पवित्रा सुनार

पवित्रा सुनार

नियम मिच्ने टिपर कारबाहीमा

बुधबार, ०२ फागुन २०७४

मापदण्डविपरीत गलत लेनमा तीव्र गतिमा हाँकिएका टिपरलाई ट्राफिक प्रहरीले कारबाही गरेको छ । महानगरीय ट्राफिक महाशाखाले एक महिनाअघि सुरु गरेको अभियानमा एक सय ३० टिपर कारबाहीमा परेका छन् ।

चालू आर्थिक वर्षमा १५ को मृत्यु

शनिबार, २७ माघ २०७४

भक्तपुर थिमीका ६६ वर्षीय फर्निचर व्यवसायी जगतबहादुर श्रेष्ठ बुधबार मध्यपुर थिमी चारदोबाटोमा जेब्राक्रसिङमा ठहरै भए । बिहान साढे पाँच बजे काठमाडौतिरबाट आएको सवारी साधनले ठक्कर दिँदा उनको जेब्राक्रसिङमै मृत्यु भएको हो । द्रुत गतिको ठक्करका कारण उनको शरीर जेब्राक्रसिङबाट पूर्वतिर दुई सय मिटर टाढा हुत्तिएको थियो।

वर्षमा एकचोटि जाँचे क्यान्सरबाट बच्न सकिन्छ

बुधबार, २४ माघ २०७४

पाठेघरबाट रगत आउँछ ? दिसाबाट रगत आउँछ ? खाना खाएपछि बान्ता हुन्छ ? लामो समय खोकी लागिरहन्छ ? यीमध्ये कुनै लक्षण छन् ? छ भने बेलैमा परीक्षण गराउनुहोस् । छैन भने पनि परीक्षण गराउनुहोस् । सम्भावित क्यान्सरबाट बच्न सकिन्छ । तपाईंलाई पत्तै नपाई क्यान्सर लागिसकेको हुन सक्छ । क्यान्सर छिप्पिएपछि उपचारमा कठिन हुने भएकाले वर्षमा कम्तीमा एकपटक पूरै स्वास्थ्यजाँच गर्न चिकित्सकले सुझाएका छन्।

ड्राइभिङ लाइसन्स दलाली गर्ने ४ पक्राउ

मङ्गलबार, २३ माघ २०७४

उपत्यका ट्राफिक कार्यालय महाशाखाले चालक अनुमति पत्रको दलाली गर्ने र लिन खोज्ने चार जनालाई पक्राउ गरेको छ। पक्राउ पर्नेमा बाग्मती यातायात व्यवस्था कार्यालय ललितपुरका खरिदार यामबहादुर केसी र भक्तपुर नगरपालिका– ७ बस्ने सुनिल गोर्खाली, दलालीमै सहभागी बारा लक्ष्मीपुर कोतवालीका टिकुप्रसाद गुप्ता र रौतहट पिपरा रजवाडा– ७ का ननिपत साह छन् । साह र गुप्तालाई आइतबार यातायात व्यवास्था कार्यालय एकान्तकुनामा चार पांग्रे साना सवारीको अभ्यास परीक्षामा सहभागी भइरहेका अवस्थामा पक्राउ गरिएको हो।

जसलाई अपांगता बाधक भएन

सोमबार, २२ माघ २०७४

‘देशमा अपांगतामैत्री भौतिक संरचना र सामग्रीको उपलब्धता र समाजमा अपागंतामैत्री सोच सिर्जना भए अपांगता भएका व्यक्तिहरू कुनै न कुनै रूपमा फुल्न–फल्न सक्छन्।’

क्यान्सर उपचार नेपालमै सम्भव : विज्ञ

आइतबार, २१ माघ २०७४

केही वर्ष अघिसम्म नेपालमा क्यान्सरको उपचार सम्भव छैन भन्निथ्यो तर अहिले त्यस्तो छैन । नेपाली स्वास्थ्य क्षेत्रले यसको उपचारमा फड्को मारेको छ । दुर्लभ र गम्भीर प्रकृतिका बाहेक धेरै क्यान्सरको उपचार नेपालमै सम्भव बन्दै गएको क्यान्सर बिशेषज्ञले बताएका छन्।

निजी स्वास्थ्य संस्थामा बढी शोषण

मङ्गलबार, १६ माघ २०७४

किष्ट मेडिकल कलेजकी एक स्टाफ नर्स अस्पतालको पदपूर्ति प्रक्रिया पूरा गरेर नियुक्ति भएकी हुन् । उनले यो अस्पतालमा सेवा दिँदै आएको ११ वर्ष भइसकेको छ । उनको तलब १६ हजारबाट बढ्न सकेको छैन । काम सुरु गर्दा त्रिविवि शिक्षण अस्पताल सरहकै तलब सुविधा होला भन्ने उनको सोच थियो । तर उनको सोच सोचमै सिमित भइरहेको छ ।

मिर्गौला, क्यान्सर र स्पाइनल इन्जुरीका बिरामीलाई भत्ता

शुक्रबार, १२ माघ २०७४

सरकारले मिर्गौला, क्यान्सर र मेरुदण्ड पक्षघातका बिरामीलाई जीवनवृत्ति भत्ता वितरण सुरु गरेको छ । बिहीबार प्रधानमन्त्री शेरबहादुर देउवाले राष्ट्रिय चिकित्सा विज्ञान प्रतिष्ठानअन्तर्गतको वीर अस्पताल र राष्ट्रिय ट्रमा सेन्टरमा गई बिरामीलाई चेक हस्तान्तरण गर्दै भत्ता वितरणको औपचारिक सुरुवात गरे।

प्रदूषण र चिसोले खोकीको प्रकोप

बुधबार, ०३ माघ २०७४

राजधानीमा बढ्दो धुवाँ र चिसोका कारण उपत्यकामा दीर्घ खोकीका बिरामी बढेका छन् । अहिले खोकीका रोगीहरूलाई दीर्घ खोकी लागेर निको हुनै महिनौं लाग्ने गरेको चिकित्सकहरू बताउँछन् । ‘पहिला सामान्य उपचार गरेपछि एक सातामा निको हुने खोकी अचेल महिनाैँ लम्बिने गरेको देखिन्छ,’ त्रिवि शिक्षण अस्पताल महाराजगंजका श्वास–प्रश्वास रोग विशेषज्ञ डा. निरज बमले भने, ‘चिसोका कारणले दमका रोगीलाई सास्ती भएको छ भने नयाँ खोकीका कारण बिरामीहरू पहिला जस्तो छिटै निको हुन सकेका छैनन् ।’

अस्पतालबाट १ घण्टा बाहिर निस्किए नर्स

शुक्रबार, २८ पुष २०७४

विभिन्न माग राख्दै बुधवारदेखि सुरु भएको नर्सहरुको आन्दोलन शुक्रवार पनि जारी रह्यो। शुक्रबार पनि देशभरका नर्सहरु एक घण्टा अस्पतालमा ड्युटी छोडेर बाहिर निस्केका थिए। ‘माग सम्बोधन नभएसम्म आन्दोलन जारी रहन्छ’, नेपाल नर्सिङ संघकी महासचिव लक्ष्मी केसीले भनिन्। नर्सहरुले विभिन्न ११ सुत्रीय मागहरु राखेका छन्।

मानव सेवा आश्रमद्वारा २७ जनाको उद्धार

बुधबार, २६ पुष २०७४

रामेछापका बलबहादुर खड्काले २०७२ सालको भूकम्पमा पत्नी र छोरा गुमाए। भूकम्पमा उनको घर पनि भत्क्यो। शनिबारका मध्याह्न उनी माछा मार्न गएका भएर मात्र बँचे। सम्पत्तीको नाममा घर बनेको त्यही सानो घडेरी मात्र थियो। परिवारका दुवै सदस्य गुमेपछि बलबहादुरको मन अडिएन। ‘बैराग चल्यो अनि म काठमाडौं हिँडे,’ आँखामा आँसु रसाउँदै भने।

‘न्यायका लागि ममात्र होइन, तीन पुस्ता लड्नेछ’

बुधबार, २६ पुष २०७४

भित्ताभरि पालैसँगै गुमाएका छोरा र पतिको तस्बिर छन् । ती तस्बिर नजिकै गणेश र शिवजीका फोटो पनि टाँसिएका छन् । उनी तिनै तस्बिर हेर्दै दिनरात काट्छिन् । कति घाउ खाटा बसिसके तर उनको न्यायको खोजी भने रोकिएको छैन ।

ट्रिपर–ट्यांकरका कारण बढी दुर्घटना

शुक्रबार, २१ पुष २०७४

काठमाडौं उपत्यकामा दैनिक औसत १६ सवारी दुर्घटना हुन्छन् । अरु सवारीसाधन भन्दा ट्रिपर–ट्यांकर बढी दुर्घटनामा पर्ने गरेको मृत्यु हुनेमा पनि ट्रिपर–ट्यांकरकै बढी हुनेगरेको तथ्यांकले देखएको छ । उपत्यका ट्राफिक महाशाखाको तथ्यांकअनुसार आर्थिक वर्ष २०७३÷७४ मा उपत्यकामा ट्रिपर–ट्यांकरका कारण ५७ जनाको ज्यान गयो । यसरी मृत्यु हुने अधिकांशको ट्रिपर–ट्यांकरले ठक्कर दिँदा ज्यान गएको हो ।

वीरमा भित्रिँदै आधुनिक उपकरण

बिहिबार, २० पुष २०७४

राष्ट्रिय चिकित्सा विज्ञान प्रतिष्ठान वीर अस्पतालले क्यान्सर उपचारमा प्रयोग हुने रेडियोथेरापी, टाउकाको शल्यक्रिया गर्ने सिटीस्क्यान, पिसाबथैलीको उपचारका लागि प्रयोग हुने इबुस लगायतका अत्याधुनिक परीक्षण मेसिन भित्र्याउने भएको छ ।

जो अरूको नानी पाएर देख्छन्

सोमबार, १७ पुष २०७४

स्याङ्जाका २२ वर्षीय सविन बोगटीका दुवै आँखाले जन्मजातै देख्दैनथे । तर उनका परिवारले उनको आँखाको यो अवथा उनी पाँच वर्ष पुगिसकेपछि मात्र पत्तो पाए ।

ढिला उपचारले आँखामात्र होइन, ज्यानै जानसक्छ

आइतबार, १६ पुष २०७४

कुनै कारणले आँखा रातो भएको छ ? आँखा दुखेको छ ? या आँखामा पीडा भएको छ ? अलिकति पनि ढिला नगरी राम्रो आँखा अस्पतालमा जानुहोस् । ढिला भएमा आँखामात्र हैन, ज्यानै गुम्ने खतरा हुन्छ ! बर्सेनि तराई र विकट जिल्लाका आँखा बिरामीहरू ढिला उपचारमा पुग्दा यस्ता समस्या झेलिरहेको तिलगंगा आँखा अस्पतालले जनाएको छ ।

उपत्यकामा मात्रै दैनिक १५ दुर्घटना

बिहिबार, १३ पुष २०७४

बुधबार काठमाडौंको बत्तिसपुतलीमा पानीट्यांकरले ठक्कर दिँदा काठमाडौं धापासी बस्ने २७ बर्षीया बिमाकुमारी थापाको निधन भयो । गुल्मी मुसिकोटकी थापाको उपचारका क्रममा वीर अस्पतालमा मृत्यु भएको हो ।

वीरमा क्यान्सर जाँच्ने स्क्रिनिङ सेवा सुरु हुने

मङ्गलबार, ११ पुष २०७४

तपाइँको शरीरमा कतै क्यान्सर लुकेको त छैन ? समयमै जाँच गराएर क्यान्सर जस्तो घातक रोगबाट बच्न सक्नुहुन्छ । यसको लागि वीर अस्पतालले पुसको तेस्रो सातादेखि ‘क्यान्सर स्क्रिनिङ सेवा’ दिने तयारी गरिरहेको छ ।

यात्रु लाइन लगाउने ट्राफिक अभियान

शुक्रबार, ०७ पुष २०७४

कार्यालय सुरु हुने र छुट्ने समयमा सधैं यात्रुको ठेलमठेल हुने बस स्टेशन बिहीबार भने शान्त र शालिन देखिए । यात्रुहरू सडकपेटीमा लाइनमा उभिरहेका थिए, ट्राफिकको हात–हातमा प्लेकार्ड लिएर उभिएका थिए । केही ट्राफिक माइकिङ गरिरहेका थिए – लाइनमा बसेर सवारी साधन चढौं, सभ्य यात्रु बनौं, आफ्नो स्टेशनमा बसेर यात्रा गरौं ।

वीरको भिभिआइपी क्याबिन २६ वर्षदेखि खाली

आइतबार, ०२ पुष २०७४

खाना पकाउने ग्यास, भाँडाकुँडा, ओभन, दुईवटा बाथरुम, भान्छा, दराज, गिजरलगायतका सुविधासम्पन्न वीर अस्पतालको अति विशिष्ट क्याबिन २६ वर्षदेखि खाली छ ।

तपाईंको रुचि अनुसारको समाचारको लागि खाता खोल्नुहोस् ।