काठमाडौँ, फागुन २८ (नागरिक)- सरकारका प्रवक्ता सूचना तथा सञ्चार मन्त्री शंकर पोखरेलले माओवादीले लडाकुको विवरण नदिए उनीहरुलाई दिँदै आएको मासिक रकमको निकासा रोक्ने चेतावनी दिएका छन्। प्रेस चौतारीद्वारा धनगढीमा आयोजित कार्यक्रममा उनले माओवादीले लडाकुको नाममा बुझ्ने रकमको दुरुपयोग गर्दै आएको आरोप लगाए।

काठमाडौँ, फागुन २८ (नागरिक)- एकीकृत नेकपा माओवादीका अध्यक्ष पुष्पकमल दाहालले आज बिहान आफ्नै निवास नयाँ बजारमा अमेरिकी दूतावासका चार्ज दि अफेयर्स डोनाल्ड क्याम्पलाई भेटेका छन्।

काठमाडौं, फागुन २७ (नागरिक) - प्रधानमन्त्री जनताले चुन्ने कि संसदले भन्ने केही महिनादेखि जारी विवाद टुंग्याउदै नेकपा (एमाले) ले जनताबाटै प्रत्यक्ष निर्वाचित प्रधानमन्त्रीको पक्ष लिने निर्णय गरेको छ।

गोविन्द परियार, काठमाडौं, फागुन २८- कांग्रेस सभापति एवं पूर्व प्रधानमन्त्री गिरिजाप्रसाद कोइराला आज छोरी सुजाताको मण्डिखाटारस्थित निवासमा सर्ने भएका छन्। लामो राजनीतिक जीवनमा छोरीसँग बिरलै बसेका कोइरालाले जीवनको उत्तरार्द्धमा सँगै बस्ने इच्छा राख्दै आएका छन्।

दिलबहादुर छत्याल, धनगढी, फागुन २७- सरकारका प्रवक्ता एवम् सूचना तथा सञ्चार मन्त्री शङ्कर पोख्रेलले चेन अफ कमाण्ड व्यवस्थित गर्न राज्य मन्त्री रिजवन अन्सारीलाई राजिनामा दिन लगाइएको बताएका छन्। संविधान नबनुन्जेलसम्म यो सरकार नढल्ने पनि उनले दाबी गरे।

उपेन्द्र लामिछाने, वीरगन्ज, फागुन २७-  नेपाली कङ्ग्रेसका प्रवक्ता अर्जुननरसिंह केसीले दलहरुसँग सरकार बनाउनेतिर नभई संविधान बनाउनेतिर ध्यान दिन आग्रह गरेका छन्। 'अहिलेको समय संविधान बनाउने हो, सरकार हैन'- रौतहटको चन्द्रनिगापुरमा उनले भने।

काठमाडौं, फागुन २७ (नागरिक)- नेकपा (एकीकृत) नवराज सुवेदी समूह र एकीकृत माओवादीबीच चैत २१ गते एकता हुने भएको छ। एकीकृतबाट सुवेदी समूह केही समयअघि अलग भएको थियो।

काठमाडौं, फागुन २७ (नागरिक)- पूर्व सहायक मन्त्री एवम् नेपाली कङ्ग्रेसका पूर्व  केन्द्रीय सदस्य हरिशङ्कर परियार एकीकृत नेकपा माओवादीमा प्रवेश गरेका छन्। पार्टी  केन्द्रीय कार्यालय पेरिसडाँडामा आयोजित प्रवेश समारोहमा  परियारलगायत एक दर्जन नवप्रवेशीलाई माओवादी अध्यक्ष पुष्पकमल दाहालले स्वागत गरेका थिए।

काठमाडौँ, फागुन २७ (नागरिक)- नेपाल नागरिक समाजले माओवादी लडाकुको व्यवस्थापन गरी दण्डहीनता अन्त्य गर्न माग गरेको छ। देशमा शान्तिपूर्ण वातावरण सिर्जना गरी तोकिएको समयभित्रै लोकतान्त्रिक संविधान घोषणा गर्न र जनआन्दोलनका उपलब्धिलाई स्थायीरुपमा संस्थागत गर्न पनि उसले माग गरेको छ।

काठमाडौँ, फागुन २७ (नागरिक)- नेपाल भ्रमणमा रहेका राष्ट्रसंघीय राजनीतिक मामिलाका उप-महासचिव बि. लिन पास्को माओवादी लडाकुको शिविर निरीक्षण गर्न आज दिउँसो चितवनको शक्तिखोरमा जाँदैछन्। नेपालको शान्ति प्रक्रियाको विद्यमान स्थितिको समीक्षा गर्न उनी बुधबार नेपाल आएका थिए।