गुलाबको मौसम

सोमबार, २९ माघ २०७४, १२ : ०९ शुष्मा बराली


फेब्रुअरी १४, भ्यालेन्टाइन डे अर्थात् प्रेम दिवस । प्रेम गर्ने नयाँपुस्ताले यसलाई प्रेम सप्ताहकै रूपमा मनाउन थालेका छन् । यो सप्ताहमा प्रेम गर्ने जोडीले एकअर्कालाई उपहार दिएर प्रेम अभिव्यक्त गर्छन् ।

त्यसैले हिजोआज सहरका पसल प्रेमको प्रतीकका रूपमा मानिने विभिन्न वस्तुले झकिझकाउ पारिएका छन् । सहरका क्याफे, रेस्टुरेन्ट, सपिङ मलहरूमा मायालु जोडीका लागि अफर र डिस्काउन्ट समेत राखिएको देखिन्छ ।

जावलाखेलस्थित योर च्वाइस् गिफ्ट सपकी सञ्चालक कोपिला कार्कीलाई फेब्रुअरीको सुरुदेखि बुके बनाउन भ्याइनभ्याई छ । विभिन्न प्रकारका फूललाई एकै ठाउँमा राखी अन्य सजावटका सामानले आकर्षक बुके बनाउन व्यस्त देखिन्छिन् उनी । प्रेम दिवस सप्ताहव्यापी मनाइने भए पनि अन्तिम दुई दिन उपहारको व्यापार अधिक हुने उनी बताउँछिन् । फूलको व्यापार गर्दै आएकी कोपिला भन्छिन्, ‘प्रेम सप्ताहभरि धेरै बिक्ने उपहार गुलाबको फूल हो ।’

बजारमा प्लास्टिकका फूलभन्दा प्राकृतिक गुलाबको माग बढी हुने उनी बताउँछिन् । हुन त आजभोलि गुलाबको फूललाई विवाह, जन्मदिन वा अरु उत्सवमा पनि प्रयोग गरिन्छ । प्रेम दिवसका दिन भने गुलाबको प्रयोग विशेष हुने गरेको उनी सुनाउँछिन् । ‘विवाहमा गुलाबको फूलको माला बनाउने, गाडी सजाउने, बर्थ डेमा सजाउने वा उपहारका रूपमा दिने चलन निकै बढेको छ । तर प्रेम दिवसमा यसको उपयोग उपहारका रूपमा धेरै हुन्छ,’ उनले भनिन् । विवाहको साइत र प्रेम दिवस पर्ने भएका कारण माघ र फागुनमा गुलाबको व्यापार राम्रो हुने गरेको उनी बताउँछिन् । प्रेम दिवसलाई नै लक्षित गरी उनकै पसलमा पनि थुप्रै गुलाब ल्याइन्छ ।

द फ्रेस फ्लावर सपका सञ्चालक राम लामा १५ वर्षदेखि फूलको व्यापार गर्दै आएका छन् । प्रेम सप्ताहको एक दिन उनी आफ्नो पसलमा सिंगल रोजलाई आकर्षक तरिकाले सजाउन व्यस्त भेटिए । प्रेम दिवसकै लागि विभिन्न रङका गुलाब सजाइरहेको उनले बताए । ‘प्रेम दिवसका बेला रातो, पहेँलो, सेतो, गुलाबी, सुन्तला लगायत रङका गुलाबको व्यापार हुन्छ,’ उनले भने ।

हरेक मौसममा व्यापारका लागि भारतबाट विभिन्न रङका गुलाब मगाउने उनी बताउँछन् । ‘पहिलेभन्दा अहिले युवापुस्ता खुलेर प्रेम अभिव्यक्ति गर्छन् । त्यसैले गुलाब साटासाट गर्नु सामान्य भइसकेको छ,’ उनले भने, ‘दशकअघि प्रेम दिवसको विषयमा केही जानकारी थिएन । चर्चा पनि थिएन । अहिले निकै ठूलो चाड भइसकेको छ । अहिले गुलाब खोज्ने पनि बढेका छन् ।’

युवा पुस्ताले यस्ता प्रचलनलाई महत्वसाथ मान्दा आफूलाई खुसी लागेको उनी बताउँछन् । ‘फूलको व्यापारी हुँ । यस्ता दिवस भइरह्यो भने हाम्रो व्यापार राम्रो हुन्छ नि,’ उनले हाँस्दै भने । प्रेमी–प्रेमिकाले हप्तौँअघि नै गुलाब नै गुलाब सजाएर बुके बनाउन अर्डर दिने गरेको उनले बताए । गुलाब मात्र राखेर तयार गरिएको बुकेको मूल्य सामान्यतः आठ सय रुपैयाँदेखि सुरु हुने उनी बताउँछन् । ‘एउटा गुलाबको सामान्य बजार मूल्य ५० रुपैयाँदेखि सुरु हुन्छ,’ उनले भने । कतिले आफूहरु प्रेममा परेको वर्ष गनेर बुकेमा गुलाबको संख्या सजाउन पनि रुचाउने गरेको उनी सुनाउँछन् ।

‘पहिलेभन्दा अहिले युवापुस्ता खुलेर प्रेम अभिव्यक्ति गर्छन् । त्यसैले गुलाब साटासाट गर्नु सामान्य भइसकेको छ । दशकअघि प्रेम दिवसको विषयमा केही जानकारी थिएन । चर्चा पनि थिएन । अहिले निकै ठूलो चाड भइसकेको छ । अहिले गुलाब खोज्ने पनि बढेका छन् ।’

पुल्चोककी निशा राईले प्रेम दिवसमा जति गुलाब अन्य समय बेच्दिनन् । विगत सात वर्षदेखि फूल व्यवसाय गर्दै आएकी उनी भन्छिन्, ‘गुलाबको व्यापार हुने भनेको नै प्रेम दिवसको दुई–तीन दिन हो, यो बेला नभए त घाटा पो लाग्छ ।’

प्रेम गर्नेहरु गुलाबको फूल एकापसमा आदान–प्रदान गरी माया देखाउँछन् । कति जोडीहरू आफ्नो प्रेम सम्बन्धलाई कसिलो पर्ने विभिन्न उपाय अपनाउन चाहन्छन् । गुलाबलाई प्रेम अभिव्यक्तिको साधनको रूपमा प्रयोग गर्छन् ।

अनिलकुमार जलन हलमार्क एक कार्डेन गिफ्ट सपका सञ्चालक हुन् । उनले विगत २२ वर्षदेखि गिफ्ट सप सञ्चालन गर्दै आएका छन् । प्रेम दिवसका अवसरमा उनी विभिन्न उपहार बेच्नमा व्यस्त छन् । अहिलेको बजारमा ग्रिटिङ कार्ड र गुलाब सबैको रोजाइमा पर्ने उनी बताउँछन् ।विगतको तुलनामा अहिले प्रेमदिवस मनाउने चलन बढे पनि उपहार दिने घटेको उनको अनुभव छ । ‘सन् २०१२ देखि २०१५ सम्म गुलाबको निकै राम्रो व्यापार भएको थियो ।

त्यो समयमा प्रेम दिवस आउनुभन्दा एक महिना अगाडिदेखि नै गुलाब, कार्ड र उपहार बुक गरेर राख्थे,’ उनी भन्छन्, ‘माया र प्रेममा एक–अर्काको भावना साटासाट पनि हुन्छ । जुन कुरा अभिव्यक्त गर्न निकै मेहनत गर्नुपथ्र्यो, तर अहिले निकै हल्का रूपमा लिइएको छ ।’ इन्टरनेटको प्रयोगले मानवीय भावनालाई विभिन्न इमो र म्यासेन्जरका माध्यमबाट प्रस्तुत गर्ने प्रचलन बढेको उनी बताउँछन् ।

पूजा गिरी विगत पाँच वर्षदेखि मनीष श्रेष्ठसँग प्रेम सम्बन्धमा छन् । यसपालिको प्रेम दिवसमा आफ्ना प्रेमीलाई गुलाब दिएर शुभकामना दिने उनी बताउँछिन् । ‘हाम्रा लागि प्रेम दिवस विशेष त केही होइन । तर, शान्त रेस्टुरेन्टमा गएर एक साँझ एकअर्कामा हराउने विचारमा छु,’ उनले भनिन् ।





यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

नयाँ सवारी दर्ता गर्ने प्रक्रिया

नयाँ सवारी दर्ता गर्ने प्रक्रिया

नयाँ सवारी खरिद गरिसके पछि सो सवारी सडकमा चलाउनु अगाडी नै दर्ता गरिसकेको हुनुपर्छ | ग्राहकलाइ सजिलो होस् भनेर दर्ता...

कस्तो किसिमको गाडी किन्नु ठीक होला त ?

कस्तो किसिमको गाडी किन्नु ठीक होला त ?

गाडीको बनावटमा आधारित गाइड ...

किन गर्ने गाडीको बिमा?

किन गर्ने गाडीको बिमा?

भविष्यमा हुन सक्ने दुर्घटनाको बारे हामी अनविज्ञ छौं । तेस्रो पक्षको सवारी विमा गरेर यस्तो दुर्घटनाको क्षति कसरी न्यूनीकरण गर्न...

जाडो मौसममा गाडीमा आउन सक्ने समस्याहरुको समाधान

जाडो मौसममा गाडीमा आउन सक्ने समस्याहरुको समाधान

जान्नुहोस् केहि रोचक जुक्ति र ह्याकहरु जसबाट तपाइले गाडीमा आइपर्ने जाडो सम्बन्धि समस्याहरुबाट छुटकारा पाउन सक्नुहुन्छ ...

अब्बल अभिनेत्री दीपिका, निर्देशकले दिए पुरस्कार

अब्बल अभिनेत्री दीपिका, निर्देशकले दिए पुरस्कार

दीपिका पादुकोणले पाँच सय रुपैयाँ पुरस्कार पाएकी छन्। उनीद्वारा अभिनित चलचित्र ‘पद्मावत’ ले राम्रो सफलता पाएको छ। उक्त सफलताबाट खुशी...

१०७ भत्किए, तीन मात्रै बने

काठमाडौं महानगरपालिका क्षेत्रमा भूकम्पले भत्किएका १०७ सम्पदामध्ये तीन मात्रै पुनर्निर्माण सम्पन्न भएका छन् । भूकम्प गएको तीन वर्ष बित्न लाग्दा...

‘पञ्चेबाजा’ लाई ‘साढे ७’

‘पञ्चेबाजा’ लाई ‘साढे ७’

स्वेता खड्काको निर्माणमा बनेको फिल्म ‘कान्छी’ प्रदर्शन भइरहँदा शुक्रबारबाट हलमा दुई नेपाली फिल्म ‘पञ्चेबाजा’ र ‘साढे ७’ थपिएका छन् ।...

सुविनको ‘फूलबारी’ लोकार्पण

सुविनको ‘फूलबारी’ लोकार्पण

सुविन रिमाल ‘प्रशान्त’द्वारा लिखित ‘फूलबारी’ बालकविता संग्रहको लोकार्पण गरिएको छ । नुवाकोट साहित्य प्रतिष्ठानले १२ वर्षे रिमाल अध्ययन गर्दै आएको...