क भएका छन्। लौकाट हेर्न र किन्न उनको फर्मममै मानिसहरु पुग्ने गरेका छन्। नयाँ व्यवसाय भएकाले सुरुमा घाटा हुन्छ भन्ने उनलाई लागेको थियो। ‘अहिले मानिसहरुको चासो हेर्दा उत्साह थपिएको छ’ उनले भने, ‘सोचेकै मूल्यमा विक्री हुन थालेपछि नयाँ उत्साह पनि थपिएको छ।’

लौकाटसँगै फर्ममा एक हजारबढी भन्दाबढी लोकल कुखुरा छन्। एक वर्षअघि पाँच लाखमा सुरु भएको फर्ममा अहिले १० लाखबढीका लौकाट र लोकल कुखुरा छन्। ‘अब टर्की र बटै पनि पाल्ने तयारीमा छौं’ अर्का सञ्चालक याम लामिछानेले भने, ‘यो क्षेत्रका लागि लौकाट, बटै, टर्की नयाँ स्वाद हुने भएकाले पनि यसको व्यवसायिक पालन सुरु गरेका हौं।’





यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

नयाँ सवारी दर्ता गर्ने प्रक्रिया

नयाँ सवारी दर्ता गर्ने प्रक्रिया

नयाँ सवारी खरिद गरिसके पछि सो सवारी सडकमा चलाउनु अगाडी नै दर्ता गरिसकेको हुनुपर्छ | ग्राहकलाइ सजिलो होस् भनेर दर्ता...

कस्तो किसिमको गाडी किन्नु ठीक होला त ?

कस्तो किसिमको गाडी किन्नु ठीक होला त ?

गाडीको बनावटमा आधारित गाइड ...

किन गर्ने गाडीको बिमा?

किन गर्ने गाडीको बिमा?

भविष्यमा हुन सक्ने दुर्घटनाको बारे हामी अनविज्ञ छौं । तेस्रो पक्षको सवारी विमा गरेर यस्तो दुर्घटनाको क्षति कसरी न्यूनीकरण गर्न...

जाडो मौसममा गाडीमा आउन सक्ने समस्याहरुको समाधान

जाडो मौसममा गाडीमा आउन सक्ने समस्याहरुको समाधान

जान्नुहोस् केहि रोचक जुक्ति र ह्याकहरु जसबाट तपाइले गाडीमा आइपर्ने जाडो सम्बन्धि समस्याहरुबाट छुटकारा पाउन सक्नुहुन्छ ...

१०७ भत्किए, तीन मात्रै बने

काठमाडौं महानगरपालिका क्षेत्रमा भूकम्पले भत्किएका १०७ सम्पदामध्ये तीन मात्रै पुनर्निर्माण सम्पन्न भएका छन् । भूकम्प गएको तीन वर्ष बित्न लाग्दा...

‘पञ्चेबाजा’ लाई ‘साढे ७’

‘पञ्चेबाजा’ लाई ‘साढे ७’

स्वेता खड्काको निर्माणमा बनेको फिल्म ‘कान्छी’ प्रदर्शन भइरहँदा शुक्रबारबाट हलमा दुई नेपाली फिल्म ‘पञ्चेबाजा’ र ‘साढे ७’ थपिएका छन् ।...

सुविनको ‘फूलबारी’ लोकार्पण

सुविनको ‘फूलबारी’ लोकार्पण

सुविन रिमाल ‘प्रशान्त’द्वारा लिखित ‘फूलबारी’ बालकविता संग्रहको लोकार्पण गरिएको छ । नुवाकोट साहित्य प्रतिष्ठानले १२ वर्षे रिमाल अध्ययन गर्दै आएको...

लम्सालको ‘पेनाल’ महाकाव्य

साहित्यकार देवेन्द्र लम्सालद्वारा रचित ‘पेनाल’ महाकाव्य सार्वजनिक भएको छ । नेपाल प्रज्ञा प्रतिष्ठानका कुलपति गंगाप्रसाद उप्रेतीले स्याङजा साहित्य परिषद्ले राजधानीमा...