आयरल्याण्ड— युनाइटेड एयरलाइन्सको युए—८८० विमानमा अचानक खराबी आएपछि आयरल्याण्डको सानोन विमानस्थलमा आपतकालिन अवतरण गरिएको छ।

कम्पनीले एक विज्ञप्ति निकाल्दै उक्त बोइङ ७६७–३०० विमानमा खराबी आएपछि सानोन विमानस्थलमा आपतकालीन अवतरण गरिएको र उक्त विमानमा रहेका २ सय ७ जना यात्रु र विमान चालक दलका १३ जना सदस्य रहेको जनाइएको छ।  

घटनामा विमान कर्मचारी २ सहित १६ जना घाइते भएका छन्। टेक्ससको होस्टनबाट लण्डनको हिटथ्रोका लागि विमान उडेको थियो।

एयरलाइन्सले जारी गरेको विज्ञप्तीमा भनिएको छ, ‘घाइते सबैको शीघ्र स्वास्थ लाभको कामना गर्दछौँ।’

प्रकाशित: १५ भाद्र २०७३ ०९:४० बुधबार