Friday 17 Baishak, 2073 |
Menu

समाज

republica-headerdiscount-subscribe1

istl

मापदण्डबिनै विशिष्टलाई तीन अर्ब

(0 votes)
काठमाडौं- मुलुकका प्रमुख पाँच पदको जिम्मेवारीमा रहेका बहालवाला र भूतपूर्वसहित ३२ जना विशिष्ट व्यक्तिका लागि मापदण्डबिनै वार्षिक ३ अर्ब बराबर रकम राज्य कोषबाट खर्च हुने गरेको छ। राष्ट्रपति, उपराष्ट्रपति, प्रधानमन्त्री, प्रधान न्यायाधीश र सभामुखको जिम्मेवारीमा रहेका बहालवाला र भूतपूर्व २७ जनासहित ३२ विशिष्टका लागि राज्य कोषबाट उक्त रकम खर्च हुँदै आएको हो।

nepalipatr-april
विशिष्टका नाममा मनलाग्दी खर्च गरेको पाइएपछि बेरुजु फर्स्योट समितिले उक्त विषयमा चासो व्यक्त गरेको संयोजक रामहरि खतिवडाले बताए। 'बहालवाला र भूतपूर्वसहित ३२ जना 'बिग फाइभ' लाई सुविधाका नाउँमा कुनै पनि मापदण्ड नबनाई वार्षिक ३ अर्ब बराबर रकम खर्च हुने गरेको देखियो,' खतिवडाले नागरिकसँग भने, 'उक्त रकमलाई महालेखाले बेरुजुमा देखाएको रहेछ, जुन विवरण अहिले समितिसमक्ष आइपुगेको छ।' यस अघिदेखि नै कुनै पनि मापदण्ड नबनाई विशिष्टलाई उक्त सुविधा दिइने गरेकाले बेरुजुमा चढ्ने र फर्स्योटका लागि समितिसमक्ष निवेदन आउने गरेको उनले जानकारी दिए।

यता, प्रत्येकपटक प्रमुख पाँच पदमा नियुक्ति र निर्वाचित हँुदा पनि कुनै पनि मापदण्ड तय नगरी फर्निचर, किचेन, धारा, बिजुली र पर्दाका लागि समेत राज्य कोषबाट करोडौं रुपैयाँ खर्च हुने गरेको देखिएको छ।

सहरी विकास मन्त्रालयअन्तर्गत विशेष भवन निर्माण तथा सम्भार डिभिजन कार्यालयबाट उक्त चार शीर्षकका लागि मात्र २ करोड ६९ लाख खर्च गरेको विवरण समितिसमक्ष पुगेको छ।

'विशिष्ट व्यक्तिका लागि फर्निचर, किचेन, धारा, बिजुली, पर्दा आदि सामान उपलब्ध गराउने गरेको पाइयो,' समितिसमक्ष आएको विवरणमा उल्लेख छ, 'विशेष भवन निर्माण तथा सम्भार डिभिजन कार्यालयले यस वर्ष सामान खरिदका लागि २ करोड ६९ लाख खर्च गरेको छ।' तर, कुन मापदण्डका आधारमा उक्त रकम खर्च गरियो, त्यसको जवाफ भने सरकारी कार्यालयसँग छैन।

मापदण्डबिनै अबर्ौं रकम खर्च गर्ने र वर्षैपिच्छे बेरुजुमा जाने गरेपछि सरकारले त्यसलाई रोक्नका लागि मापदण्ड बनाएर रकम निकासा गराउने प्रयास भने गरेको देखिएको छ। सुशील कोइराला नेतृत्वको मन्त्रिपरिषदले 'बहालवाला विशिष्ट पदाधिकारीको निवासमा उपलब्ध गराइने सेवा–सुविधासम्बन्धी निर्देशिका–२०७०' तयार गरे पनि कार्यान्वयनमा आउन सकेको छैन।

मन्त्रिपरिषद कार्यालयअन्तर्गतको आर्थिक तथा पूर्वाधार समितिले सिफारिस गरेको मापदण्डअनुसार मात्र विशिष्टलाई सेवा–सुविधा प्रदान गर्ने भनिए पनि समितिले अझै मापदण्ड बनाएर दिन सकेको छैन। 'मन्त्रिपरिषद आर्थिक तथा पूर्वाधार समितिमा छलफल गरी समितिको निर्णयबमोजिम गर्ने २०७१ माघ २३ को मन्त्रिपरिषद बैठकबाट आर्थिक पूर्वाधार समितिमा पठाउने निर्णय भएको तर उक्त समितिबाट निर्णय हुन बाँकी रहेको अनुरोध गर्दछु,' समितिसमक्ष आएको पत्रमा भनिएको छ।

विशिष्टका लागि मापदण्डबिनै अर्बौं खर्च गरिएको पाइएपछि समितिले मापदण्ड बनाएर मात्र त्यस्तो सेवा–सुविधा दिन र रकम निकासा गर्न निर्देशन दिइसकेको संयोजक खतिवडाले जनाए। 'मापदण्डबिना यसरी राज्य कोषबाट अर्बौं रकम निकासा दिन पाइँदैन, पहिला मापदण्ड बनाउनुहोस् भनेर सम्बन्धित निकायलाई समितिले निर्देशन दिइसकेको छ,' खतिवडाले भने।

मापदण्ड तयार नभएसम्म विशिष्टको सुविधामा भएको खर्चको बेरुजु फर्स्योट गर्ने पक्षमा समिति नरहेको उनले जानकारी दिए।

प्रतिक्रिया

ग्रीसमा नेपालीकाे अपहरण, प्रहरीद्वारा उद्दार

ग्रीसमा नेपालीकाे अपहरण, प्रहरीद्वारा उद्दार

काठमाडौं– ग्रीसको राजधानी एथेन्समा अपहरणमा परेका संखुवासभा चैनपुर–१ ओरिङ्गाका कृष्ण गुरुङ नेपाल प्रहरी र इन्टरपोलमार्फत ग्रीस प्रहरीको संयुक्त प्रयासमा अपहरण मुक्त भएका छन्। रोजगारीको सिलसिलामा ७ वर्षदेखि इराकमा बस्दै आएका...

भुन्टी कुकुरले हत्यारा पत्ता लगाई

सल्यान— यही वैशाख १४ गते राति छायाक्षेत्रमा भएको हत्यामा संलग्न भएको अभियोगमा प्रहरीले छायाक्षेत्र–९ राणा गाउँका सञ्जय भारतीलाई पक्राउ गर्‍यो।

ज्यान मुद्दामा फरार भेले पक्राउ

काठमाडौँ- ज्यान मुद्दामा फरार रहेका नुवाकोट दाङसिङ गाविस घर भई हाल काठमाडौँ टोखा नगरपालिका बस्ने २३ वर्ष 'भेले' भनिने रमेश गधौलीलाई प्रहरीले पक्राउ गरेको छ।

बलात्कार विफल भएपछि चारै जनाको हत्या

दाङ–बलात्कार प्रयास विफल भएपछि सल्यानमा एकै घरका चार जनाको विभत्स हत्या भएको तथ्य खुलेको छ। गाउँकै एक युवकले बलात्कार प्रयास विफल भएपछि घरमा रहेका दुई नाबालिका सहित चारै जनालाई पलैपालो...

मदिराले मातिएका श्रीमान्ले पत्नीको शरीरमा आगो लगाए

मदिराले मातिएका श्रीमान्ले पत्नीको शरीरमा आगो लगाए

नेपालगन्–घरायसी झगडाका क्रममा एक व्यक्तिले श्रीमतीको शरीरमा आगो लगाएका छन्। दैलेख नारायण नगरपालिका–१ कुइकाना निवासी राजु नेपालीले १९ वर्षीया श्रीमती अनिसा नेपालीको शरीरमा मट्टितेल छर्केर आगो लगाएका हुन्।

एकै परिवारका चारजनाको हत्या गर्ने अभियुक्त पक्राउ

एकै परिवारका चारजनाको हत्या गर्ने अभियुक्त पक्राउ

सल्यान–दुई नाबालिकासहित एकै परिवारका चार जनाको वीभत्स हत्या गरेको अभियोगमा प्रहरीले एकजनालाई पक्राउ गरेको छ।

विद्यालय भवन हस्तान्तरण

काठमाडाैं-नेविसंघकाे सक्रियतामा निर्माण भएको विद्यालय भवन हस्तान्तरण गरिएको छ। गत वर्षको वैशाख १२ गते गएको विनाशकारी भूकम्पबाट क्षति पुगेको किर्तिपुर माध्यामिक विद्यालयमा भूकम्प प्रतिरोधात्मक चारकोठे भवन निर्माण गरी विद्यालयलाई बिहीबार ...

डिएसपी पन्त पश्चिमाञ्चलकै उत्कृष्टः बम

पर्वत–पश्चिमाञ्चल क्षेत्रीय प्रहरी प्रमुख कमलसिंह बमले पर्वतका प्रहरी प्रमुख गंगा पन्त महिला भएपनि पश्चिमाञ्चलकै उत्कृष्ट प्रहरी अधिकृत भएको टिप्पणी गरेका छन्।