Wednesday 22 Baishak, 2073 |
Menu

समाज

republica-headerdiscount-subscribe1

istl

मानवीयता नबिर्सौं

(0 votes)
तराई–मधेसमा झन्डै ३ महिनादेखि आन्दोलन छ । हिन्दुहरूको ठूलो चाड दसैँ–तिहार पनि आन्दोलनमुक्त हुन सकेन । विशेषगरी तराईमा मनाइने छठ आँगनमै आइसकेको छ । यसबखत पनि आन्दोलनबाट सर्वसाधारणले त्राण पाएनन् ।
सम्पादकीय

Email This email address is being protected from spambots. You need JavaScript enabled to view it.
nepalipatr-april
सामान्य अवस्थामा भन्दा चाडपर्वमा उपभोग्य सामानको आवश्यकता बढी हुन्छ– मानिसको आवागमनको मात्रा पनि निकै बढ्छ । तर, इन्धन अभावका कारण उपभोक्ताले सरसामान त पाएनन् नै साथै सवारीसाधन कम चल्नाले चाडपर्वका बखतसमेत आवागमनमा ठूलो असर पर्न गयो । आन्दोलनकारीले सम्भवतः यसैलाई आफ्नो आन्दोलनको ठूलो सफलता ठानेका छन् । मधेसकेन्द्रित दलका नेता तथा उक्त आन्दोलनलाई प्रत्यक्ष–परोक्ष सहयोग पु¥याउँदै आएका विभिन्न पेशाकर्मी, लेखक–बुद्धिजीवी सार्वजनिक अभिव्यक्तिमार्फत् 'चाडपर्वका नाममा आन्दोलन तुहाउने षड्यन्त्र नहोस्' भन्दै आएका थिए । यसकारण पनि अवस्था सकसपूर्ण नै रह्यो ।

यतिखेर अस्पताल तथा औषधि पसलमा अत्यावश्यक जीवनरक्षक औषधि सकिन थालेका छन् । सर्वसाधारणले आफ्नो घरको चुलो जलाउन संघर्ष गर्नुपरेको लामो समय भइसकेको छ । बालबच्चा पढ्न विद्यालय जान पाएका छैनन् । 'फलामे ढोका'को उपमा दिइएको एसएलसी परीक्षा नजिकिएको छ । त्यसका निम्ति तयारी गर्नबाटै विद्यार्थी वञ्चित भएका छन् । पढाइ सुचारु नहुँदा पनि विद्यालय–कलेजले शुल्क लिइरहेका छन् । यसबाट मर्कामा उही सर्वसाधारण अभिभावक नै परेका छन् । समस्या समाधानमा मुख्य भूमिका निर्वाह गर्नुपर्ने सरकार प्रमुखको निरिह अभिव्यक्तिले जनता निराश बन्न थालेका छन् । यस्तो अवस्था लामो समय कायम रहँदा नागरिकको मानसिकता नकारात्मक बन्न जान्छ, एकापसको दूरी बढ्न थाल्छ । सरकारप्रतिको अविश्वास चुलिँदै जान्छ ।

आन्दोलनरत पक्षसँग वार्ता गर्न भनी सरकारले केही समयअघि नै वार्ता टोली बनाइसकेको छ । तर, आन्दोलकारीका तर्फबाट वार्तामा बस्न नेताहरू त आउँछन्, तर तिनको कुनै आधिकारिकता देखिँदैन । सरकारलाई तिनले वार्ता टोलीको लिखित नाम आजसम्म दिएका छैनन् । आन्दोलनकारीले आफ्ना माग लिखितरूपमा प्रधान मन्त्रीलाई बुझाएका छन् । कतिपय माग विगतको सरकारले नै पूरा पनि गरिसकेको छ भने जायज माग सम्बोधन गर्न वर्तमान सरकार पनि तयार रहेको बताइरहेको छ । यसका निम्ति संविधान संशोधन नै एकमात्र आधार हो ।

जसरी नयाँ संविधानबारे मधेसका जनतालाई बुझाउन सकिएन त्यसैगरी मधेस आन्दोलनका मूल मागबारे पनि त्यहाँका अधिकांश जनता अनभिज्ञ नै रहेका छन् । आन्दोलन सफल भएमा आफूले के पाउने हो भन्ने नै कतिपयलाई थाहा छैन । यसकारण पनि कतिपय माग अमूर्त हुन पुगेका छन् । जनजीविकाका सवाल, स्वदेशमै रोजगारी तथा जीवनमुखी शिक्षा, स्वास्थ्य, वैज्ञानिक कृषि, भौतिक पूर्वाधार निर्माणजस्ता कुरामा कसैको ध्यान गएको छैन । यसले आशंका के पैदा गरिदिएको छ भने, विगतमा जस्तै कतै यो आन्दोलन पनि केही नेतालाई सत्तामा पु¥याउने भ¥याङमात्रै त हुने होइन ?

पछिल्लो समय केही दलका नेता–कार्यकर्ता संविधानबारे जनचेतना अभिबृद्धि गर्ने उद्देश्य बोकेर तराई–मधेस झर्न थालेका छन्, तर यसमा व्यवधान गर्ने जुन प्रयत्न आन्दोलनकारीबाट भएको छ त्यो सर्वथा गलत छ । यो कुनै पनि हालतमा लोकतान्त्रिक प्रवृत्ति होइन । यो पनि एकप्रकारको निषेधको राजनीति नै हो । आन्दोलनमार्फत् सतहमा आएका जायज माग अविलम्ब पूरा गर्ने र मुलुकको जटिल अवस्थालाई सामान्य बनाउने जिम्मा सरकारको हो । तर, यति भन्दाभन्दै पनि अमानवीय ढंगमा औषधि तथा अन्य अत्यावश्यकीय सामग्रीसमेत रोक्ने काम गर्नु कुनै पनि सभ्य समाजका राजनीतिकर्मीलाई सुहाउँदैन । यो वर्वरतायुक्त कार्य हो । यस्तो कार्यले क्षेत्रीय वैमनश्यता बृद्धि गर्न सक्छ । जनता–जनताबीचको सहिष्णुतालाई भत्काउन सक्छ । र, एकापसमा अविश्वास चुलाइदिन सक्छ । नेपालजस्तो मिश्रित संस्कृति भएको देशमा एकापसको अविश्वास घातक हुन सक्छ । त्यस्तो अविश्वासको खाडल पुर्न वा दूरी मेटाउन कुनै पनि राजनीतिक शक्तिको सामथ्र्यले नभ्याउन सक्छ । यसकारण पनि यतिखेर वार्ताका निम्ति सरकारको गम्भीरता जति आवश्यक छ त्योभन्दा बढी आन्दोलनकारीको मानवीय गुण प्रदर्शन अपेक्षित छ ।

प्रतिक्रिया

कालिकोटमा भूकम्पको धक्का

काठमाडौं– बुधबार विहान कालिकोटमा भूकम्पको झड्का महशुस गरिएको छ। राष्ट्रिय भूकम्प मापन केन्द्रका अनुसार बुधबार विहान ११ बजेर १७ मिनेटमा कालिकोट केन्द्रविन्दु भएर  ४ रेक्टरस्केलकाे भूकम्प गएको हो।

बन्दले विद्यार्थीमा तनाव

बन्दले विद्यार्थीमा तनाव

काठमाडौं- बिहान घरको सबैथोक मिलाएर कालिमाटीको निलवाराही स्कुल पुगेकी मनिका राई एक्कासि स्कुल बन्द भएको देख्दा दिक्क बनिन् । कक्षा ८ की छात्रा राईलाई मंगलबार किन स्कुल बन्द भएको थाहा...

डेढ किलो सुनसहित पक्राउ

चितवन–मकवानपुर प्रहरीले अवैध रुपमा डेढ किलो सुन ल्याएको आशंकामा बुधबार बिहान सवेरै एक जनालाई पक्राउ गरेको छ । हेटौंडाबाट पथलैया जाँदै गरेको बा ३ ख ४७४६ नम्बरको यात्रु बस चेक...

अभिभावकले चलाए बालशिक्षा

खोटाङ– दिक्तेल नगरपालिका ६ सोल्मास्थित बन्द विद्यालयमा अभिभावकले बालविकास केन्द्र सञ्चालन गरेका छन् । कार्यरत शिक्षकको अनियमितता र अभिभावककै वेवास्ताका कारण दुई वर्षअघि बन्द भएको बालकन्या प्राविमा अभिभावकले बालविकास केन्द्र...

मानव तस्करीमा नेपालगन्ज नाका, भूकम्पयता ७३७ महिलाको उद्धार

कोहलपुर— मानव तस्करीमा संलग्न गिरोहले सिन्धुपाल्चोक, नुवाकोट, रसुवा, नुवाकोट, सिन्धुली, खोटाङ, धादिङलगायत भूकम्पप्रभावित जिल्लाका महिलालाई भारत हुँदै खाडीलगायत मुलक पठाउन नेपालगन्ज नाका प्रयोग गर्दै आएको छ।

पानी अभावमा भक्तपुरवासी काकाकुल

भक्तपुर— खानेपानी अभावमा पिल्सिएका भूकम्पपीडित भक्तपुरवासी यतिखेर भूकम्पमा भत्केका घरको भग्नावशेष हटाएर घर बनाउनु भन्दा पनि खानेपानी कसरी जोहो गर्ने चिन्तित छन् । खडेरीसँगै पानीको हाहाकारले भूकम्पपीडित अझ पीडित भएका...

डिभी चिठ्ठाको नतिजा सार्वजनिक, यसरी चेक गर्नुहोस्

डिभी चिठ्ठाको नतिजा सार्वजनिक, यसरी चेक गर्नुहोस्

काठमाडौं— अमेरिका स्थायी बसोबासका लागि सबैभन्दा सजिलो उपाय मानिएको डाइभर्सिटी भिसा (डिभी) कार्यक्रम २०१७ को नतिजा सार्वजनिक भएको छ।

बसपार्क बन्याे खुलामञ्च

काठमाडौं— पुरानो बसपार्कदेखि बाहिरिने सम्पूर्ण यात्रुवाहक सार्वजनिक सवारीसाधन बुधबारदेखि खुलामञ्चबाट सञ्चालन हुने भएका छन्। पुरानो बसपार्कमा बहुतले 'काठमाडौं टावर' निर्माण हुने भएपछि त्यहाँको सार्वजनिक सवारीसाधन पार्किङलाई खुलामञ्च सार्न काठमाडौं महानगरपालिकाले...