Share this
Twitter
Digg
Del.icio.us
StumbleUpon
Facebook
Print
E-mail
३७ जनाको चीन भ्रमण टोली विदेशी विमानबाट अनावश्यक रूपमा बंगलादेशको बाटो ढिलो गरी राजधानी फर्किँदा ध्वजाबाहकको जहाजको १९० सीटमा जम्मा ४० जना यात्रु थिए। निगमको काठमाडौं-हङकङ उडानका क्याप्टेन युवराजकुमार भट्टराईले भने प्रधानमन्त्रीबाटै ‘राष्ट्रिय ध्वजावाहकलाई वेवास्ता गरिएको र चुनौती दिइएको' प्रतिक्रिया दिए।
नेपाल एयरलाइन्स पाइलट एसोसियसनका अध्यक्षसमेत रहेका भट्टराईले हङकङ उत्रेपछि नागरिकसँग भने, ‘सरकार प्रमुखले नै यसरी राष्ट्रिय ध्वजाबाहकको वेवास्ता गरेर हामीलाई के सन्देश दिनुभएको हो बुझ्न सकिएन। यसबाट राज्यको पैसा अनावश्यकरूपमा विदेशी वायुसेवामा खर्च भयो। हामीले प्रधानमन्त्रीको भीभीआइपी उडान गराउन पनि पाएनौं।'
प्रधानमन्त्री माधवकुमार नेपाल बिहीबार साङ्घाइबाट हङकङ आइ करीब दुई घन्टा बिताएका थिए। प्रधानमन्त्रीले नयाँ वर्ष २०१० को पूर्वसन्ध्यामा स्वदेश फर्किन हङकङमा एक रात बस्ने पूर्व निर्धारित कार्यक्रम छोट्याएको उनका प्रेस सल्लाहकार विष्णु रिजालले जानकारी दिएका छन्। शुक्रबार निगमको हङकङ उडान छैन।
