सुरेश किरण

सुरेश किरण

प्रहरी मेरो साथी !

शनिबार, २७ माघ २०७४

राजनीतिक पार्टीहरूले चुनावका बेला समाज बदल्ने वाचा गरेका थिए । वास्तवमा पार्टीहरूले चाहेजस्तै समाज बदली पनि रहेको छ । समाजको बदलिँदो एउटा रूप गएको हप्ता राजधानीको दरबारमार्गमा देखियो । जस्तो कि पत्रपत्रिकामा समाचार आएकै घटना हो, बलात्कार काण्ड । त्यो पनि सानोतिनो काण्ड होइन, ठूलै काण्ड ।

जुत्ता पालिस

शनिबार, २० माघ २०७४

कांग्रेस नेताहरू अहिले जुत्ता पालिस गर्ने काममा लागेका रहेछन् । हालै सम्पन्न चुनावको नतिजा आएदेखि म सोच्दै थिएँ, अब यी कांग्रेस नेता के पो गर्ने होलान् !जेहोस्, चुनावको नतिजापछि आफूलाई मिल्ने काम उनीहरुले भेटाएका छन्, राम्रो भयो ।कांग्रेस नेताले यो जुत्ता पालिसवाला काम सुरु गरेपछि विभिन्न ठाउँमा विभिन्न प्रकारका घटना भएका छन् । तीमध्ये केही प्रतिनिधि घटना यहाँ सदृश्य प्रस्तुत गर्न चाहन्छु :

एकता संवाद

शनिबार, २२ पुष २०७४

दुई कम्युनिस्ट पार्टी एक हुने हल्ला सुरु भएको छ । अहिलेलाई हल्ला नै भनौँ । किनभने, अहिलेसम्म पार्टी एकीकरणको सल्लाह समेत भइसकेको छैन । यदाकदा एकीकरणबारे दुई पार्टीका नेताबीच संवाद भने नभएको होइन । संवाद एउटै टेबुलमा बसेर भएको भने होइन । एउटा नेताले चितवनबाट प्रश्न राख्नुहुन्छ, अर्को नेताले नेपालगन्जबाट जवाफ दिनुहुन्छ । एउटाले ‘कान्तिपुर’मार्फत जिज्ञासा पोख्नुहुन्छ, अर्कोले ‘नागरिक’मार्फत जानकारी पठाउनुहुन्छ । एउटाले आकाशबाट बोलाउनुहुन्छ, अर्कोले पातालबाट ‘हजुर’ भन्नुहुन्छ । संवाद यसरी नै चलिरहेको छ । यसलाई संवादै होइन भन्न पनि मिलेन, संवाद हो भन्न पनि मिल्दैन । अतः कोही–कोही यसलाई संवाद होइन, वादविवाद पनि भन्न रुचाउँछन् । जेहोस्, वादविवाद शैलीमै भए पनि संवाद चलिरहेको छ, टुटेको छैन ।

मेयर साब कता ?

शनिबार, १५ पुष २०७४

काठमाडौं महानगरपालिका बल्ल जागेजस्तो छ । किनभने, यो महानगरपालिकाले पनि अहिले काम सुरु गरेको आभास मिलेको छ । हामीले भर्खरै थाहा पायौँ कि महानगरका नगरपिता र नगरमाताबीच भयंकरै झगडा मच्चिएको छ । यो झगडा मच्चिएबाटै थाहा लागेको छ, महानगरपालिकाले पनि काम गर्न थालेको छ । काम गर्न थालेछ भन्नेबित्तिकै प्रश्न उठ्न सक्छ– के काम गर्न थाल्यो ? अब हेर्नुस्, अहिले भर्खरै नगरपिता र नगरमाताबीच जो झगडा मच्चियो, त्यो पनि एउटा कामै हो, महानगरपालिकाको पहिलो काम । महानगरपालिकाले झगडाबाट आफ्नो पहिलो काम सुरु गरेको छ ।

प्रस्तावित राजधानी

शनिबार, ०८ पुष २०७४

संघीय व्यवस्था आएपछि देशभित्र प्रदेशहरू आए । त्यो पनि दुई–चारवटा होइन । पूरै सातवटा । अब प्रदेश आएपछि त्यसभित्र राजधानी पनि आउने नै भयो । अहिले सातवटा प्रदेशभित्र सातैवटा राजधानीको खोजी भइरहेको छ । अहिले राजधानीको खोजी हुँदा पो थाहा भयो, देशमा राजधानी बनाउन लायक सहरहरू त दर्जनौँ भइसकेका रहेछन् । त्यसैले अहिले एउटै प्रदेशभित्र पनि विभिन्न सहरबीच राजधानी आफूतिर तान्ने तानातान चलिरहेको छ । जो भेटिए पनि राजधानी नै चाहियो भन्ने । कुनै बेला प्रदेशै चाहिँदैन भन्नेहरू पनि अहिले राजधानी चाहियो भनेर आन्दोलन गरिरहेका छन्।

पाटी बास

शनिबार, १६ मङि्सर २०७४

घटना हिजो बिहानको हो । झिसमिसे बिहानीकै समय थियो । म मर्निङ वाकका लागि घरबाट बाहिर निस्किँदै थिएँ । जाडो याम भएकाले होला बिहान ५ बजे पनि अँध्यारो–अँध्यारो नै थियो । हाम्रो घरअघिको गल्लीबाट निस्केर मूल सडक पुग्नुअगावै दायाँतिर एउटा पाटी छ । म खुरुखुरु हिँड्दै थिएँ, पाटीनेर पुगेर अनायासै झसंग भएँ । किनभने पाटीमा कुनै मानव आकृति छायाजस्तो एउटा अज्ञात वस्तु बसिरहेको थियो । हेर्दा मानवजस्तै छ, तर यथार्थमा के हो त्यो भने थाहा छैन । मानव हो भने यस्तो जाडोमा यहाँ के गरिरहेको होला ? जँड्याहा पो हो कि ? चिन्ने हुन् कि नचिन्ने हुन् ? मानव नभई कोही अर्कै तŒव पो हुन् कि ? मनमा उत्सुकताभन्दा पनि डर बढी लागिरह्यो।

लगानी विस्तार

शनिबार, ०२ मङि्सर २०७४

‘तर यो राजनीतिमा अर्थनीतितिरका व्यापारी उद्योगपतिहरू पनि किन भाग लिन आउँछन् हँ ? राजनीतिमा उनीहरूको के काम ?’ अचानक भजनलालले मलाई प्रश्न ग¥यो । वास्तवमा हो पनि । राजनीति र व्यापारी दुई अलग–अलग विधा हुन् । विधा नै अलग्गै भए पनि सँगै चाहिँ किन बस्छन् हँ ?

म पनि उम्मेदवार !

शनिबार, २५ कार्तिक २०७४

प्रतिनिधि र प्रदेशसभा दुवैको निर्वाचन एकैचोटि हुँदै छ । जसले गर्दा उम्मेदवार चिन्न गाह्रो भइरहेको छ । एकैचोटि दुइटा सभाको चुनाव हुने भएकाले उम्मेदवारको संख्या पनि भारी भएको छ । बाटोमा जो भेटे पनि उम्मेदवार पर्छन् । ‘ल है, यसपालि उठेको छु, सहयोग गर्नुप¥यो !’ बिहान चियाका लागि ग्वारामरी किन्न जाँदा समेत यसो भन्ने दुईदेखि चार जनासम्म भेटिहाल्छन् ।

बहुदलीय डनवाद

शनिबार, १८ कार्तिक २०७४

‘एमाले विशेषता सहितको समाजवाद भनेकै यही हो । यो समाजवादमा माओवादी पनि अटाउँछ, राजावादी पनि अटाउँछ, पुलिस पनि अटाउँछ, डन पनि अटाउँछ, चोर्ने पनि अटाउँछ, चोराउने पनि अटाउँछ । समाजमा जो–जो छन्, ती जम्मै अटाउँछन् । समाजमा भएजति सबै अटाउने भएकाले नै यसलाई समाजवाद भनिएको हो ।’

वाम हो, वाम होइन

शनिबार, २८ असोज २०७४

आफूमा अलिकति बढी वामपन्थ आउनेबित्तिकै अरुलाई दलाल, नोकरशाही, सामन्तवादी, साम्राज्यवादी, प्रभुत्ववादी देखिहाल्छन् । अनि, त्यस्ता दलाल, नोकरशाही, सामन्तवादी, साम्राज्यवादी, प्रभुत्ववादीसँग बस्न सक्दैनन् । र, छुट्टिएर अर्को पार्टी खोलिहाल्छन् । जो जति धेरैपटक फुटेको छ, त्यो त्यति नै असली वामपन्थी हो ।

व्यंग्य : थ्री इडियट्स

शनिबार, २१ असोज २०७४

सबैभन्दा अर्थपूर्ण कुरा त के हो भने यत्रो फिल्म बनाउने घोषणा भइसक्यो, यसको निर्देशक को हो, त्यसको अहिलेसम्म ठेगान लागेको छैन । फिल्मको निर्माण चिनियाँ कम्पनीले गर्न लागेको भन्ने कुरा पनि गोप्य सूत्रबाट थाहा भएको हो । ब्यानरमा त युएमएल एन्ड एमबी फिल्मस् भनेर लेखिएको छ ।

पप कर्न

शनिबार, ०७ असोज २०७४

अब जेहोस्, आयल निगमले जग्गा किनी नै सकेको छ । सुनिन्छ, निगमले जुन जग्गा किनेको हो, त्यहाँ पेट्रोल भण्डारण गर्न मिल्दैन । ठीकै छ, पेट्रोल भण्डारण गर्न नमिले मकै रोप्न त मिल्छ होला । मकै नै रोपौँ । मकै उत्पादन गरौँ । र, पप कर्न बनाएर बेचौँ । आयल निगमद्वारा उत्पादित पप कर्न !

सम्पत्ति विवरण

शनिबार, ३१ भदौ २०७४

नेता सरकारमा गएपछि उनीहरुले जनतालाई दिने एउटै मात्र वस्तु हो, आफ्नो सम्पत्ति विवरण । अरु केही दिँदैनन् । विडम्बना हेर्नुस्, उनीहरू यतिबेला त्यही सम्पत्ति विवरणसम्म पनि दिन सकिरहेका छैनन् । अरु योगदान दिने त कुरै छोड्नुस् ।

भ्रष्टाचारी भेला

शनिबार, २४ भदौ २०७४

उही मोटे भ्रष्टाचारीले जवाफ दिए, ‘हेर्नुस्, भ्रष्टाचारलाई उनीहरूले आजसम्म बुझ्नै सकेका छैनन् । भन्न त देश सरकारले चलाउँछ भनिन्छ । तर भ्रष्टाचार नभइदिएको भए सरकार पनि चल्दैन । सरकार चल्ने भनेकै भ्रष्टाचारले गर्दा हो । देश चलाउने सरकारले हो । सरकार चलाउने भ्रष्टाचारले हो । अब सरकारबाट भ्रष्टाचार झिकिदिनुस् त, सरकार ठप्पै हुन्छ ।’

दुई नम्बर

शनिबार, १७ भदौ २०७४

सबै नेताको ध्यान यतिबेला दुई नम्बर प्रदेशमा गएर अडेको छ । ठूला नेता पनि दुई नम्बर प्रदेश नै ताकिरहेका छन्, साना नेता पनि दुई नम्बर प्रदेश नै ताकिरहेका छन् । उनीहरूले ताकिरहेको देख्दा त यस्तो लाग्छ, मानौँ यो प्रदेश नम्बर दुई होइन, बरु देश नम्बर दुई हो ।

व्यंग्य : चुनाव र भ्रष्टाचारी

शनिबार, १० भदौ २०७४

सत्तारूढ पार्टी नेपाली कांग्रेसका श्रद्धेय सांसद यति बेला अत्यन्त क्रुद्ध मुडमा छन्। त्यो पनि एकजना, दुईजना वा तीनजना होइन, सबै सबै नै। यसको कारण हो, हालै सदनमा आएको एउटा विधेयक। अब भ्रष्टाचार मुद्दामा परेका कुनै पनि व्यक्तिले चुनाव लड्न नपाइने रे। यसैका लागि विधेयक आएको रहेछ। त्यसमा कांग्रेसका सबै सांसदले विरोध गरे। भ्रष्टाचारीलाई चुनाव लड्न नदिने कानुनप्रति कांग्रेसले विरोध गरेको रहेछ।

व्यंग्य : बाढी

शनिबार, ०३ भदौ २०७४

केही दिनअघिको कुरा हो, भारतले नेपालको अदुवा रोकेको थियो। किन रोकेको हो, कसैलाई थाहा छैन। भारत जान ठिक्क भएको अदुवा जम्मै सीमामै रोकिदियो। कहिले अलैँची रोकिदिन्छ। कहिले चिया रोकिदिन्छ। कहिले तयारी पोसाक रोकिदिन्छ त कहिले गलैँचा रोकिदिन्छ। यसपालि पानी रोकिदियो। त्यो पनि बाढीको पानी। पानी रोकेपछि गाउँ डुबानमा पर्नु स्वाभाविकै हो।

गीतको चोरी

शनिबार, २१ साउन २०७४

नेपाली  फिल्म क्षेत्रमा अहिले एउटा चोरीको घटना बहुत चर्चित छ। गएको केही हप्तादेखि यही चोरीबारे चर्चा चलिरहेको छ। खासमा भएको के भने एउटा नेपाली फिल्मले कुन्नि कसको गीत चोरेको रहेछ। गीत चोरेकोबारे पूरा फिल्म इन्डस्ट्रीमै हल्लाखल्ला छ। गीत चोर्‍यो? कसले? कुनचाहिँ? कहिले? किन? अहिले इन्डस्ट्री यही प्रश्नको उत्तर दिँदै हैरान छ।

गाउँमा सिंहदरबार

शनिबार, १४ साउन २०७४

'पहिले भनेको गाउँपालिका हो। अहिले त सिंहदरबार हो, सिंहदरबारलाई तपाईं गाउँपालिकासँग दाँज्ने? सिंहदरबार र गाउँपालिका एउटै हुन्छ?'

मोनोरेल र खाल्डो

शनिबार, ०७ साउन २०७४

साँच्चै भनुँ भने काठमाडौंको सडकमा पिचभन्दा खाल्डो नै बढी हुनुपर्छ। त्यसमाथि अहिले काठमाडौंमा सडक विस्तार भइरहेको छ। त्यो सडक विस्तार भनिए पनि खासमा त खाल्डोकै विस्तार हो। किनभने जतिजति सडक बढ्छ, त्यतित्यति खाल्डो पनि बढ्दै जान्छ। यसरी बाटोभरि खाल्डैखाल्डो मात्र भएको ठाउँमा मोनोरेल नचलाई भयो त?

तपाईंको रुचि अनुसारको समाचारको लागि खाता खोल्नुहोस् ।