‘चितवन मेरो माइती’

सोमबार, २९ माघ २०७४, ०८ : ४५ नागरिक


चितवन – कोहिनूर’पछि फिल्म निर्माणमा फर्किएकी श्वेताले चितवन आफ्नो माइतीघर रहेको बताएकी छिन् । ‘कान्छी’ निर्माण गरेर देश दौडाहामा निस्किएकी श्वेताले आइतबार चितवनमा पत्रकारसँग साक्षात्कार गर्दै आफ्नो अभिनय यात्रा चितवनबाटै सुरु भएकाले आफूलाई यो ठाउँ माइती जस्तै लाग्ने बताएकी थिइन् । 

‘मेरो फिल्मको यात्रा नै चितवनबाट सुरु भएको थियो, त्यसैले म यो ठाउँलाई माइतीघर भन्न रुचाउँछु,’ श्वेताले भनिन् ।  श्वेताको पहिलो फिल्म ‘कहाँ भेटिएला’को छायाँकन चितवनमा गरिएको थियो । स्व.शिव रेग्मी निर्देशित उक्त फिल्ममा श्वेताको अपोजिटमा स्व.अभिनेता श्रीकृष्ण श्रेष्ठ थिए । स्व.निर्देशक रेग्मी पत्नी ज्ञानु रेग्मीलाई पनि चितवन आउँदा श्वेताले सम्झिइन् । ‘श्वेताको कान्छी धेरै सफल होस् । यसैगरी हिम्मत गरेर अगाडि बढ्नु,’ ज्ञानुले भनिन् ।

फागुन ४ गतेदेखि प्रदर्शनमा आउने फिल्म ‘कान्छी’प्रचारको लागि निर्माता तथा अभिनेत्री श्वेता खड्कासँगै भिनेता दयाहाङ राई चितवन आइपुगेका थिए । चितवस्थित भरतपुरमा गरिएको प्रेसमिटमा ‘कान्छी’ले दर्शकलाई दयाले विश्वास दिलाए ।

अभिनेता दयाले ‘कान्छी’ समसामयिक कथावस्तुमा राम्रो फिल्म बनेको बताए । उनले भने, ‘सानो सपना र ठूलो दुःख भोगाइ नै कान्छी हो । यो पुरुषवादी सोचको कान्छी होइन, ममतामयी कान्छी हो,’ दयाले भने ।  आकाश अधिकारी निर्देशित फिल्म युनिटसँग काम गर्दा रमाइलो र सजिलो लागेको अनुभव पनि दयाले सुनाए । यम थापाको स्क्रिप्ट रहेको फिल्ममा श्वेता र दयासँगै वरिष्ठ कलाकार नीर शाह, नायिका अनु शाहसँगै कलाकारहरू कामेश्वर चौरसिया, आशान्त शर्मा, भूमिका श्रेष्ठलगायतको अभिनय रहेको छ ।राजनराज सिवाकोटीको संगीत रहेको ‘कान्छी’को ‘चरी चट्ट परी’ बोलको गीत हिट भैसकेको छ भने अर्जुन पोखरेलको संगीत रहेको ‘ए कान्छी’ बोलको गीतले पनि दर्शक तथा श्रोताको मन जितिरहेको छ । फिल्मलाई पुरुषोत्तम प्रधानले खिचेका हुन् ।





यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

नयाँ सवारी दर्ता गर्ने प्रक्रिया

नयाँ सवारी दर्ता गर्ने प्रक्रिया

नयाँ सवारी खरिद गरिसके पछि सो सवारी सडकमा चलाउनु अगाडी नै दर्ता गरिसकेको हुनुपर्छ | ग्राहकलाइ सजिलो होस् भनेर दर्ता...

कस्तो किसिमको गाडी किन्नु ठीक होला त ?

कस्तो किसिमको गाडी किन्नु ठीक होला त ?

गाडीको बनावटमा आधारित गाइड ...

किन गर्ने गाडीको बिमा?

किन गर्ने गाडीको बिमा?

भविष्यमा हुन सक्ने दुर्घटनाको बारे हामी अनविज्ञ छौं । तेस्रो पक्षको सवारी विमा गरेर यस्तो दुर्घटनाको क्षति कसरी न्यूनीकरण गर्न...

जाडो मौसममा गाडीमा आउन सक्ने समस्याहरुको समाधान

जाडो मौसममा गाडीमा आउन सक्ने समस्याहरुको समाधान

जान्नुहोस् केहि रोचक जुक्ति र ह्याकहरु जसबाट तपाइले गाडीमा आइपर्ने जाडो सम्बन्धि समस्याहरुबाट छुटकारा पाउन सक्नुहुन्छ ...

१०७ भत्किए, तीन मात्रै बने

काठमाडौं महानगरपालिका क्षेत्रमा भूकम्पले भत्किएका १०७ सम्पदामध्ये तीन मात्रै पुनर्निर्माण सम्पन्न भएका छन् । भूकम्प गएको तीन वर्ष बित्न लाग्दा...

‘पञ्चेबाजा’ लाई ‘साढे ७’

‘पञ्चेबाजा’ लाई ‘साढे ७’

स्वेता खड्काको निर्माणमा बनेको फिल्म ‘कान्छी’ प्रदर्शन भइरहँदा शुक्रबारबाट हलमा दुई नेपाली फिल्म ‘पञ्चेबाजा’ र ‘साढे ७’ थपिएका छन् ।...

सुविनको ‘फूलबारी’ लोकार्पण

सुविनको ‘फूलबारी’ लोकार्पण

सुविन रिमाल ‘प्रशान्त’द्वारा लिखित ‘फूलबारी’ बालकविता संग्रहको लोकार्पण गरिएको छ । नुवाकोट साहित्य प्रतिष्ठानले १२ वर्षे रिमाल अध्ययन गर्दै आएको...

लम्सालको ‘पेनाल’ महाकाव्य

साहित्यकार देवेन्द्र लम्सालद्वारा रचित ‘पेनाल’ महाकाव्य सार्वजनिक भएको छ । नेपाल प्रज्ञा प्रतिष्ठानका कुलपति गंगाप्रसाद उप्रेतीले स्याङजा साहित्य परिषद्ले राजधानीमा...