Friday 14 Jestha, 2073 |
Menu

समाज

republica-headerdiscount-subscribe1

istl

देशभर गाउँ/नगर निर्वाचन

(0 votes)
काठमाडौं- नेपाली कांग्रेसको १३औं महाधिवेशनअन्तर्गत शुक्रबारबाट नयाँ नेतृत्व चयन प्रक्रिया सुरु भएको छ। मुलुकभर एकैसाथ पार्टी संगठनको आधारशीला मानिएको सबैभन्दा तल्लो इकाइ गाउँ/नगर समितिको नेतृत्व चयन प्रक्रिया सुरु भएको हो।
nepali-patro-may
देशैभरि एकैसाथ निर्वाचन गर्ने कार्यतालिका सार्वजनिक गरे पनि शुक्रबार ७१ जिल्लामा मात्र निर्वाचन प्रक्रिया सुरु भएको छ। चार जिल्लामा निर्वाचन कार्यतालिका हेरफेर गरिएको छ। निर्वाचन प्रक्रिया सुरु भएका अधिकांश जिल्लामा गाउँ/नगर समितिको निर्वाचन सम्पन्न भएको कांग्रेस केन्द्रीय निर्वाचन समिति सदस्य गोपालकृष्ण घिमिरेले जानकारी दिए।

'चारवटा बाहेक सबै जिल्लामा प्रारम्भिक तहको निर्वाचन भएका छन्,' घिमिरेले नागरिकसँग भने, 'अप्रिय घटना भएको छैन, सौर्हाद्रपूर्ण रूपमा अधिवेशन सम्पन्न भएको छ।'

अधिवेशनक्रममा केही गाउँ/नगर समितिमा छिटफुट समस्या देखिएको र शुक्रबार नभ्याएका ठाउँमा शनिबार अधिवेशन सम्पन्न हुने उनले बताए। 'चार लाख क्रियाशील सदस्य पार्टीको तल्लो तहको अधिवेशनमा सहभागी हुनुभएको छ,' घिमिरेले भने, 'निर्वाचन समितिले सोचेभन्दा उत्साहपूर्ण भयो।'

बारा, पर्सा, धनुषा र सोलुखुम्बुमा शुक्रबार गाउँ/नगर समितिको अधिवेशन सुरु हुन सकेको जानकारी दिँदै उनले भने, 'धनुषा र सोलुमा आइतबारका लागि सारिएको छ, बारा र पर्सामा आन्तरिक छलफलपछि मिति तोक्छौँ।'

आन्तरिक तयारी नपुगेकाले धनुषामा अधिवेशनको कार्यतालिका हेरफेर गर्नु परेको निर्वाचन अधिकृत परशुराम कोइरालाले बताए। 'अधिवेशनका लागि कुनै असहजता छैन,' उनले भने, 'निर्वाचन अधिकृत तोक्नेदेखि अन्य आन्तरिक तयारीका कारण मिति हेरफेर गरेका हौँ।'

तल्लो तहको अधिवेशन सम्पन्न गर्न १ सय ५६ जना मतदान अधिकृत खटिसकेको जानकारी दिए। तर, बारा र पर्सामा भने आन्दोलनरत मधेसी मोर्चासँगको सहमतिपछि मात्र अधिवेशन सुरु गर्ने कांग्रेसको तयारी छ। 'सकेसम्म सहमति र सहजताका साथ अधिवेशन अघि बढाउने प्रयास भइरहेको छ,' बारा निर्वाचन अधिकृत अरुण पञ्जियारले भने, 'सबै पक्षसँग छलफल गरेर भोलि (शनिबार) बाट प्रक्रिया अघि बढाउँछौँ। तराई मधेस लोकतान्त्रिक पार्टी अधयक्ष महन्थ ठाकुरसँग कुरा भइरहेको जानकारी दिँदै उनले मोर्चासँगको सहमतिमा अघि बढ्ने बताए।

त्यस्तै, सर्लाही क्षेत्र नम्बर ६ को गाउँ/नगरको निर्वाचन माघ १९ गतेका लागि सारिएको छ। मधेसी मोर्चाको अवरोधका कारण क्षेत्र नम्बर पाँचको कौडेना, धेलीमासहित १५ भन्दा बढी स्थानको अधिवेशन स्थगित भएको छ। क्षेत्र नम्बर ३ स्थित बरहथवा नगरपालिकाका केही वडाको अधिवेशन पनि स्थगित भएको छ। क्रियाशील सदस्यता सूचीलाई लिएर विवाद र उजुरीपछि त्यहाँको अधिवेशन स्थगित गरिएको जिल्ला निर्वाचन अधिकृत अच्युतम आर्चायले जानकारी दिए। केन्द्रीय निर्वाचन समितिले सार्वजनिक गरेको संख्याअनुसार सूची नगएपछि त्यहाँ विवाद भएको हो। 'त्यहाँ केही समस्या देखिएको छ,' केन्द्रीय निर्वाचन समिति सदस्य घिमिरेले भने, 'भोलि नै हामी निर्णयमा पुग्छौँ।'

भक्तपुरमा पनि क्रियाशील सदस्यको सूचीमा प्राविधिक समस्या देखिएपछि शुक्रबार औपचारिकरुपमा अधिवेशन सुरु हुन सकेन। पार्टीका सबै तहका नेता बसेर सदस्यतामा देखिएको प्राविधिक समस्या समाधान गरेसँगै शनिबार मात्र गाउँ/नगरको अधिवेशनले औपचारिकता पाउने भएको छ। 'गाविस भएकै बेला क्रियाशील सदस्यता फारम गएकाले एउटा वडाको सदस्यता अर्कोमा परेको छ, त्यसलाई मिलाउने काम भयो,' भक्तपुर निर्वाचन अधिकृत गोकर्ण बानियाँले भने, 'आज (शुक्रबार) अधिवेशनको उद्घाटन सत्र जस्तो भयो, भोलिबाट निर्वाचन सुरु हुन्छ।' त्यहाँ ६ नगरपालिका अर्न्तगत ९३ वडा छन्।

सबैभन्दा बढी निर्वाचन क्षेत्र रहेको काठमाडौंमा शुक्रबार नै ९० प्रतिशत नेतृत्व चयन पूरा भएको निर्वाचन अधिकृत श्यामराज ढुंगेलले जानकारी दिए। केही स्थानमा प्राविधिक समस्या देखिए पनि समाधान गर्दै अधिवेशन गराउने काम भएको र समय अभावका कारण निर्वाचन हुन नसकेका वडामा शनिबार गर्ने बताए। '२ सय ११ वडामै अधिवेशन सुरु भएको छ,' उनले भने, 'भोलिसम्म सबै सकिन्छ।' १८ वा १९ गते नगर कार्यसमितिको निर्वाचन गराउने तयारीमा रहेको पनि उनले जानकारी दिए।

त्यस्तै, ललितपुर उपमहानगरपालिकासहित बज्रबाराही, गोदावरी, कार्यविनायक र महालक्ष्मी नगरपालिकाका ९६ वटा वडाबाट क्षेत्रीय प्रतिनिधि चयन सम्पन्न भएको हो।

राजविराज संवाददाता जितेन्द्रकुमार झाका अनुसार सप्तरीको अधिकांश गाउँ/नगरको अधिवेशन मधेसी मोर्चाले बिथोलेको छ। कांग्रेस तथा सरकार साझेदार दलको कार्यक्रम गर्न नदिने निर्णयअनुसार मोर्चा कार्यकर्ताले बिथोलेका हुन्। पाँच नगरपालिका तथा ९१ गाविसमा एकैसाथ अधिवेशन तयारी गरे पनि शुक्रबार क्षेत्र नम्बर २ को कुनै पनि गाविसमा अधिवेशन हुन सकेन। तिलाठी, सकरपुरासहितका कतिपय गाविसमा भने अधिवेशन भएको छ।

धनकुटा संवाददाता सिद्धराज राईका अनुसार शुक्रबार भएको गाउँ तथा नगर अधिवेशनमा सभापति र क्षेत्रीय प्रतिनिधिका लागि अधिकांश स्थानमा सर्वसम्मति जुटेको छ भने केहीमा निर्वाचन भएको छ। पाख्रीबास नगरपालिका राजारानी, परेवादिन, महाभारत र कुरुलेतेनुपामा गाउँ सभापति र क्षेत्रीय प्रतिनिधिका लागि निर्वाचन भएको छ। आँखिसल्लामा क्षेत्रीय प्रतिनिधिका लागि निर्वाचन भएको छ। बोधेमा मतदाता नामावली ढिलो पुगेकाले शनिबार निर्वाचन हुने बताइएको छ।

तेलिया गाविसको अधिवेशनबाट लिम्बुवान राष्ट्रिय पार्टीनिकट शिक्षक संघका अध्यक्ष हेमकुमार आङ्ला क्षेत्रीय प्रतिनिधि छनोट भएका छन्। लिम्बुवान राष्ट्रिय पार्टीको शिक्षक संघको अध्यक्षको हैसियत जिल्ला शिक्षा समितिमा प्रतिनिधित्व गरिरहेका आङ्लाले कांग्रेस पार्टीको क्रियाशील सदस्यता नवीकरण गरेका थिए।

महोत्तरी संवाददाता महेशकुमार दासका अनुसार मधेसी मोर्चाले अवरोध गर्ने जनाएपछि कांग्रेसले बर्दिवासमा अधिवेशन गर्ने तयारी गरेको छ। मधेसी मोर्चाले विज्ञप्ति नै जारी गरेर गाउँ, नगर, क्षेत्र र जिल्ला अधिवेशनमा अवरोध गर्ने चेतावनी दिएपछि बर्दिवासमा सम्पर्क कार्यालय स्थापना गरेको जिल्ला सभापति महेन्द्रकुमार रायले बताए।

कांग्रेस विधानअनुसार गाउँ अधिवेशनले सभापति, सचिव, कोषाध्यक्ष र आठ जना गाउँ कार्यसमिति सदस्य चयन गर्नेछ। त्यस्तै, कम्तीमा दुई महिला, दलित, आदिवासी जनजाति एक/एक, मधेसी/मुस्लिम/अल्पसंख्यक/पिछडिएको वर्गसहित नौ क्षेत्रीय प्रतिनिधि छनोट हुने छन् भने ५० भन्दा बढी महिला क्रियाशील सदस्य भए थप एक र सयभन्दा बढी भए अर्को एक प्रतिनिधि थपिने छन्।

३ हजार १ सय ५७ गाविस, २ सय १७ नगर वडाबाट झन्डै साढे एक लाख क्षेत्रीय प्रतिनिधि तथा स्थानीय नेतृत्व चयन हुनेछ।

प्रतिक्रिया

आठ सय कैदी रिहा गरिँदै

काठमाडौं- सरकारले गणतन्त्र दिवस २०७३ का अवसरमा आठ सयभन्दा बढी कैदीलाई बाँकी सजाय मिनाह गरिदिने भएको छ। कारागार व्यवस्था विभागले कारागार ऐनअनुसार देशभरका कारागारबाट सिफारिस आएका कैदीको सूची माफी–मिनाहका लागि...

उद्योगी केडिया अपहण गर्न चालकको कन्चटमै गोली हानीयाे (फोटो फिचर)

उद्योगी केडिया अपहण गर्न चालकको कन्चटमै गोली हानीयाे (फोटो फिचर)

वीरगन्ज–वीरगन्जको प्रतिष्ठित औद्योगिक घाराना केडिया समूहका एकजना उद्योगी सुरेश केडिया अपहरणमा परेका छन्। सुरेशका चालकलाई गोली हानेर उनलाई अपहरण गरिएको हो। प्रहरीका अनुसार बिहीबार साँझ करिब साढे ६ बजे बाराको...

चालकलाई गोली हानी वीरगन्जका उद्योगी केडियाको अपहरण

कलैया(बारा)– वीरगञ्ज खाद्य उद्योगका सञ्चालक सुरेश केडिया अपहरणमा परेका छन्। बिहीबार साँझ अाफ्नै गाडीमा यात्रा गरिएका उनी बाराको महागडिमाई नगरपालिका, बडियापुरबाट अपहरणमा परेका हुन्। भारतीय नम्बर प्लेटकाे स्कार्पियाेमा अाएका अपरिचत...

यातायात व्यावसायीसँगको वार्ता लम्बियो, भोली चक्काजाम नहुने

काठमाडौं–सडक नियमविपरित सवारी चलाउनेलाई गरिने जरिवाना विृद्धिको विरोधमा चक्काजाम गरेका यातायात व्यावसायी र सरकारबीचको आजको वार्ता भोली पुनः बस्नेगरी स्थगित भएको छ ।

आरक्ष क्षेत्रबाट घरपालुवा चौपाया तत्काल लान निर्देशन

इटहरी–कोसी टप्पु वन्य जन्तु आरक्ष क्षेत्रका अर्ना, जंगली हात्ती र चित्तलको आहारा संकटमा पर्नबाट जोगाउनका लागि छाडा छाडिएका घरपालुवा चौपाया हटाउने अभियान पुनः थालिएको छ।

मनपरी शुल्क लिने विद्यालयलार्इ कारवाही गर्न ३ दिने अल्टिमेटम

मनपरी शुल्क लिने विद्यालयलार्इ कारवाही गर्न ३ दिने अल्टिमेटम

काठमाडौं– मनपरी शुल्क असुली गर्ने निजी विद्यालयलाई कारवाहीको माग गर्दै १४ विद्यार्थी संगठनले शिक्षामन्त्री गिरिराजमणि पोखरेललाई संयुक्त ज्ञापनपत्र बुझाएका छन्।

सुरक्षाकर्मी राखेर साझा बस सञ्चालन

सुरक्षाकर्मी राखेर साझा बस सञ्चालन

काठमाडौं— यातायात व्यवसायीको चक्का जाममा बिहीबार आधा दिनसम्म बन्द रहेका साझाका बस दिउसोदेखि सञ्चालनमा आएका छन्। सरकारले सुरक्षा उपलब्ध गराएपछि लगनखेल—नारायणगोपाल चोक रुटमा ८ वटा बस सञ्चालनमा आएका हुन्।

आन्दोलनकारीको नियन्त्रणमा एम्बुलेन्स

नेपालगन्ज–यात्रु ओसारेको भन्दै आन्दोलनरत यातायात व्यवसायीले बाँकेको कोहलपुरबाट एउटा एम्बुलेन्स नियन्त्रणमा लिएका छन्।