राष्ट्रियसभा निर्वाचन : प्रदेश ७ मा मतगणना शुरु

बुधबार, २४ माघ २०७४, १७ : ३० अरूण बम


डोटी – राष्ट्रिय सभा निर्वाचन अन्तर्गत ७ नम्बर प्रदेशमा मतगणना शुरु भएको छ। डोटी जिल्ला अदालतमा रहेको निर्वाचन अधिकृतको कार्यालयमा मतगणना शुरु भएको हो। अहिले पौने पाँच बजेदेखि मतगणना शुरु भएको छ। मतपरिणाम ढिलोमा दुईघण्टा भित्रै आईसक्ने निर्वाचन अधिकृतको कार्यालयले जनाएको छ। 

कुल ८ जनामध्ये दुईजना सांसदका लागि मतदान भएको हो। जसमा दलित कोटामा बाम गठबन्धनका तर्फबाट नेकपा एमालेका चक्रप्रसाद स्नेही र नेपाली कांग्रेसका शेरीराम पार्की प्रतिस्पर्धामा छन्। अल्पसंख्यक÷अपांग कोटामा बाम गठबन्धनका तर्फबाट नेकपा माओबादी केन्द्रका महेश कुमार महरा र नेपाली कांग्रेसका छत्रराज जोशी प्रतिस्पर्धामा छन्। 

६ जना उम्मेदवार भने निर्विरोध निर्वाचित भैसकेका छन्। खुल्ला र महिला कोटामा तीन÷तीन जना उम्मेदवार निर्वाचित भएका हुन्। 

खुल्ला तर्फबाट नेपाली कांग्रेसका केन्द्रीय सदस्य बद्री प्रसाद पाण्डे, नेकपा एमाले अछामका अध्यक्ष शेरबहादुर कुँवर र नेकपा माओबादी केन्द्रका हरेराम चौधरी तथा महिलातर्फ नेकपा एमालेका कमला ओली, एमालेकै ईन्दु कडरिया र नेपाली कांग्रेसकी तारादेबी भट्ट निर्वाचित भएका हुन्।  

मतदान भएका बाँकी समूहमा पनि बाम गठन्धनकै उम्मेदवार जित्ने सम्भावना छ। बाम गठबन्धनका पक्षमा फराकिलो मतभार छ। नेकपा एमालेसंग एक्लै दुई हजार ६ सय ९४ मतभार छ। जसमा माओबादी केन्द्रको नौ सय ९४ मतभार जोडेर तीन हजार ६ सय ९० मतभार रहँदा नेपाली कांग्रेससंग एक हजार आठ सय ७२ मतभार मात्रै छ। 

आजै बिहान १० बजेदेखि दिउँसो ३ बजेसम्म चलेको मतदानमा राष्ट्रिय जनता पार्टीका दुईजना सांसद बाहेक सबै मत खसेको छ। राष्ट्रिय जनता पार्टीका प्रदेश सभा सांसद कृष्ण बहादुर चौधरी र मालमती राना थारुले मतदान गरेका छैनन्। 

दुबै जनाले आफ्नो पार्टीको उम्मेदवार पनि नरहेको र अन्य पार्टीका उम्मेदवारहरुले भोट पनि नमागेका कारण मतदान गर्न नआएको बताएका छन्। ‘हामीसंग कसैले भोट पनि मागेनन् । अनि मतदान गर्न आएका होईनौ,’ सांसद मालमतीले भनिन्। 

७ नम्बर प्रदेशमा ८८ स्थानीय तहका एक सय ७६ जना नगरप्रमुख÷उपप्रमुख तथा गाउँपालिका अध्यक्ष÷उपाध्यक्ष र ५३ जना प्रदेश सभाका सांसद गरी कुल दुई सय २९ जना मतदाता रहेका छन्। 





यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

नयाँ सवारी दर्ता गर्ने प्रक्रिया

नयाँ सवारी दर्ता गर्ने प्रक्रिया

नयाँ सवारी खरिद गरिसके पछि सो सवारी सडकमा चलाउनु अगाडी नै दर्ता गरिसकेको हुनुपर्छ | ग्राहकलाइ सजिलो होस् भनेर दर्ता...

कस्तो किसिमको गाडी किन्नु ठीक होला त ?

कस्तो किसिमको गाडी किन्नु ठीक होला त ?

गाडीको बनावटमा आधारित गाइड ...

किन गर्ने गाडीको बिमा?

किन गर्ने गाडीको बिमा?

भविष्यमा हुन सक्ने दुर्घटनाको बारे हामी अनविज्ञ छौं । तेस्रो पक्षको सवारी विमा गरेर यस्तो दुर्घटनाको क्षति कसरी न्यूनीकरण गर्न...

जाडो मौसममा गाडीमा आउन सक्ने समस्याहरुको समाधान

जाडो मौसममा गाडीमा आउन सक्ने समस्याहरुको समाधान

जान्नुहोस् केहि रोचक जुक्ति र ह्याकहरु जसबाट तपाइले गाडीमा आइपर्ने जाडो सम्बन्धि समस्याहरुबाट छुटकारा पाउन सक्नुहुन्छ ...

१०७ भत्किए, तीन मात्रै बने

काठमाडौं महानगरपालिका क्षेत्रमा भूकम्पले भत्किएका १०७ सम्पदामध्ये तीन मात्रै पुनर्निर्माण सम्पन्न भएका छन् । भूकम्प गएको तीन वर्ष बित्न लाग्दा...

‘पञ्चेबाजा’ लाई ‘साढे ७’

‘पञ्चेबाजा’ लाई ‘साढे ७’

स्वेता खड्काको निर्माणमा बनेको फिल्म ‘कान्छी’ प्रदर्शन भइरहँदा शुक्रबारबाट हलमा दुई नेपाली फिल्म ‘पञ्चेबाजा’ र ‘साढे ७’ थपिएका छन् ।...

सुविनको ‘फूलबारी’ लोकार्पण

सुविनको ‘फूलबारी’ लोकार्पण

सुविन रिमाल ‘प्रशान्त’द्वारा लिखित ‘फूलबारी’ बालकविता संग्रहको लोकार्पण गरिएको छ । नुवाकोट साहित्य प्रतिष्ठानले १२ वर्षे रिमाल अध्ययन गर्दै आएको...

लम्सालको ‘पेनाल’ महाकाव्य

साहित्यकार देवेन्द्र लम्सालद्वारा रचित ‘पेनाल’ महाकाव्य सार्वजनिक भएको छ । नेपाल प्रज्ञा प्रतिष्ठानका कुलपति गंगाप्रसाद उप्रेतीले स्याङजा साहित्य परिषद्ले राजधानीमा...