राजेन्द्रले दिलाए आठौँ स्वर्ण

मंगलवार, 09 फेब्रुअरी 2010 11:02 नागरिक

पदक तालिकामा नेपाल पाँचौँ-
काठमाडौँ, माघ २६ (नागरिक)- एथलेटिक्स खेलाडी राजेन्द्र भण्डारीले नेपाललाई बंगलादेशमा भइरहेको साग खेलमा आठौँ स्वर्ण दिलाएका छन्। आज बिहान भएको ४२.१९५ किलोमिटर*को म्याराथनमा भण्डारीले स्वर्ण पदक जितेका हुन्।

यसअघि दशौँ सागमा भण्डारीले ५ हजार र ३ हजार मिटर गरी दुई वटा स्वर्ण जितेका थिए।

हिजो जितेका पाँच स्वर्ण र अस्ति जितेका दुई स्वर्णसहित नेपालले कूल पद तालिकामा ८ स्वर्ण पुर्‍याएको छ। योसँगै नेपाल पदक तालिकामा पाँचौँ भएको छ।

पदक तालिकामा शीर्ष स्थानमा रहेको भारतले ८८ स्वर्ण, दोस्रोमा रहेको पाकिस्तानले १९, बंगलादेशले १८, श्रीलंकाले १६ स्वर्ण जितेको छ।

मंगलबार बिहानसम्मको पदक तालिका

देश		स्वर्ण	रजत	काँस्य	कूल
	भारत	88	53	28	169
	पाकिस्तान	19	25	36	80
	बंगलादेश	18	23	55	96
	श्रीलंका	16	34	52	102
	नेपाल	8	9	19	34
	अफगानिस्तान	7	9	16	32
	भुटान	0	2	3	5
	माल्दिभ्स	0	0	2	2
	कूल	155	155	210	520