Wednesday 14 Magh, 2071 |
Menu

खेल

HUB

रक्षक फर्डिनान्डको संन्यास

  • बिहीबार २ जेष्ठ, २०७०
  • एजेन्सी
  • DISQUS_COMMENTS
(0 votes)
लन्डन – इङ्ल्यान्डका रक्षक रियो फर्डिनान्डले बुधबार अन्तर्राष्ट्रिय फुटबलबाट संन्यास घोषणा गरेका छन्। राष्ट्रिय टोलीको जर्सीबाट ८१ खेल खेलिसकेका म्यानचेस्टर युनाइटेडका ३४ वर्षे फर्डिनान्डले क्लब फुटबलमा केन्द्रित हुन चाहेको बताएका छन्।
'अन्तर्राष्ट्रय फुटबलबाट अलग हुने सही समय यही हो,' उनले भने, 'मैले सोचविचार गरेर यो निर्णय लिएको हँु।' इङ्ल्यान्डका प्रशिक्षक रोय हड्सनले उनलाई विशेष खेलाडीको संज्ञा दिए। 'कप्तानका रूपमा देशको प्रतिनिधित्व गर्नु र तीन विश्वकप खेल्नु भनेको विशेष खेलाडीको समूहमा पर्नु हो।' सन् २०११ को जुनमा युरो छनोटयता उनले राष्ट्रिय टोलीबाट खेलेका छैनन्। मार्चमा हुने विश्वकप छनोटअन्तर्गत सान मारिनो र मोन्टेनेर्गोसँगको खेलका लागि भने हड्सनले फर्डिनान्डलाई टोलीमा डाकेका थिए। उनको सहयोगमा युनाइटेड यो वर्ष पुनः लिग च्याम्पियन बनेको छ भने टोली प्रोफेसनल फुटबलर्स एसोसिएसनबाट वर्षको उत्कृष्ट टिम घोषित भएको छ। 'युवा खेलाडीलाई बाटो खुला गर्न किनारा लाग्ने समय यही हो भन्ने मलाई लाग्यो। अब म क्लब फुटबलमा केन्द्रित हुन चाहन्छु,' वेस्ट ह्याम र लिड्सका पूर्वसेन्टर ब्याकले भने, 'अहिले राष्ट्रिय टोली उत्कृष्ट लयमा छ। नयाँ र प्रतिभावान खेलाडी आइरहेका छन्। यसले सुखद भविष्य संकेत गरेको छ।' राष्ट्रिय टोलीको हिस्सा हुन पाउनु गर्व र सम्मानको विषय भएको उनले सुनाए। 'यु–१७ देखि राष्ट्रिय टोलीका हरेक खेलमा देशको प्रतिनिधित्व गर्न पाउनु मेरो लागि साँच्चै सम्मानको विषय हो,' उनले भने, 'देशका लागि खेल्न पाउनुमा मलाई गर्व छ। रोय र उनको टिमलाई आउने प्रतियोगिताका लागि शुभकामना छ।' वेम्बलीमा मे २९ मा आयरल्यान्ड र त्यसको चार दिनपछि ब्राजिलसँग रियो द जेनेरियोमा हुने मैत्रीपूर्ण खेलका लागि प्रशिक्षक हड्सनले बिहीबार टोली घोषणा गर्दैछन्। तत्कालीन कप्तान जोन टेरीसँग विवाद बढ्ने देखिएपछि फर्डिनान्ड युरो २०१२ को टोलीमा थिएनन्। आफ्ना भाइलाई रंगभेदी टिप्पणी गरेका कारण टेरीसँग फर्डिनान्ड क्रुद्ध बनेका थिए। पोल्यान्ड र युक्रेनमा सम्पन्न युरो २०१२ को अन्तिम छनोटमा हड्सनले टेरीलाई राखेका थिए। वेस्टमिनिस्टर अदालतबाट सफाइ पाए पनि फुटबल संघ (एफए) को छानबिनमा टेरी दोषी पाइएको थियो। हड्सनले टेलिफोनमार्फत फर्डिनान्डले संन्यासको निर्णय सुनाएको बताए। 'राष्ट्रिय टोलीमा उनको योगदान अतुलनीय छ। उनले लगातार १४ वर्ष माथिल्लो स्तरको फुटबल खेले,' हड्सनले भने, 'आफ्नो निर्णय मलाई जानकारी दिएकोमा म उनीप्रति आभार व्यक्त गर्न चाहन्छु।' इङ्ल्यान्डबाट डेब्यु गर्ने उनी कम उमेरका रक्षक हुन्। सन् १९९७ मा क्यामरुनविरुद्ध खेलेर डेब्यु गर्दा उनी १९ वर्षका थिए। १९९८, २००२ र २००६ विश्वकपको अनुभव बटुलेका फर्डिनान्डले घुँडाको चोटका कारण २०१० को विश्वकप खेल्न पाएनन्। लागूऔषध परीक्षणमा असफल हुँदै ८ महिने प्रतिबन्ध भोगेका उनले २००४ को युरोपियन च्याम्पियनसिप पनि गुमाएका थिए।
‘संरचनामा सुधार आवश्यक’

‘संरचनामा सुधार आवश्यक’

काठमाडौं-विश्व क्रिकेट लिग डिभिजन–२ मा सोमबार फर्किएको नेपाली राष्ट्रिय क्रिकेट टोलीको त्रिभुवन विमानस्थलमा भव्य स्वागत गरिएको छ। नामिबियामा सम्पन्न प्रतियोगिताको चौथो स्थानमा रहँदै नेपाल डिभिजन २ मा यथावत रहेको थियो।...

नेपालको डिभिजन २ को यात्रा: लक्ष्य भेटे उपलब्धि थेग्न सक्ला?

नेपालको डिभिजन २ को यात्रा: लक्ष्य भेटे उपलब्धि थेग्न सक्ला?

काठमाडौं-नामिबियाबाट उपाधि जितेर फर्कने लक्ष्यसाथ नेपाली राष्ट्रिय क्रिकेट टोली विशेष तयारी गर्न बुधबार दक्षिण अफ्रिकातिर लागेको छ। जनवरी १७ देखि २४ सम्म नामिबियामा हुने आइसिसी विश्व क्रिकेट लिग डिभिजन २ को...

जागिरसँगै डिभिजन २ को साइत

जागिरसँगै डिभिजन २ को साइत

काठमाडौं-आइसिसी विश्व क्रिकेट लिग डिभिजन २ को तयारीलाई दक्षिण अफ्रिका जानु अघिल्लो दिन मंगलबार नेपाल क्रिकेट संघ (क्यान) ले राष्ट्रिय टोलीका १४ सहित २२ खेलाडीसँग करार अनुबन्धन गरेको छ। राष्ट्रिय...

छ खेलाडीलाई छात्रवृत्ति

छ खेलाडीलाई छात्रवृत्ति

काठमाडौं- अर्को बर्ष ब्राजिलमा हुने ३२औं गृष्मकालिन ओलम्पिक खेलकुदका लागि ६ नेपाली खेलाडीले विशेष प्रशिक्षण लागि छात्रवृत्ति पाएका छन्। अन्तर्राष्ट्रिय मान्यता प्राप्त नेपाल ओलम्पिक कमिटी (एनओसी) को पहलमा एथलेटिक्सकी संगीता...

डिभिजन २ तयारी: दक्षिण अफ्रिका यात्रामा ढिलाइ

डिभिजन २ तयारी: दक्षिण अफ्रिका यात्रामा ढिलाइ

काठमाडौं-विश्व क्रिकेट लिग डिभिजन २ को विशेष तयारीका लागि दक्षिण अफ्रिका जाने नेपाली राष्ट्रिय क्रिकेट टोलीको योजना भिसा समस्याका कारण पछि सरेको छ। जनवरी १७ देखि २४ सम्म अफ्रिकी मुलुक...

टेस्टबाट धोनीको संन्यास

टेस्टबाट धोनीको संन्यास

नयाँ दिल्ली– विश्वकप विजेता भारतीय क्रिकेट टोलीका कप्तान महेन्द्रसिंह धोनीले टेस्ट क्रिकेटबाट संन्यास घोषणा गरेका छन्। मंगलबार अस्ट्रेलियासँगको टेस्ट शृंखला कम्तीमा २–० ले गुमाउने पक्का भएको केही समयपछि धोनीले संन्यास...

एकताकलीलाई हात्तीदौडको उपाधि, फुटबलमा प्रभु विजयी (फोटोफिचर)

एकताकलीलाई हात्तीदौडको उपाधि, फुटबलमा प्रभु विजयी (फोटोफिचर)

चितवन – सौराहामा भएको हात्ती महोत्सवअन्तर्गतको आकर्षक मानिएको हात्तीदौडमा एकताकली विजयी भएको छ। प्रतिस्पर्धी ६ हात्तीलाई उछिन्दै ब्लुप्लानेट जर्मनीको एकताकलीले उपाधि जितेको हो। दुई विदेशीसहित ६ हात्ती फाइनलमा भिडेका थिए।...

सिटी र युनाइटेड अघिपछि

सिटी र युनाइटेड अघिपछि

लल्डन– इङ्लिस प्रिमियर लिगको शीर्ष तीनमा रहेका चेल्सी, दुई म्यानचेस्टर सिटी र युनाइटेड शुक्रबार ‘बक्सिङ डे' को खेलमा प्रतिद्वन्द्वीमाथि एकतर्फी हाबी हुँदै विजय नतिजा निकालेका छन्। जितले तीनै टोली यसअघिकै...