Tuesday 19 Falgun, 2071 |
Menu

विश्व

HUB

पाकिस्तानमा नयाँ सरकार गठनको कसरत सुरु

  • मङ्गलबार ३१ बैशाख, २०७०
  • रोयटर्स
  • DISQUS_COMMENTS
(0 votes)
पाकिस्तानमा नयाँ सरकार गठनको कसरत सुरु
कराँची – संसदका लागि भएको आम चुनावको परिणाम घोषणा भइसकेपछि पाकिस्तानमा सरकार गठनको कसरत सुरु भएको छ। सरिफले सांसद इसहाक दारलाई अर्थमन्त्रीका रुपमा आफ्नो मन्त्रिमण्डलमा सामेल गर्ने पिएमएल(एन)का पार्टी प्रवक्ताले सोमबार बताए।


दुई सय ७२ सिटका लागि भएको चुनावमा एक सय ३० सिट जितेपछि पूर्वप्रधानमन्त्री नवाज सरिफको पाकिस्तान मुस्लिम लिग(एन) संसदमा सबैभन्दा ठूलो पार्टी बनेको छ। तीन सय ४२ सिटको संसद नेसनल एसेम्बलीमा बाँकी ७० सिट भने महिला र अल्पसंख्यकका लागि आरक्षित छन्। संसदको सबैभन्दा ठूलो पार्टी पिएमएल(एन) सरकार बनाउने सुरसारमा छ।

आफ्नो पार्टीको जितपछि पूर्वप्रधानमन्त्री सरिफले सरकार गठनबारे पार्टी र सहयोगीसँग सोमबार विचारविमर्श थालेका छन्। सरिफको पार्टीलाई संसदमा बहुमतका लागि सात सिटको मात्र आवश्यकता छ। २७ स्वतन्त्रसहित अरु पार्टीले समेत पिएमएल(एन)लाई बहुमतका लागि आवश्यक सिट जितेकाले राष्ट्रपति आसिफ अलि जर्दारीको पाकिस्तान पिपुल्स पार्टी र इमरान खानको पाकिस्तान तहरिक–ए–इन्साफ पार्टीको सहयोग लिनु पर्ने छैन। पिएमएल(एन)का नेताहरूले स्वतन्त्र सांसदसँग सरिफको कुराकानी भइरहेको बताएका छन्। साथै मन्त्रीमण्डलको आकार र स्वरुपबारे समेत छलफल भइरहेको छ।

दारले यसअघि सन् १९९० मा समेत सरिफ मन्त्रिमण्डलमा अर्थमन्त्रीका रुपमा काम गरिसकेका छन्। दारले प्रान्तीय सरकारलाई कृषिमा कर उठाउने प्रोत्साहित गर्ने आफ्नो योजना रहेको बताए। दारको कर नीतिबाट पार्टीका धनाढ्य समर्थकसँग उनको मतभेद हुने सम्भावना छ।

सरिफले सबैभन्दा पहिले अर्थमन्त्रीको चयन गर्नुलाई खस्कँदो पाक अर्थतन्त्र उनको प्रमुख प्राथमिकता भएको संकेत गरेको छ। सरिफले अन्तर्राष्ट्रिय मुद्रा कोषले भनेअनुसार देशमा राजनीतिक रुपमा सम्वेदनशील केही सुधार गर्ने बताइसकेका छन्। सरिफका सुधारबाट सन्तुष्ट भए आइएमएफले अर्बौं अमेरिकी डलरका रुपमा पाक अर्थतन्त्रलाई सञ्जीवनी दिनेछ। तत्कालिन अर्थमन्त्री दारले सन् १९९८ मा पनि आइएमएफसँग प्याकेज डिलमा सहमती गर्न सफलता पाएका थिए।

नेसनल एसेम्बलीमा ३३ सिट मात्र जितेको राष्ट्रपति जर्दारीको पिपिपीलाई यसपालीको चुनावमा सबैभन्दा ठूलो झट्का लागेको छ। उता बहुमत जित्ने आस गरेका इमरान आफ्नो पार्टीले जम्मा २९ सिट मात्र जितेपछि संसदमा पिपिपीभन्दा पनि पछि परेकोमा निरास भएका छन्। मतदान प्रतिशतबाट खुसी भएको तर चुनावमा भएको धाँधलीबाट आफू निरास भएको प्रतिक्रिया उनले अस्पतालबाटै दिए। चुनाव प्रचारका बेला घाइते भएका इमरान अझै अस्पतालमा नै उपचाररत छन्।

सरिफको पार्टी पिएमएल(एन)ले सरकार गठन गर्ने निश्चितजस्तै भएपछि सोमबार पाकिस्तानको सेयर बजारमा उछाल आयो। कराँची स्टक एक्सचेन्जमा १.६ प्रतिशत वृद्धि भई सेयर सूचकांक २० हजारमाथि पुगेको थियो।


मत गणनाको अन्तिम परिणाम

पाकिस्तान मुस्लिम लिग(एन)– १३०

पाकिस्तान पिपुल्स पार्टी– ३३

पाकिस्तान तहरिक–ए–इन्साफ– २९

स्वतन्त्र उम्मेदवार– २७

मुत्ताहिद कौमी मुभमेन्ट– १७

जेयुआइएफ– १०

अन्य– १८
बच्चा साटिएपछि…

बच्चा साटिएपछि…

फ्रान्स – सोफी सेरानोले केही दिनको पर्खाइपश्चात् आफूले जन्म दिएको छोरी मेननलाई उचाल्ने मौका पाइन्। जन्मनेबित्तिकै जन्डिस देखा परेपछि मेननको आमासँग टाढा क्रृत्रिम प्रकाशमा छुट्टै राखेर उपचार भइरहेको थियो। तर,...

भ्रष्टाचारमुक्त दिल्लीको वाचा, को को भए मन्त्री?

भ्रष्टाचारमुक्त दिल्लीको वाचा, को को भए मन्त्री?

नयाँ दिल्ली– दोस्रोपल्ट दिल्लीको मुख्यमन्त्री बनेका आम आदमी पार्टी (आप) नेता अरबिन्द केजरिवालाले शनिबार पदको शपथ लिएका छन्। दिल्लीका उपराज्यपाल नजिब जंगले ऐतिहासिक रामलिला मैदानमा हजारौं सर्वसाधारणको उपस्थितिमा केजरिवाललाई पद तथा...

पूर्वी युक्रेनमा युद्धविराम घोषणा, के छ सम्झौतामा?

पूर्वी युक्रेनमा युद्धविराम घोषणा, के छ सम्झौतामा?

मिन्स्क– बेलारुसको राजधानी मिन्स्कमा १७ घन्टा चलेको वार्तापछि पूर्वी युक्रेनमा सरकार–रुससमर्थक पृथक्तावादीबीच युद्धविराम भएको छ। युक्रेन संकट समाधानका लागि बेलारुसमा भेला भएका रुस, जर्मनी, फ्रान्स र युक्रेनका नेताले लामो वार्तापछि बिहीबार...

लगानी नीतिबारे ओबामा–सीबीच छलफल

लगानी नीतिबारे ओबामा–सीबीच छलफल

वासिङ्टन– अमेरिकी राष्ट्रपति बाराक ओबामा र चिनियाँ राष्ट्रपति सी जिङपिङ बीच मंगलबार फोनवार्ता भएको छ। वार्ताका क्रममा उनीहरू दुवैले आगामी दिनमा अमेरिका–चीन आर्थिक सम्बन्ध कसरी सुदृढ र फलदायी बनाउन सकिन्छ...

भारतद्वारा लामो दूरीको अग्नि–५ मिसाइल परीक्षण

भारतद्वारा लामो दूरीको अग्नि–५ मिसाइल परीक्षण

नयाँ दिल्ली– भारतले लामो दूरीसम्म प्रहार गर्नसक्ने र आणविक हतियार बोक्न सक्षम अग्नि–५ मिसाइलको सफल परीक्षण गरेको छ। मोबाइल लन्चरबाट प्रहार गर्न सकिने अग्नि–५ को परीक्षण शनिबार उडिसाको समुद्रतटको ह्विलर...

मोदीको कसिलो अंकमालमा ओबामा

मोदीको कसिलो अंकमालमा ओबामा

नयाँ दिल्ली– अमेरिकी राष्ट्रपति बाराक ओबामा र भारतीय प्रधानमन्त्री नरेन्द्र मोदीले आइतबार गहिरो आत्मीयता दर्शाउँदै विभिन्न सम्झौता गरेका छन्। एयरफोर्स वनको जहाजबाट नयाँ दिल्लीस्थित इन्दिरा गान्धी अन्तर्राष्ट्रिय विमानस्थलमा स्थानीय समयअनुसार आइतबार...

अमेरिकी अर्थतन्त्र सुधार: ओबामा

अमेरिकी अर्थतन्त्र सुधार: ओबामा

वासिङटन– अमेरिकी राष्ट्रपति बाराक ओबामाले वर्षौं लम्बिएका इराक र अफगानिस्तान युद्ध र आर्थिक कठिनाइबाट अमेरिका बाहिर निस्केको दाबी गरेका छन्। ओबामाले मंगलबार अमेरिकी संसदको संयुक्त सभामा आफ्नो वार्षिक 'स्टेट अफ युनियन'...

चिनियाँ राष्ट्रपतिको तलब बढ्यो

चिनियाँ राष्ट्रपतिको तलब बढ्यो

बेइजिङ– चीनका राष्ट्रपति सी चिनफिङसहित सत्तारुढ चिनियाँ कम्युनिस्ट पार्टीको पोलिटब्यूरो स्थायी समितिका ६ जना विशिष्ट सदस्यको तलब ६२ प्रतिशत वृद्धि भएको छ। साथसाथै चीनका सरकारी कर्मचारीको पनि तलब वृद्धि भएको चिनियाँ...