‘ब्लाइन्ड रक्सले मुक्ति दियो’

बुधबार, २४ माघ २०७४, ०८ : ४६ नागरिक


काठमाडौं – दश वर्षको उमेरमै दृष्टि गुमाएकी दृष्टिविहीन सृष्टि केसीको जीवनकथामा आधारित बायोपिक फिल्म ‘ब्लाइन्ड रक्स’को ट्रेलर सार्वजनिक भएको छ । राजधानीमा मंगलबार पत्रकारमाझ ट्रेलर सार्वजनिक भइरहँदा सृष्टिले आफ्नो कथामा फिल्म बन्दा खुसी लागेको बताइन् ।

आमाबुवा र हजुरआमासँग कार्यक्रमका लागि आएकी श्रृष्टिले आफ्ना लागि फिल्म विशेष रहेको बताइन् । ‘फिल्ममार्फत मेरो कथा विश्वका कुना–कुनामा पुर्याइदिनुभएकोमा निर्देशक मिलन चाम्सलाई धन्यवाद दिन चाहन्छु । यो फिल्मले मलाई एउटा न्याय दिएको अनुभूति भइरहेको छ,’ सृष्टिले भनिन्, ‘वेनिशा हमालले निभाउनु भएको भूमिका हेर्दा म यस्तै थिएँ र जस्तो लागेको थियो । फिल्म हेर्दा म धेरैपटक रोएँ । फिल्मले मलाई मुक्ति दियो ।’

सृष्टिको भूमिकामा देखिएकी वेनिशाले आफ्नो भूमिकाले सृष्टिलाई न्याय दिन सकेको दाबी गरिन् । ‘फिल्मकै लागि सृष्टिसँग निकै लामो समयसम्म संगत गरें । सृष्टिको परिवारबाट उनको आनीबानीलगायतका कुरा बुझें,’ वेनिशाले भनिन्, ‘फिल्मको देशबाहिर प्रिमियरपछि प्राप्त प्रतिक्रियाबाट मलाई नयाँ उत्साह थपिदिएको छ ।’
निर्देशक मिलन चाम्सले फिल्म बनाउँदा सृष्टिको जीवन नै फिल्म जस्तो लागेको खुलाए । ‘यो फिल्म बनाउनै डेढ वर्ष लाग्यो । किनकी सृष्टिको जीवन आफैमा संघर्षपूर्ण र कठिन थियो,’ मिलनले सम्झिए, ‘तर मैले सोचे अनुसारको काम वेनिशाले गरेकाले फिल्म राम्रो बनेकोमा ढुक्क छु ।’

लण्डनमा रहेका निर्माता निकेश लिम्बुले भिडियोमार्फत दृष्टिविहीनलाई समाजमा हेर्ने दृष्टिकोणमा परिवर्तन ल्याउन फिल्मले भूमिका खेल्ने आशा व्यक्त गरे । चाम्स इन्टरटेनमेन्टको ब्यानरमा निकेश लिम्बुले निर्माण गरेको फिल्ममा वेनिशा हमाल, अर्पण थापा, अनिल केशरी शाह, गौरी मल्ल, वसन्त भट्टलगायतका कलाकारको अभिनय छ ।फागुन १८ गतेबाट नेपालमा प्रदर्शन हुने फिल्ममा मिलन चाम्सको निर्देशन छ । फिल्ममा यम थापाको लेखन, नवराज कृष्ण थापाको छायांकन, अर्जुन जिसीको सम्पादन छ ।
 





यसमा तपाईको मत

अन्य समाचार

नयाँ सवारी दर्ता गर्ने प्रक्रिया

नयाँ सवारी दर्ता गर्ने प्रक्रिया

नयाँ सवारी खरिद गरिसके पछि सो सवारी सडकमा चलाउनु अगाडी नै दर्ता गरिसकेको हुनुपर्छ | ग्राहकलाइ सजिलो होस् भनेर दर्ता...

कस्तो किसिमको गाडी किन्नु ठीक होला त ?

कस्तो किसिमको गाडी किन्नु ठीक होला त ?

गाडीको बनावटमा आधारित गाइड ...

किन गर्ने गाडीको बिमा?

किन गर्ने गाडीको बिमा?

भविष्यमा हुन सक्ने दुर्घटनाको बारे हामी अनविज्ञ छौं । तेस्रो पक्षको सवारी विमा गरेर यस्तो दुर्घटनाको क्षति कसरी न्यूनीकरण गर्न...

जाडो मौसममा गाडीमा आउन सक्ने समस्याहरुको समाधान

जाडो मौसममा गाडीमा आउन सक्ने समस्याहरुको समाधान

जान्नुहोस् केहि रोचक जुक्ति र ह्याकहरु जसबाट तपाइले गाडीमा आइपर्ने जाडो सम्बन्धि समस्याहरुबाट छुटकारा पाउन सक्नुहुन्छ ...

फिल्म अभिनयमा अर्की सुन्दरी !

फिल्म अभिनयमा अर्की सुन्दरी !

मिस नेपाल सौन्दर्य प्रतियोगितामा आफ्नो प्रतिभा देखाउन मात्र होइन, फिल्म प्रवेशको पनि माध्यम बन्दै गएको छ । पछिल्लो समयमा पूर्वमिस...

सेलिव्रेटीलाई मन पर्याे ‘कान्छी’

सेलिव्रेटीलाई मन पर्याे ‘कान्छी’

सफलताका साथ प्रदर्शन भइरहेको फिल्म ‘कान्छी’को रेड कार्पेट सो गरिएको छ । आइतबार कुमारी हलमा आयोजना गरिएको सेलिव्रेटी सोमा मह...

थापा र वैद्यलाई कृपा सम्मान

थापा र वैद्यलाई कृपा सम्मान

कृपा फाउन्डेसनले ‘कृपा संगीत रत्न सम्मान’ द्वारा वरिष्ठ गीतकार रत्नशमशेर थापा र वरिष्ठ गायक योगेश वैद्यलाई सम्मान गरेको छ ।...

रसियामा नेपाली नाटक मञ्चन

रसियामा नेपाली नाटक मञ्चन

रसियाको नोभोसिबिर्सक सहरमा भइरहेको ‘वान, टु, थ्री थिएटर फेस्टिभल’मा नेपालको प्रतिनिधित्व गर्दै कान्तिपुर फिल्म एकडेमीका विद्यार्थीले नाटक प्रस्तुत गरेका छन्।