सत्ताधारी गठबन्धनलाई धक्का

मङ्गलबार, ०१ फागुन २०७४, ०८ : ३० एजेन्सी


कोलोम्बो– श्रीलंकामा स्थानीयस्तरको प्रतिनिधि चयनका लागि शनिबार भएको निर्वाचनमा सत्ताधारी गठबन्धनलाई धक्का लाग्ने देखिएको छ ।

स्थानीय निर्वाचनको मतपरिणाम आउने क्रम जारी रहेको भए पनि सोमबार दिउँसोसम्मको नतिजा अनुसार पूर्व राष्ट्रपति महिन्द्रा राजापाक्षको दलले सत्ताधारी गठबन्धनलाई निकै पछि पार्ने देखिएको अल जजिराले जनाएको छ । सोमबार दिउँसोसम्मको मतपरिणाम अनुसार राजापाक्ष नेतृत्वको श्रीलंका पोडुजना पेरामुना (एसएलपीपी)ले ४४.०५ प्रतिशत नतिजा प्राप्त गर्न सफल भएको छ भने प्रधानमन्त्री रनिल विक्रमासिङ्गेको युनाइटेड नेसनल पार्टीले जम्मा ३१.६५ प्रतिशत मत प्राप्त गरेको छ ।

 पछिल्लो परिणाम अनुसार राष्ट्रपति मैत्रीपाला सिरिसेनाको श्रीलंका फ्रिडम पार्टी(एसएलएफ्पी)ले निकै कम ९.५२ प्रतिशत मत ल्याएको छ ।

 राजापाक्षको दल (एसएलपीपी)ले लामो समय द्वन्द्वले तहसनहस बनेको उत्तरी र पूर्वी श्रीलंका बाहेकका प्राय सबै क्षेत्रमा राम्रो नतिजा ल्याएको बताइएको छ ।  सत्ताधारी (एसएलएफ्पी) र युएनपीबीच सन् २०१५ मा गठबन्धन बनेपछि श्रीलंकामा भएको यो पहिलो निर्वाचन हो । मतपरिणाम आउने क्रम जारी रहँदा सत्ता गठबन्धनप्रति श्रीलंकाली जनताको विश्वास घट्दै गएको देखिएको छ ।

शनिबार सम्पन्न भएको निर्वाचनमा ७० प्रतिशत मतदाताले मतदान गरेका थिए । प्रधानमन्त्री विक्रमासिङ्घेले सन् २०१५ मा सत्ता सम्हालेपछि ल्याएको सुधारका कार्यक्रमलाई परीक्षण गर्ने कसीका रूपमा शनिबारको निर्वाचनलाई हेरिएको थियो । तर मतपरिणाम अनुसार श्रीलंकाली जनताले विक्रमासिङ्घेको सुधारको योजनालाई नरुचाएको देखिएको छ ।

निर्वाचनलाई शान्तिपूर्ण बनाउनका लागि ६५ हजार प्रहरी, ४१ हजार विशेष सुरक्षा अधिकारी तथा सात हजार कर्मचारीको प्रयोग गरिएको थियो । निर्वाचनलाई शान्तिपूर्ण बनाउन विभिन्न स्थानमा बल प्रयोग गर्ने वा मतदातालाई तर्साउन खोज्ने ११ जनालाई पक्राउ गरिएको थियो ।

 





यसमा तपाईको मत

तपाईंको रुचि अनुसारको समाचारको लागि खाता खोल्नुहोस् ।

अन्य समाचार

नयाँ सवारी दर्ता गर्ने प्रक्रिया

नयाँ सवारी दर्ता गर्ने प्रक्रिया

नयाँ सवारी खरिद गरिसके पछि सो सवारी सडकमा चलाउनु अगाडी नै दर्ता गरिसकेको हुनुपर्छ | ग्राहकलाइ सजिलो होस् भनेर दर्ता...

कस्तो किसिमको गाडी किन्नु ठीक होला त ?

कस्तो किसिमको गाडी किन्नु ठीक होला त ?

गाडीको बनावटमा आधारित गाइड ...

किन गर्ने गाडीको बिमा?

किन गर्ने गाडीको बिमा?

भविष्यमा हुन सक्ने दुर्घटनाको बारे हामी अनविज्ञ छौं । तेस्रो पक्षको सवारी विमा गरेर यस्तो दुर्घटनाको क्षति कसरी न्यूनीकरण गर्न...

जाडो मौसममा गाडीमा आउन सक्ने समस्याहरुको समाधान

जाडो मौसममा गाडीमा आउन सक्ने समस्याहरुको समाधान

जान्नुहोस् केहि रोचक जुक्ति र ह्याकहरु जसबाट तपाइले गाडीमा आइपर्ने जाडो सम्बन्धि समस्याहरुबाट छुटकारा पाउन सक्नुहुन्छ ...

१०७ भत्किए, तीन मात्रै बने

काठमाडौं महानगरपालिका क्षेत्रमा भूकम्पले भत्किएका १०७ सम्पदामध्ये तीन मात्रै पुनर्निर्माण सम्पन्न भएका छन् । भूकम्प गएको तीन वर्ष बित्न लाग्दा...

‘पञ्चेबाजा’ लाई ‘साढे ७’

‘पञ्चेबाजा’ लाई ‘साढे ७’

स्वेता खड्काको निर्माणमा बनेको फिल्म ‘कान्छी’ प्रदर्शन भइरहँदा शुक्रबारबाट हलमा दुई नेपाली फिल्म ‘पञ्चेबाजा’ र ‘साढे ७’ थपिएका छन् ।...

सुविनको ‘फूलबारी’ लोकार्पण

सुविनको ‘फूलबारी’ लोकार्पण

सुविन रिमाल ‘प्रशान्त’द्वारा लिखित ‘फूलबारी’ बालकविता संग्रहको लोकार्पण गरिएको छ । नुवाकोट साहित्य प्रतिष्ठानले १२ वर्षे रिमाल अध्ययन गर्दै आएको...

लम्सालको ‘पेनाल’ महाकाव्य

साहित्यकार देवेन्द्र लम्सालद्वारा रचित ‘पेनाल’ महाकाव्य सार्वजनिक भएको छ । नेपाल प्रज्ञा प्रतिष्ठानका कुलपति गंगाप्रसाद उप्रेतीले स्याङजा साहित्य परिषद्ले राजधानीमा...