Tuesday 13 Shrawn, 2071 |
Menu

खेल

कप जितेलगत्तै विगान रेलिगेसनमा

  • बिहीबार २ जेष्ठ, २०७०
  • एएफपी
  • DISQUS_COMMENTS
(0 votes)
लन्डन – एफए कप जितेकै सिजनमा इङ्लिस प्रिमियर लिगबाट विगान एथलेटिक रेलिगेसनमा परेपछि रोबर्टो मार्टिनेजले आश्चर्य व्यक्त गरेका छन्। मंगलबार इमिरेट्स रंगशालामा आर्सनलसँग ४–१ को पराजय बेहोरेसँगै विगानले प्रिमियर लिगको हैसियत गुमाएको हो।
इमिरेट्समा आर्सनललाई नतिजा सुम्पँदै आगामी सिजनका लागि च्याम्पियनसिपमा झर्नुभन्दा ७२ घन्टाअघि फाइनलमा म्यानचेस्टर सिटीलाई १–० ले स्तब्ध पार्दै एफए कप उचालेको थियो। प्रिमियर लिगबाट यसअघि नै रिडिङ र क्विन्स पार्क रेन्जर्स रेलिगेसनमा परिसकेका छन्। हारले विगानलाई बी मा झार्दा आर्सनल भने आगामी सिजन च्याम्पियन्स लिगमा छानिने आशामा बल पुर्‍याउन सफल भयो। मंगलबार आर्सनललाई जित दिलाउन लुकास पोडोलस्कीले दुई गोल गरे भने थियो वाल्कोट र आरोन रामसेले १–१ गोल गरेका थिए। तथापि मध्यान्तरसम्म विगानले अवे मैदानमा विपक्षीलाई कडा चुनौती पेश गर्ने क्रममा खेल १–१ को बराबरीमा राखेको थियो। विगानका लागि शान मालोनेले फ्रि–किकमा बराबरी गोल गरेका थिए। 'मैले रेलिगेसन अपेक्षा पनि गरेको थिइनँ। हामी कठिन अवस्थामा थियौं। तर, खेलाडीको मनोबल र प्रदर्शन उच्च थियो। हामी पक्कै पनि रेलिगेसनको हकदार थिएनौं,' विगानका प्रशिक्षक मार्टिनेजले भने, 'क्लबका लागि आजको दिन निकै कठिन रह्यो। हामीले प्रिमियर लिगमा स्मरणीय ८ वर्ष बितायौं। अब भविष्यका लागि तयारी गर्नु छ।' रक्षापंक्तिमा धेरै चोटको समस्या भएकाले पूरा सिजन प्रदर्शनमा असर गरेको उनको तर्क थियो। 'हामीले धेरै गोल खायौं। रक्षापंक्तिमा यति धेरै खेलाडी घाइते भएको मैले पहिला कहिल्यै भोगेको थिइनँ,' विगानका पूर्वखेलाडी मार्टिनेजले भने, 'एफए कपले हामीलाई धेरै आशावादी बनाएको थियो। एफए कप आफैमा ठूलो प्रतियोगिता हो। त्यो उपाधि हाम्रा लागि धेरै अर्थपूर्ण छ। एफए कप जितेपछि हामीले प्रिमियर लिगमा टिक्ने आशा बोकेका थियौं।' मार्टिनेजले क्लब इतिहासमै यसपालि आर्थिक रूपमा बलियो रहेको बताउँदै समर्थकलाई अपार साथका लागि धन्यवाद दिए। मंगलबारको हारपछि एक खेलमात्र बाँकीको अवस्थामा विगान निकट प्रतिद्वन्द्वी सन्डरल्यान्डभन्दा ४ अंकले पछि परेको थियो। जसका कारण अन्तिम खेलको नतिजा जस्तो आए पनि विगानको प्रिमियर लिगमा रोकिने सम्भावना समाप्त भएको हो। आर्सनलले भने यो जितपछि लगातार १६औं सिजनमा च्याम्पियन्स लिग खेल्ने सम्भावना बलियो बनायो। अब टोलीले अन्तिम खेलमा न्युक्यासललाई हराए शीर्ष चारमा रहेर सिजनको अन्त्य पक्का गर्नेछ। निकट प्रतिद्वन्द्वी टोटेनह्यामले स्टोकलाई हराउन नसके आर्सनललाई अन्तिम खेलमा तीन अंक पनि जरुरी हुने छैन। आर्सनल प्रशिक्षक आर्सेन वेङ्गरले जितमा खुसी व्यक्त गरे पनि पहिलो हाफको प्रदर्शनमा सन्तुष्ट नभएको बताए। उनले भने, '२० मिनेटपछि हामीले परम्परागत खेल खेल्यौं, जसका कारण विगानले गोलको मौका पायो,' वेङ्गरले भने, 'हामीले बल आफूसँग राख्न सकेनौं। उनीहरू एफए कपको फाइनलबाट थकित थिए। उनीहरू थाकेपछि मात्र हाम्रो फराकिलो जितको आधार बन्यो। आइतबार फेरी हामीले महŒवपूर्ण खेलका लागि मैदान उत्रनु छ। हामी त्यो खेलमा पनि आफ्नो तर्फबाट पूरा मेहनत गर्नेछौं।' उता गत सिजनको प्रिमियर लिग विजेता म्यानचेस्टर सिटीले प्रशिक्षक रोबर्टो मान्चिनीलाई बर्खास्त गरेपछिक पहिलो खेलमा रिडिङमाथि २–० को जित दर्ता गरायो। टोलीको अवे जितमा सर्जियो अग्विरो र इडिन जेकोले गोल गरेका थिए।
एनपिएल पारदर्शी पार्न क्यान प्रतिबद्ध

एनपिएल पारदर्शी पार्न क्यान प्रतिबद्ध

काठमाडौं– नेपाल क्रिकेट संघ (क्यान) का कार्यबाहक अध्यक्ष तारिणीविक्रम (टिबी) शाहले नेपाल प्रिमियर लिग (एनपिएल) को ट्वान्टी–२० प्रतियोगिता पारदर्शी र स्वच्छ रूपमा सम्पन्न गर्न क्यान प्रतिबद्ध रहेको बताएका छन्।

पौडीको स्तर र गौरिका

पौडीको स्तर र गौरिका

काठमाडौं-अघिल्लो सातासम्म ११ वर्षकी गौरिका सिंह नेपाली खेलकुदका लागि अपरिचित नाम थियो। आमाबाबुसँग बेलायतमा बसोवास गर्ने उनको नेपाली खेलकुदसँग कुनै साइनो पनि थिएन। बिदा मनाउन नेपाल आउँदा उनलाई एउटा यस्तो...

'समितिको प्रस्ताव अर्थहीन'

'समितिको प्रस्ताव अर्थहीन'

काठमाडौं– राष्ट्रिय खेलकुद परिषदका सदस्यसचिव युवराज लामाले बिहीबार १७औं एसियाली खेलकुदमा पदक सम्भावना भएका र पदक नजिक पुग्न सक्ने खेलमात्र सहभागिता गराउनुपर्ने बताएका छन्।

२४ खेलबाट २ सय १७ खेलाडी पठाउने तयारी

२४ खेलबाट २ सय १७ खेलाडी पठाउने तयारी

काठमाडौं-दुई महिनापछि दक्षिण कोरियाको इन्चोनमा हुने १७औं एसियाली खेलकुदमा नेपालबाट २४ खेलमा २ सय १७ खेलाडी सहभागी गराउने तयारी भइरहेको छ।

कप्तान जेरार्डको संन्यास

कप्तान जेरार्डको संन्यास

लन्डन– इङ्ल्यान्डका कप्तान स्टेभन जेरार्डले अन्तर्राष्ट्रिय फुटबलबाट संन्यास घोषणा गरेको इङ्ल्यान्डको फुटबल एसोसिएसनले सोमबार जनाएको छ। युक्रेनविरुद्ध वेम्बलीमा २–० को विजय हात पार्दा राष्ट्रिय टोलीबाट 'डेब्यु' गरेका लिभरपुलका मिडफिल्डर जेरार्डले...

बिदा मनाउन आउँदा सात कीर्तिमान

बिदा मनाउन आउँदा सात कीर्तिमान

काठमाडौं- लन्डनबाट बिदा मनाउन आएकी ११ वर्षे किशोरी गौरिका सिंहले १९औं राष्ट्रिय खुला तथा १२औं ग्यालेक्सी कप अन्तरस्कुल पौडी च्याम्पियनसिपमा सात नयाँ राष्ट्रिय कीर्तिमान आफ्नो नाममा लेखाइन्।

द्वन्द्वको पेलाइमा राष्ट्रिय खेलकुद

द्वन्द्वको पेलाइमा राष्ट्रिय खेलकुद

काठमाडौं- निर्वाचनको बहानामा एक वर्ष सरेको बृहत राष्ट्रिय खेलकुदको सातौं संस्करण राष्ट्रिय खेलकुद परिषद र युवा तथा खेलकुद मन्त्रालयको द्वन्द्वका कारण यो वर्ष पनि नहुने भएको छ।

स्वारेज बार्सिलोनामा पक्का

स्वारेज बार्सिलोनामा पक्का

बार्सिलोना– स्पेनिस क्लब बार्सिलोनाले उरुग्वेका स्ट्राइकर लुइस स्वारेज अब सतप्रतिशत आफ्नो टोलीको खेलाडी भएको बताएको छ। अघिल्लो सिजन लिभरपुलमा बिताएका स्वारेज गत साता ७ करोड ५० लाख पाउन्डमा बार्सिलोनामा आबद्ध...