तस्विरमा कलाकारको भाइटीका

October 21 2017 20:38 pm शनिबार, ०४ कार्तिक २०७४

तस्विरमा कलाकारको भाइटीका
तिहारको अन्तिम दिन शनिबार दिदीबहिनीले दाजुभाइलाई र दाजुभाइले दिदी बहिनीलाई यश, ऐश्वर्य र दीर्घायुको कामना गर्दै आ–आफ्नो परम्पराअनुसार पञ्चरंगी वा सप्तरंगी टीका लगाई दिएर मनाइएको छ । बलिउड अभिनेत्री मनिषा कोइरालाले भाई सिद्धार्थ कोइराला र कोइराला परिवारसँग भाइटिका मनाएकी छिन् । अभिनेता अनमोल केसीले दिदी काजोल केसीको हातबाट टिका थापेका छन् । त्यस्तै कलाकारहरु प्रियंका कार्की, ऋचा शर्मा, रेखा थापा, इन्दिरा जोशी र साम्रागी राज्यलक्ष्मी राणा लगायतले आ–आफ्ना दाजुभाइलाई टिका लगाई दिएर भाइटिका मनाएका छन् ।

१६ करोडको कारोबार गर्दै सहकारी

October 21 2017 20:05 pm शनिबार, ०४ कार्तिक २०७४

शुक्लाफाँटा नगरपालिका–१० झलारी बजारस्थित सृजनशील बचत तथा ऋण सहकारी संस्थाले १६ करोडको कारोबार गरेको छ । कर्मचारी बोनस र आयकरको रकम कटौती गरी सहकारीले आर्थिक वर्ष २०७३/७४ मा २१ लाख पाँच हजार नाफा आर्जन गरेको छ । सहकारीले १४ करोड २० लाख ८४ हजार उत्पादनशिल क्षेत्रमा कर्जा लगानी गरेको सहकारीका प्रबन्ध संञ्चालक मदनराज भट्टले जानकारी दिए । सहकारीमा सात हजार सदस्यको ७ करोड सात लाख ४२ हजार रकम बचत रहेको छ ।

ट्रम्पको विरोधमा पूर्व राष्ट्रपति ओवामा र बुस

October 21 2017 19:56 pm शनिबार, ०४ कार्तिक २०७४

ट्रम्पको विरोधमा पूर्व राष्ट्रपति  ओवामा र बुस

पूर्व अमेरिकी राष्ट्रपतिहरुले आफ्ना उत्तराधिकारीहरुलाई आलोचना नगर्ने परम्परा तोड्दै नाम नखुलाउने शर्तमा राष्ट्रपति डोनाल्ड ट्रम्प, ह्वाइट हाउस र सेना प्रमुखको तीक्ष्ण आलोचना गरेका छन् । पूर्व राष्ट्रपतिहरू जर्ज डब्लुबुस र बाराक ओवामाले राष्ट्रपति ट्रम्प र उनको नीतिलाई चुनौती दिने विरोधीहरुको संख्या बढ्ने पूर्वानुमान गरेका छन् । दुई फरक भाषणमा बुश र ओबामाले ट्रम्पको क्रुरता र कट्टरता अस्वीकार्य हुने बताएका छन् ।

आइतबार ३२ जिल्लामा मनोनयन दर्ता

October 21 2017 19:44 pm शनिबार, ०४ कार्तिक २०७४

आइतबार ३२ जिल्लामा मनोनयन दर्ता

आगामी मंसिर १० गते हुने प्रतिनिधि सभा र प्रदेश सभा सदस्य निर्वाचनका लागि आइतबार उम्मेदवारबाट मनोनयन पत्र दर्ता गर्ने कार्यक्रम रहेको छ । पहिलो चरणमा ३२ जिल्लामा प्रतिनिधि सभा सदस्यतर्फ ३७ निर्वाचन क्षेत्र र प्रदेश सभातर्फ ७४ वटा निर्वाचन क्षेत्रमा हुने निर्वाचनका लागि आइतबार उम्मेदवारको मनोनयन दर्ता गर्ने कार्यक्रम रहेको निर्वाचन आयोगका प्रवक्ता नवराज ढकालले जानकारी दिए ।

मोटरसाइकलको ठक्करबाट महिलाको मृत्यु

October 21 2017 19:35 pm शनिबार, ०४ कार्तिक २०७४

मोरङको बेलबारी नगरपालिका–११ मा मोटरसाइकलको ठक्करबाट साइकलमा सवार महिलाको शनिबार मृत्यु भएको छ । को १२ प ३२८ नम्बरको मोटरसाइकलले साइकललाई ठक्कर दिँदा सोही ठाउँकी ४२ वर्षीया अन्जिला श्रेष्ठको मृत्यु भएको हो । मोटरसाइकलको ठक्करबाट गम्भीर घाइते श्रेष्ठको विराट टिचिङ हस्पिटल विराटनगरमा उपचारको क्रममा मृत्यु भएको इलाका प्रहरी कार्यालय बेलवारीका प्रहरी निरीक्षक रामजी कटुवालले जानकारी दिए ।

झडपमा ५५ सुरक्षाकर्मी सहित ६८ को मृत्यु

October 21 2017 19:30 pm शनिबार, ०४ कार्तिक २०७४

झडपमा ५५ सुरक्षाकर्मी सहित ६८ को मृत्यु

काएरो नजिक विद्रोहीको आश्रयस्थलमा गरिएको खानतलासीमा सुरक्षा फौज र इस्लामवादी लडाकूहरुबीच झडप हुँदा कम्तीमा ६८ जनाको मृत्यु भएको शनिबार इजिप्टको प्रहरीले जनाएको छ । ‘वेस्टर्न डेजर्ट’ मा भएको झडपमा ५० भन्दा बढी सुरक्षा फौजको मृत्यु भएको छ भने १५ जनाभन्दा बढी इश्लामवादी लडाकू मारिएका छन । हास्म नामका उग्रवादी समूहसँग सम्बन्धित रहेको ठानिएका १५ लडाकूहरु पनि उक्त झडपमा मारिएको प्रहरीले जनाएको छ ।

बाम गठबन्धनलाई जनमोर्चाले सघाउने

October 21 2017 18:42 pm शनिबार, ०४ कार्तिक २०७४

नेकपा एमाले र माओवादी केन्द्रको बाम गठबन्धनमा राष्ट्रिय जनमोर्चाले सघाउने भएको छ । आगामी चुनावमा प्यूठान र बाग्लुङका केही क्षेत्रमा मोर्चालाई बाम गठबन्धनले सघाउने भएको छ । शनिबार भएको सहमति अनुसार प्यूठानको प्रतिनिधि सभाका जनमोर्चा र प्रदेशका एक–एक क्षेत्रमा एमाले र माओवादी केन्द्रका उम्मेदवार हुनेछन् ।

खोटाङमा बाम गठबन्धन उम्मेद्वार छनोट

October 21 2017 18:41 pm शनिबार, ०४ कार्तिक २०७४

आगामी मंसिर १० गते हुने प्रदेशसभा र प्रतिनिधिसभा निर्वाचनका लागि खोटाङबाट बाम गठबन्धन उम्मेदवार बन्ने भएका छन् । प्रतिनिधिसभाका लागि नेकपा (एमाले)बाट विशाल भट्टराई, प्रदेशसभाका लागि राजन राई र रामकुमार राईले टिकट पाएका छन् ।जिल्लाबाट सिफारिस भएका दुवै पार्टीका आकांक्षीमध्ये तीन नेताको नाम छनोट गरिएको बाम गठबन्धनले जनाएको छ ।

भारतीय व्यापारी अपहरण गर्ने तीन पक्राउ

October 21 2017 18:33 pm शनिबार, ०४ कार्तिक २०७४

भारतीय व्यापारीलाई अपहरणमा संलग्न तीन जना पक्राउ परेका छन् । एक साताअघि अपहरणमा परेका भारतीय व्यापारी अमितकुमार शारदालाई प्रहरीले सप्तरीको कञ्चनरुप नगरपालिका–१२ स्थित अम्बरबहादुर मगरको घरबाट सकुशल मुक्त गरेको छ । अपहरणमा संलग्न रहेको आरोपमा सप्तरीको कञ्चनरुप–४ का अम्बरनाथ विश्वास, शैलेन्द्रकुमार गुप्ता र पुष्कर महतोलाई प्रहरीले पक्राउ गरेको छ ।

नौ लाखसहित २६ जना जुवाडे पक्राउ

October 21 2017 18:20 pm शनिबार, ०४ कार्तिक २०७४

नौ लाखसहित २६ जना जुवाडे पक्राउ

रुपन्देही तिलोत्तमा नगरपालिका—५ कैलासपथस्थित स्थानीय मनिष अधिकारीको घरमा जुवा खेलिरहेको अवस्थामा प्रहरीले शनिबार २६ जनाको जुवाडे समूहलाई पक्राउ गरेको छ । सुराकीको आधारमा खानतलासी गर्दा उनीहरुबाट नौ लाख ४६ हजार एक सय ९५ सहित १६ थान कौडा र तास बरामद गरेको इलाका प्रहरी कार्यालय बुटवलका प्रहरी नायब उपरीक्षक प्रवन भट्टराइले जानकारी दिए ।

स्थानीय र प्रहरीबीच झडप हुँदा ११ राउण्ड अश्रुग्यास प्रहार

October 21 2017 18:13 pm शनिबार, ०४ कार्तिक २०७४

मोटरसाईकल चोरलाई पक्राउ गर्ने क्रममा प्रहरी र स्थानीयबासीबीच झडप हुँदा प्रहरीले ११ राउण्ड अश्रुुग्यास प्रहार गरेको छ । सदरमुुकाम गौरस्थित विद्युुत कार्यालय अगाडिबाट चार दिनअघि मोटरसाईकल चोरी भएको थियो । चोरीमा संलग्न गरुडा नगरपालिका–१ का देवनाथ साहलाई गत राति जिल्ला प्रहरी कार्यालय र ईलाका प्रहरी कार्यालय शिवनगरबाट खटिएको टोलीले घरबाट पक्राउ गरेको थियो । पक्राउ लगत्तै साहका आफन्त र गाँउलेले प्रहरीको गाडी माथि ढुुंगामुुढा प्रहार गर्नुुका ईप्रका शिवनगरका प्रहरी नायब निरीक्षक मदन ठाकुुरमाथि हातपात समेत गरेको प्रहरी निरीक्षक केशव रेग्मीले बताए । भीडलाई नियन्त्रणमा लिन प्रहरीले अश्रुुग्यास प्रहार गरेको थियो ।

ट्रक दुर्घटनामा परी  १० को मृत्यु, १२ घाइते

October 21 2017 16:50 pm शनिबार, ०४ कार्तिक २०७४

भारतको महाराष्ट्र राज्यमा भएको एउटा ट्रक दुर्घटनामा परी कम्तीमा १० जनाको मृत्यु भएको छ भने अरु १२ जना घाइते भएका छन्।  माल बहाक ट्रक सडकमा गलत ठाउँबाट गुडेकाले शनिबार दुर्घटनामा परेको प्रहरीले जनाएको छ।

कैदीले लगाए भाइटिका

October 21 2017 16:44 pm शनिबार, ०४ कार्तिक २०७४

कैदीले लगाए भाइटिका

गुल्मीका कैदीबन्दीले भाइटिका लगाएका छन्। जिल्ला कारगार गुल्मीमा रहेका कैदीबन्दीहरूले आफ्ना दिदीबहिनीको हातबाट भाइटिका लगाएका हुन्।

हराउँदै देउसी भैलोको मौलिकता

October 21 2017 16:30 pm शनिबार, ०४ कार्तिक २०७४

हराउँदै देउसी भैलोको मौलिकता

तिहारसँगै गाउँ तथा शहर जताततै देउसी भैलोको रौनक छ । क्लब, समूह, सहकारी, विद्यालयदेखि यहाँका सञ्चारकर्मीलाई देउसी भैलोले छोएको छ। बालक, युवा र वृद्धसम्म तिहारको देउसी भैलोमा झुमिरहेका छन्।

बैतडीमा उम्मेदवार टुंगो

October 21 2017 16:05 pm शनिबार, ०४ कार्तिक २०७४

पहिलो चरणमा मंसिर १० गते हुने प्रदेश सभा र प्रतिनिधि सभाका लागि बैतडीका मुख्य राजनीति दलका तर्फबाट उम्मेद्वारको टुंगो लागेको छ।

लागुऔषधसहित दुई पक्राउ

October 21 2017 14:59 pm शनिबार, ०४ कार्तिक २०७४

सरावल गाउँपालिका – ७ भुजहवाबाट प्रहरीले लागुऔषधसहित दुई जना युवालाई शुक्रबार पक्राउ गरेको छ। अवैध लागुऔषध नाइट्रोभेट ३९ थानसहित नवलपरासी सरावल–३ का २० वर्षीय विशाल चौधरी र सरोज चौधरीलाई पक्राउ गरिएको जिल्ला प्रहरी कार्यालयले जनाएको छ।

तीस लाखको कृत्रिम फूलको माला बिक्री

October 21 2017 14:50 pm शनिबार, ०४ कार्तिक २०७४

स्वास्थ्यका लागि हानिकारक मानिएको कृत्रिम फूलको माला यस वर्ष तीस लाखभन्दा बढीको बिक्री भएको पाइएको छ।  जिल्लामा व्यावसायिक फूल खेती नहुँदा काम चलाउनका लागि बाहिरबाट ल्याइएको प्लाष्टिकजन्य फूलको माला बिक्री भइरहेको छ। जिल्लामा सयपत्री, मखमली, गोदावरीलगायत फूल खेती गर्दा राम्रो उत्पादन हुने सम्भावना भए पनि व्यावसायिक रुप दिन नसक्दा कृत्रिम फूलको भर पर्नुपर्ने बाध्यता रहेको उद्योग वाणिज्य संघ खोटाङका अध्यक्ष राजेन्द्र लयालुले बताए।

छुट्टाछुट्टै सवारी दुर्घटनामा दुईको मृत्यु

October 21 2017 14:47 pm शनिबार, ०४ कार्तिक २०७४

जिल्लाका दुई छुट्टाछुट्टै स्थानमा भएका सवारी दुर्घटनामा गए राति दुई जनाको मृत्यु भएको छ।  ग्रामथान गाउँपालिका–२ स्थित विराटनगर – विराटचोक सडक खण्डमा बसको ठक्करबाट मोटरसाइकल चालकको मृत्यु भएको छ । दक्षिणबाट उत्तर आउँदै गरेको को१ख ४८४२ नंको बसले विपरीत दिशाबाट जाँदै गरेको को७प ९०३ नंको मोटरसाइकललाई ठक्कर दिँदा मोटरसाइकल चालक सोही ठाउँका २७ वर्षीय अशोक राजवंशीको मृत्यु भएको हो।

सामाचकेवा पर्व शुरु

October 21 2017 14:43 pm शनिबार, ०४ कार्तिक २०७४

मिथिलाञ्चलमा भाइटिकाका दिनदेखि नै मनाइने दिदीबहिनी र दाजुभाइ प्रेमको प्रतीकका रुपमा रहेको सामाचकेवा पर्व आजबाट विधिवत रुपमा शुरु भएको छ।  कात्तिक शुक्ल द्वितिया तिथि अर्थात आजदेखि कात्तिक पुर्णिमाको मध्यरात्रिमा सम्पन्न हुने यस पर्वका लागि आजै कलात्मक मूर्ति बनाउनका लागि माटोको जोहो गर्नुपर्ने भएकाले पर्वको शुभारम्भका रुपमा लिने गरिएको हो।

मोटरसाइकको ठक्करबाट एकको मृत्यु

October 21 2017 14:37 pm शनिबार, ०४ कार्तिक २०७४

मोटरसाइकलले साइकललाई ठक्कर दिँदा कपिलवस्तुमा गए राति एक जनाको मृत्यु भएको छ।  वाणगंगा नगरपालिका–६ सुठौलीमा बा२ब ३५७० नंको सरकारी मोटरसाइकलले बैदौलीतर्फ जाँदै गरेको साइकललाई ठक्कर दिँदा साइकलयात्री स्थानीयवासी ६५ वर्षीय कृष्णप्रसाद आचार्यको मृत्यु भएको हो।

तपाईंको रुचि अनुसारको समाचारको लागि खाता खोल्नुहोस् ।