तयार हुँदै गद्दी बैठक

शुक्रबार, २६ माघ २०७४, ११ : ४१ काष्ठमण्डप टिम


काष्ठमण्डप– भूकम्पले क्षति पुर्‍याएको वसन्तपुरस्थित गद्दी बैठक भवनको प्रबलीकरण भइरहेको छ। हालसम्म प्रबलीकरणको ६० प्रतिशत काम सम्पन भइसकेको छ। 

वसन्तपुर क्षेत्रका काष्ठमण्डप, माजुदेगललगायत ऐतिहासिक सम्पदाको पुनर्निर्माण सुरु हुन सकेको छैन। तर, गद्दी बैककको प्रबलीकरण भने धमाधम भइरहेको छ।

२०औँ शताब्दीको सुरुमा निर्मित गद्दी बैठक अमेरिकी परियोजना ‘मियामोटो ग्लोबल डिजास्टर रिलिफ’ अन्तर्गतको ‘मियामोटो फाउन्डेसन’ले प्रबलीकरण गरिरहेको छ । फाउन्डेसनका परियोजना प्रमुख मुकुन्द विष्टका अनुसार गद्दी बैठक प्रबलीकरण चाँडै सम्पन्न हुनेछ। 

‘हामीले आवश्यक दक्ष कामदार खटाएर काम गरिरहेका छौँ,’ उनले भने, ‘आउँदो जुनमा सम्पन्न गर्ने गरी काम भइरहेको छ ।’ उनका अनुसार सुरुमा अध्ययन, अनुसन्धानमा धेरै समय खर्च भयो । कार्य क्षेत्रमा काम थालेपछि भने धमाधम काम भइरहेको छ । हाल कार्य क्षेत्रमा पाँच इन्जिनियर, १० दक्ष र १४ अन्य कामदार खटिएका छन्। 

‘हामीले पहिलेको जस्तै स्वरूपमा मात्रै नभएर भूकम्पीय जोखिमलाई पनि मध्यनजर गरी प्रबलीकरण गरिरहेका छौँ,’ विष्टले भने, ‘सम्पदा क्षेत्र भएकाले पुराताŒिवक सामग्रीबाट प्रबलीकरण गर्न धेरै चुनौती हुँदोरहेछ ।’ गद्दी बैठक पुरातत्त्व विभागको प्रत्यक्ष निगरानीमा प्रबलीकरण भइरहेको विभागका प्रवक्त राम कुँवरले जानकारी दिए।

गद्दी बैठक विश्व सम्पदामा सूचीकृत हनुमानढोका दरबार क्षेत्रको महत्त्वपूर्ण सम्पदा मानिन्छ । राणा प्रधानमन्त्री चन्द्रशमशेरको बेलायत भ्रमणपछि बेलायती वास्तुशैलीमा सन् १९०८ मा यसको निर्माण गरिएको थियो । यहाँ पञ्चायतकालसम्म राजकीय कूटनीतिक भेटघाट गर्ने चलन थियो। 

राजपरिवार हनुमानढोकामा रहँदा ओहोदाको प्रमाणपत्र दिन र विशेष समारोहका लागि बैठकलाई प्रयोग गरिन्थ्यो। राजपरिवार नारायणहिटी बस्न थालेपछि इन्द्रजात्राका अवसरमा तत्कालीन राजाबाट जीवितदेवी कुमारीलाई रथमा दर्शन गर्ने, प्रधानमन्त्रीदेखि कूटनीतिक नियोगका प्रमुखलाई भेट गर्ने कक्षका रूपमा पनि यो बैठक प्रयोग हुन्थ्यो। 

भूकम्पमा क्षति पुगेपछि अमेरिकाको शैक्षिक तथा सांस्कृतिक मामिलासम्बन्धी सहायक विदेशमन्त्री एभन रायनले सांस्कृतिक संरक्षणका लागि राजदूत कोष (एएफसिपी) कार्यक्रमअन्तर्गत गद्दी बैठक जीर्णोद्धार गर्न सात लाख अमेरिकी डलर सहयोगको घोषणा गरेकी थिइन् । सोही रकमबाट आउँदो जुनसम्म तयार हुने गरी प्रबलीकरण सुरु गरिएको थियो। 





यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

नयाँ सवारी दर्ता गर्ने प्रक्रिया

नयाँ सवारी दर्ता गर्ने प्रक्रिया

नयाँ सवारी खरिद गरिसके पछि सो सवारी सडकमा चलाउनु अगाडी नै दर्ता गरिसकेको हुनुपर्छ | ग्राहकलाइ सजिलो होस् भनेर दर्ता...

कस्तो किसिमको गाडी किन्नु ठीक होला त ?

कस्तो किसिमको गाडी किन्नु ठीक होला त ?

गाडीको बनावटमा आधारित गाइड ...

किन गर्ने गाडीको बिमा?

किन गर्ने गाडीको बिमा?

भविष्यमा हुन सक्ने दुर्घटनाको बारे हामी अनविज्ञ छौं । तेस्रो पक्षको सवारी विमा गरेर यस्तो दुर्घटनाको क्षति कसरी न्यूनीकरण गर्न...

जाडो मौसममा गाडीमा आउन सक्ने समस्याहरुको समाधान

जाडो मौसममा गाडीमा आउन सक्ने समस्याहरुको समाधान

जान्नुहोस् केहि रोचक जुक्ति र ह्याकहरु जसबाट तपाइले गाडीमा आइपर्ने जाडो सम्बन्धि समस्याहरुबाट छुटकारा पाउन सक्नुहुन्छ ...

१०७ भत्किए, तीन मात्रै बने

काठमाडौं महानगरपालिका क्षेत्रमा भूकम्पले भत्किएका १०७ सम्पदामध्ये तीन मात्रै पुनर्निर्माण सम्पन्न भएका छन् । भूकम्प गएको तीन वर्ष बित्न लाग्दा...

‘पञ्चेबाजा’ लाई ‘साढे ७’

‘पञ्चेबाजा’ लाई ‘साढे ७’

स्वेता खड्काको निर्माणमा बनेको फिल्म ‘कान्छी’ प्रदर्शन भइरहँदा शुक्रबारबाट हलमा दुई नेपाली फिल्म ‘पञ्चेबाजा’ र ‘साढे ७’ थपिएका छन् ।...

सुविनको ‘फूलबारी’ लोकार्पण

सुविनको ‘फूलबारी’ लोकार्पण

सुविन रिमाल ‘प्रशान्त’द्वारा लिखित ‘फूलबारी’ बालकविता संग्रहको लोकार्पण गरिएको छ । नुवाकोट साहित्य प्रतिष्ठानले १२ वर्षे रिमाल अध्ययन गर्दै आएको...

लम्सालको ‘पेनाल’ महाकाव्य

साहित्यकार देवेन्द्र लम्सालद्वारा रचित ‘पेनाल’ महाकाव्य सार्वजनिक भएको छ । नेपाल प्रज्ञा प्रतिष्ठानका कुलपति गंगाप्रसाद उप्रेतीले स्याङजा साहित्य परिषद्ले राजधानीमा...