Monday 20 Baishak, 2073 |
Menu

राजनीति

republica-headerdiscount-subscribe1

istl

सिरियामा सेनानी पाँच घन्टा बन्धक

  • बिहीबार २ जेष्ठ, २०७०
  • सुरेन्द्र पौडेल
  • Be the first to comment!
(0 votes)
काठमाडौं - संयुक्त राष्ट्रसंघ (युएन)को शान्ति मिसनमा खटिएका नेपाली सेनाका सेनानी उज्ज्वल केसीलाई सिरियाको सरकारविरोधी एक समूहले पाँच घन्टा बन्धक बनाई मुक्त गरेको छ। केसीसँगै फिनल्यान्ड र न्युजिल्यान्डका एक/एक जना सैनिक अधिकृतलाई सिरियाको सरकारविरोधी 'फ्रि सिरियन आर्मी' नामक एक समूहले बुधबार एकसाथ बन्धक बनाएको थियो।
nepalipatr-april
सेनानी केसीलाई बुधबार फ्रि सिरियन आर्मी समूहले बन्धक बनाई मुक्त गरेको नेपाली सेनाले पुष्टि गरेको छ। मुक्त भएका तीनै देशका सेना अहिले सुरक्षित स्थानमा रहेको सेनाले जनाएको छ। 
'नेपाली सेनाका सेनानी उज्ज्वल केसी लगायत तीन जना राष्ट्रसंघका पर्यवेक्षकलाई सिरियाली विद्रोही समूहले बन्धक बनाई मुक्त गरेको राष्ट्रसंघले जानकारी गराएको छ,' नेपाली सेनाका प्रवक्ता तथा सहायक रथी सुरेश शर्माले भने, 'करिब पाँच घन्टा बन्धक बनाएपछि उनीहरुलाई मुक्त गरिएको सूचना हामीले पाएका छौं।' 
इजरेलको जेरुसेलममा मुख्यालय रहेको संयुक्त राष्ट्रसंघ युद्धविराम पर्यवेक्षण संगठन (युएनटिएसओ)मा पर्यवेक्षकका रुपमा रहेका सेनानी केसीलगायत तीन जनालाई बुधबार बिहान अपहरण गरी बन्धक बनाइएको थियो। 
प्रवक्ता शर्माका अनुसार इजरेल–सिरिया बोर्डर 'गोलान हाइट' स्थित पोस्टमा सुतिरहेका बेला उनीहरुलाई अपहरण गरिएको थियो। स्थानीय समयअनुसार बिहान २ बजे आफूहरुलाई फ्रि सिरियन आर्मी समूहको सेना बताउँदै केही व्यक्ति पोस्टमा छिरेका थिए। 
सिरिया सरकारविरोधी उक्त समूहले सेनानी केसीसहित तीन जनालाई अपहरण गरी पोस्टबाट करिब एक घन्टा पर लगेका थिए। उनीहरुले त्यहीँ करिब पाँच घन्टा बन्धक बनाएर राखेको शर्माले बताए। स्थानीय समयअनुसार बिहान साढे ६ बजेतिर मात्र उनीहरुलाई मुक्त गरिएको थियो। 
'मुक्त भएका सेनानी केसीसहित तीनै देशका सेना अहिले सुरक्षित स्थानमा पुगी आफ्नो जिम्मेवारी सम्हालिसकेको खबर पाएका छौं,' प्रवक्ता शर्माले भने। 
बन्धक बनाइएका तीनै देशका सेनाको साथमा रहेको ल्यापटप, राहदानी, क्यामरा, मोबाइल, घडीलगायत सम्पूर्ण व्यक्तिगत तथा संगठनका सामग्री फ्रि सिरियन आर्मी समूहले लुटेको थियो। राष्ट्रसंघको पर्यवेक्षक टोलीले हतियार लिएर अनुगमनमा निस्कन पाउँदैन।
इजरेल–सिरिया बोर्डरमा राष्ट्रसंघीय पर्यवेक्षक टोलीलाई अपहरणपछि बन्धक बनाइएको एकै सातामा यो दोस्रो घटना हो। आइतबार मात्र इजरेल–सिरिया बोर्डरमा चार जना राष्ट्रसंघका पर्यवेक्षकलाई बन्धक बनाई लुटिएको थियो। 
सन् १९४८ मा जेरुसेलममा स्थापना गरिएको संयुक्त राष्ट्रसंघ युद्ध वराम पर्यवेक्षण संगठन युएनको पहिलो मिसन हो। सुरुमा इजरेल–प्यालेस्टाइन युद्धविरामको अनुगमन गर्ने मात्र जिम्मेवारी संगठनले पाए पनि सन् १९४९ मा थप अरबका चार देश इजिप्ट, जोर्डन, लेबनन र सिरियाको अनुगमन गर्ने जिम्मा राष्ट्रसंघले दिएको थियो। 
जेरुसेलम मुख्यालय भएको संयुक्त राष्ट्रसंघ युद्धविराम पर्यवेक्षण संगठनमा अहिले अर्जेन्टिना, अस्ट्रेलिया, बेल्जियम, क्यानडा, चिली, चीन, डेनमार्क, इस्टोनिया, फिनल्यान्ड, फ्रान्स, आयरल्यान्ड, इटाली, माल्वी, नेपाल, नेदरल्यान्ड्स, न्युजिल्यान्ड, नर्वे, रुस, सर्बिया, स्लोभाकिया, स्लोभेनिया, स्विडेन, स्जिट्जरल्यान्ड र अमेरिका गरी २४ देशका एक सय ५२ सैनिक पर्यवेक्षक छन्। नेपालका जम्मा तीन सैनिक पर्यवेक्षक त्यहाँ खटिएका छन्।

प्रतिक्रिया

'त्यसरी जेल हाल्दा को को पर्लान्?' (भिडियाे)

'त्यसरी जेल हाल्दा को को पर्लान्?' (भिडियाे)

रवीन्द्र मिश्र— हामी कुनै पनि कार्यक्रम गर्दा राष्ट्रिय गान बजाउँछौं। राष्ट्रिय गानको अन्तिममा भनिएको छ,'अग्रगामी राष्ट्र हाम्रो जय जय नेपाल। तर नेपालको जय त हुुँदैभएन। दशकौं भइसक्यो नेपालको जय नै...

नेपालको पुनर्निर्माणमा सघाउन नायव महासचिवको आग्रह

नेपालको पुनर्निर्माणमा सघाउन नायव महासचिवको आग्रह

सिन्धुपाल्चोक-संयूक्त राष्ट्र संघका नायव महासचिव जान एलियासनले नेपालको पुनर्निर्माणमा सघाउन अन्तराष्ट्रिय जगतलाई आग्रह गरेका छन्। गत वर्ष वैशाख १२ को भूकम्पबाट सर्वाधिक क्षतिग्रस्त सिन्धुपाल्चोकको आइतबार अवलोकन भ्रमण गर्दै उनले विपत्तिमा...

रौतहटबासीले राखे तराई मधेसको समस्या र समाधानको उपाय

रौतहट-रौतहटका स्थानीय विकास अधिकारी वन्दना झाले जिल्लामा कार्यालय प्रमुखहरुको असमयमै सरुवा भइरहने प्रवृत्ति विकास निर्माणको कार्यमा निकै घातक रहेको बताएकी छन्।

यूवालाई रोजगारी माग गर्दै पूर्व सभासद थापा ५ दिन देखि आमरण अनशनमा

यूवालाई रोजगारी माग गर्दै पूर्व सभासद थापा ५ दिन देखि आमरण अनशनमा

काठमाडौं- युवाहरुलाई रोजगारी र देशमा आर्थिक समृद्धिको माग गर्दै पूर्व सभासद तथा वाइसिएल नेता चन्द्रबहादुर थापा खुलामञ्चमा पाँच दिनदेखि आमरण अनसनमा बसेका छन्।

फोरम लोकतान्त्रिकको महाअधिवेशन तयारी पूरा

विराटनगर-मधेसी जनअधिकार फोरम नेपाल(लोकतान्त्रिक)को विराटनगरमा सोमबारदेखि हुने प्रथम राष्ट्रिय महाअधिवेशनको तयारी पूरा भएको छ। लोकतान्त्रिकले आइतबार विराटनगरमा पत्रकार सम्मेलन गरी महाधिवेशनको तयारी पुरा भएको जानकारी दिएको हो।

'मधेसको विकासमा राज्य उदासिन'

बारा-तराई–मधेसको विकास निर्माणको कार्यमा राज्य पक्ष नै उदासिन रहेको बाराका राजनितिक दल,नागरिक समाज र पेशाकर्मीहरुले गुनासो गरेका छन्। बर्षौं देखी विभेदको सिकार भएका तराई–मधेसका स्थानीयबीच राज्य पक्षसँग बढेको दुरी घटाउनको...

नियमावली समितिको विवाद टुङ्ग्याउन दलहरु सहमत

काठमाडौं–दलहरुबीच सहमति नभएपछि सभामुख ओनसरी घर्ती नियमावली समितिको विवाद मिलाउन आफैं सक्रिय भएकी छन्। नियमावली समितिका देखिएको विवाद मिलाउन भन्दै सभामुख घर्तीले आइतबार प्रमुख दलका शीर्ष नेतासँग छलफल गरिन्।

सामाजिक सुरक्षा सुनिश्चित हुन सकाेस् : राष्ट्रपति

काठमाडौं—राष्ट्रपति विद्यादेवी भण्डारीले अन्तर्राष्ट्रिय मजदुर दिवसका अवसरमा विश्वभर छरिएर रहेका सम्पूर्ण नेपाली श्रमजीवी दाजुभाइ तथा दिदीबहिनीमा सुख, शान्ति, समृद्धि एवम् सबैको श्रम अधिकार सुनिश्चितताको कामना गरेकी छिन्।