पारस क्रिकेटका उत्कृष्ट वर्ष खेलाडी

मङ्गलबार, ०१ फागुन २०७४, ०७ : २४ नागरिक


काठमाडौं – राष्ट्रिय क्रिकेट टोलीका कप्तान पारस खड्कालाई सोमबार राष्ट्रिय तथा अन्तर्राष्ट्रिय खेलाडी संघले क्रिकेटको उत्कृष्ट वर्षखेलाडी २०७३ अवार्ड प्रदान गरेको छ।

विगत ९ वर्षदेखि राष्ट्रिय क्रिकेट टोलीको कप्तानी गरिरहेका पारसले सातौं राष्ट्रिय खेलकुदमा एपिएफलाई स्वर्ण पदक जिताएका थिए । धनगढीमा सम्पन्न धनगढी प्रिमियर लिग (डिपिएल) को उपाधि जिताएका पारस अहिले आइसिसी विश्व क्रिकेट लिग डिभिजन–२ का लागि नामिबियामा छन् । फुटबलतर्फको अवार्ड गोलकिपर किरण चेमजोङले जितेका छन् । किरण हाल आई लिगका लागि भारतमा छन् । उनी मिनर्भ पन्जाब फुटबल क्लबबाट खेलिरहेका छन्।

राष्ट्रिय तथा अन्तर्राष्ट्रिय खेलाडी संघले ३४ खेलका उत्कृष्ट खेलाडीहरूलाई अवार्ड प्रदान गरेको थियो । अवार्ड विजेताले नगद १० हजार रुपैयाँसहित ट्रफी जितेका थिए । ओलम्पिक कमिटीका महासचिव तथा राष्ट्रिय खेलकुद परिषद् (राखेप) का उपाध्यक्ष लामा टेन्डी शेर्पाले २०१९ मा हुने १३औं दक्षिण एसियाली खेलकुद समयमै गर्न आफूहरू लागिपरेको भन्दै दक्षिण एसियाका अन्य देशमा जस्तो एउटा खेललाई मात्र माया गर्ने नभई नेपालमा सबै खेल र खेलाडीलाई समान सम्मान गर्ने परस्परा गरेको बताए।

फुपुल्हामु खत्री जुडोतर्फ उत्कृष्ट खेलाडी बन्दा न्यु डायमन्ड एकेडेमीकी प्रतिभा माली उत्कृष्ट भलिबल खेलाडी बनिन् । मायांका राणा लन टेनिसमा उत्कृष्ट घोषित हुँदा १२औं दक्षिण एसियाली खेलकुदमा स्वर्ण पदक जित्न सफल निमा घर्तीमगर उसुमा उत्कृष्ट खेलाडी बनिन् । त्रिभुवन आर्मी क्लबका रत्नजित तामाङ ब्याडमिन्टनमा उत्कृष्ट खेलाडी हुँदा स्विमिङको उत्कृष्ट वर्षखेलाडी शिरीष गुरुङ बने।

टेबलटेनिसमा स्यान्टु श्रेष्ठ उत्कृष्ट बन्दा बास्केटबलमा शतीश प्रधान वर्षखेलाडी बने ।  भारोत्तोलनमा दिनेश श्रेष्ठ, ट्रायथलनमा वसन्त थारू, स्क्वासमा अरहान्तकिशोर सिंह २०७३ सालको उत्कृष्ट खेलाडी बने । सुटिङमा अस्मिता राई उत्कृष्ट बन्दा सेपाकताक्रोमा अनिल गुरुङले अवार्ड जिते । बक्सिङमा सुशील थापा, एथलेटिक्समा कान्छीमाया कोजु, आर्चरीमा प्रेमप्रसाद पुन उत्कृष्ट बने । बुद्धिचालमा मदनकुमार कायस्थ, शारीरिक सुगठनमा महेश्वर महर्जन, साइक्लिङमा राजेश मगर, फेन्सिङमा सञ्जीव लामा, फुलकन्ट्याक करातेमा सुस्मी श्रेष्ठ, गल्फमा शुक्रबहादुर राई वर्षको उत्कृष्ट खेलाडी बने।

त्यस्तै हकीमा प्रदीप राजवंशी, जिम्न्यास्टिकमा राजु राई, ह्यान्डबलमा उमा राई, आइटिएफ तेक्वान्दोमा तुलसा राजथला, कबड्डीमा विजयकुमार चन्द, करातेमा परशुराम बास्तोला, खो–खोमा दिलकुमारी तामाङ, स्नुकर एन्ड विलियर्डमा दीपक मगर, तेक्वान्दोमा रेजिना कार्की र कुस्तीमा सरोज यादवले उत्कृष्ट खेलाडीको अवार्ड जिते । यसै वर्षबाट सुरु गरेको वर्ष पत्रकार अवार्डबाट श्याम चित्रकार पुरस्कृत भए । उनलाई १५ हजार रुपियाँ नगद प्रदान गरियो।
 


 

 

 

जोशीलाई मरणोपरान्त सम्मान
राष्ट्रिय तथा अन्तर्राष्ट्रिय खेलाडी संघले यसै वर्षबाट थालनी गरेको स्वर्गीय गजराज जोशी आदर्श व्यक्तित्व पुरस्कारबाट ओलम्पियन स्वर्गीय सुनीललाल जोशी सम्मानित भएका छन् । सम्मानपत्रका साथ २५ हजार रुपियाँ नगद स्वर्गीय जोशीकी धर्मपत्नी रेखा जोशीलाई प्रदान गरिएको थियो।

१९९६ को एटलान्टा ओलम्पिकमा नेपालको तर्फबाट सहभागिता जनाएका जोशीले २०४१ मा काठमाडौंबाट सुरु भएको दक्षिण एसियाली खेलकुद (साफ, हालको साग) को पहिलो सात संस्करणमा लगातार भाग लिएका थिए । बंगलादेशमा भएको छैटौं साफमा भारोत्तोलन समावेश थिएन । बाँकी ६ संस्करणमा उनले नेपालको तर्फबाट भाग लिएका थिए । दक्षिण एसियाली खेलकुदमा उनी सबभन्दा बढी पदक जित्ने नेपाली खेलाडी थिए । जोशीले दक्षिण एसियाली खेलकुदको सबभन्दा ठूलो मेलामा ५ रजत र ९ कांस्य गरी १४ सहित कुल १७ अन्तर्राष्ट्रिय पदक जितेका थिए।

दुई पटक एसियाली खेलकुद तथा तीन पटक एसियन च्याम्पियनसिपमा सहभागिता जनाएका जोशी आधा दर्जनभन्दा बढी पटक नेपालको ‘स्ट्रङ्गेस्ट म्यान’ को उपाधिबाट विभूषित भएका थिए । प्रशिक्षकको हैसियतमा थुप्रै अन्तर्राष्ट्रिय प्रतियोगितामा नेपाली टोलीको नेतृत्व गरेका जोशीले आठौं साफमा तीन कांस्य तथा १२औं सागमा १ रजत र ३ कांस्य पदक जितेका थिए । रेफ्रीका रूपमा उनले थुप्रै एसियाली तथा विश्वस्तरीय प्रतियोगिता खेलाएका छन्।

जेठ २९ मा हृदयाघातका कारण अस्पताल पु¥याइएका उनी असार ११ गते कहिल्यै नफर्किने गरी संसारबाट बिदा भए।





यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

नयाँ सवारी दर्ता गर्ने प्रक्रिया

नयाँ सवारी दर्ता गर्ने प्रक्रिया

नयाँ सवारी खरिद गरिसके पछि सो सवारी सडकमा चलाउनु अगाडी नै दर्ता गरिसकेको हुनुपर्छ | ग्राहकलाइ सजिलो होस् भनेर दर्ता...

कस्तो किसिमको गाडी किन्नु ठीक होला त ?

कस्तो किसिमको गाडी किन्नु ठीक होला त ?

गाडीको बनावटमा आधारित गाइड ...

किन गर्ने गाडीको बिमा?

किन गर्ने गाडीको बिमा?

भविष्यमा हुन सक्ने दुर्घटनाको बारे हामी अनविज्ञ छौं । तेस्रो पक्षको सवारी विमा गरेर यस्तो दुर्घटनाको क्षति कसरी न्यूनीकरण गर्न...

जाडो मौसममा गाडीमा आउन सक्ने समस्याहरुको समाधान

जाडो मौसममा गाडीमा आउन सक्ने समस्याहरुको समाधान

जान्नुहोस् केहि रोचक जुक्ति र ह्याकहरु जसबाट तपाइले गाडीमा आइपर्ने जाडो सम्बन्धि समस्याहरुबाट छुटकारा पाउन सक्नुहुन्छ ...

अब्बल अभिनेत्री दीपिका, निर्देशकले दिए पुरस्कार

अब्बल अभिनेत्री दीपिका, निर्देशकले दिए पुरस्कार

दीपिका पादुकोणले पाँच सय रुपैयाँ पुरस्कार पाएकी छन्। उनीद्वारा अभिनित चलचित्र ‘पद्मावत’ ले राम्रो सफलता पाएको छ। उक्त सफलताबाट खुशी...

१०७ भत्किए, तीन मात्रै बने

काठमाडौं महानगरपालिका क्षेत्रमा भूकम्पले भत्किएका १०७ सम्पदामध्ये तीन मात्रै पुनर्निर्माण सम्पन्न भएका छन् । भूकम्प गएको तीन वर्ष बित्न लाग्दा...

‘पञ्चेबाजा’ लाई ‘साढे ७’

‘पञ्चेबाजा’ लाई ‘साढे ७’

स्वेता खड्काको निर्माणमा बनेको फिल्म ‘कान्छी’ प्रदर्शन भइरहँदा शुक्रबारबाट हलमा दुई नेपाली फिल्म ‘पञ्चेबाजा’ र ‘साढे ७’ थपिएका छन् ।...

सुविनको ‘फूलबारी’ लोकार्पण

सुविनको ‘फूलबारी’ लोकार्पण

सुविन रिमाल ‘प्रशान्त’द्वारा लिखित ‘फूलबारी’ बालकविता संग्रहको लोकार्पण गरिएको छ । नुवाकोट साहित्य प्रतिष्ठानले १२ वर्षे रिमाल अध्ययन गर्दै आएको...