17 Magh, 2071 |
Menu

विश्व

HUB

बलात्कार अभियोगमा धर्मगुरु आशाराम बापु पक्राउ

  • आइतबार १६ भाद्र, २०७०
  • एजेन्सी
  • DISQUS_COMMENTS
(0 votes)
बलात्कार अभियोगमा धर्मगुरु आशाराम बापु पक्राउ
नयाँ दिल्ली— नाबालिग बलात्कार अभियोगमा विवादास्पद धर्मगुरु आशाराम बापु पक्राउ परेका छन्। जोधपुर प्रहरीले मध्यरातमा पक्राउ गरी उनलाई सोधपुछ सुरु गरेको छ। इन्दोर प्रहरीका अनिल सिंहले बलात्कार अभियोग लागेका धर्मगुरु पक्राउको पुष्टि गर्दै उनलाई इन्दौर विमानस्थलतर्फ लगिएको बताए।
त्यहाँबाट उनलाई जोधपुर लैजाने तयारी प्रहरीले गरेको छ।

समर्थकको ठूलो संख्याले प्रहरीलाई आश्रममा छिर्न नदिएपछि मध्य रातमा प्रहरीले आश्रमलाई घेरा हाली उनलाई पक्राउ गरेको हो। इन्दौरबाट प्रहरीको भ्यानमा हालेर लैजाँदै गर्दा प्रहरीविरुद्ध उनका समर्थकले नाराबाजी गरेका थिए। यसअघि आश्रममै उनलाई सोधपुछ गर्ने तयारी प्रहरीले गरेको थियो। तर पुलिसको टोली आश्रम पुग्नासाथ उनले हजारौं समर्थक राखेर सत्संग सुरु गरेका थिए। त्यसपछि प्रहरीलाई बेवास्ता गर्दै आराम गर्न हिँडेका थिए।

हत्या, जग्गा हडप्ने, काला जादू लगायतका आरोपमा मुछिँदै आएका भारतका विवादास्पद धर्म गुरु आसाराम बापूमाथि १६ वर्षीय किशोरीले यौन शोरषणको आरोपमा प्रहरीमा जाहेरी दिएकी थिइन्। उनलाई बारम्बार यौन दुराचारको अभियोग लाग्दै आएको छ। अहिलेसम्म जतिपटक यस प्रकारका आरोप लागे ती सबैबाट उनी उम्किएका छन्। आसाराम यसलाई 'परमात्माको हस्तक्षेप' बताउने गर्छन्। राजनीतिक नेतृत्व, प्रशासनका उच्च पदस्थ कर्मचारीसँगको सम्बन्धले उनले सधैँ कानुनको घेरा तोड्दै आएकोमा सर्वसाधारण आक्रोसित छन्। नेताको असमर्थताले आसाम कानुनको फन्दामा पर्नबाट उम्किरहेको टिप्पणी उनीहरुको छ

को हुन् आसाराम?


आसारामको जन्म भारत विभाजन नहुँदैको बेरानी गाउँमा वर्तमान ९पाकिस्तान० १७ अप्रिल १९४१ मा भएको हो। उनी सानो छँदै उनका पिताको निधन भएको थियो। आसारामको वेबसाइटले जीवनको सुरुवाती दिनमा नै ध्यान र आध्यात्मिकतामा उनको रुचि भएको दावी गरेको छ। आसाराम आश्रमका प्रवक्ता मनीष बगाडियाका अनुसार उनका ४२५ आश्रम, १४०० समिति, १७००० बाल संस्कार केन्द्र र ५० गुरुकुल रहेका छन्। अहमदाबादमा उनको मुख्य आश्रम रहेको छ।

मोटेरामा सरदार पटेल क्रिकेट स्टेडियम नजिक १० एकड जमीनमा यो रहेको छ। यो जमीन राज्यले उनलाई दिएको थियो।

अध्यात्मिक नेताको रुपमा अगाडि देखिने आसाराम जहिले पनि विवादले घेरिएका छन्। हत्या, जमीन कब्जा, काला जादू गर्न, मानिसलाई धम्की दिनेजस्ता आरोप उनीमाथि लाग्ने गर्छन्। आसारामको योग वेदान्त समितिलाई २००१ मा सत्संगको लागि ११ दिनका लागि मध्य प्रदेश स्थित रतलामको मंगल्य मन्दिर परिसरको प्रयोग गर्ने अनुमती दिइएको थियो। तर १२ वर्ष सम्म पनि समितिले मन्दिर परिसरको खाली गरेको छैन। उसले अझ ७०० करोड भारतीय मुल्य बराबरको अरु १०० एकड जग्गा पनि कब्जा गरेको छ।

२००० मा गुजरात सरकारले आसाराम आश्रमको लागि भैरवी गाउँमा १० एकड जमीन दिएको थियो। उनीहरुले अरु ६ एकड जमीन अतिक्रमण गरेको गाउँलेहरुले आरोप लगाएका छन्। आसाराम आश्रमका एक पूर्व सदस्य राजु चंडकले प्रहरीसँग आसारामलाई महिलाको यौन शोषण गरेको देखेको बताएका थिए। डिसेम्बर २००९ मा राजु चंडकमाथि अहमदाबादमा अज्ञात ब्याक्तिले गोली प्रहार गरे। गुजरात पुलिसले आसाराम र अन्य दुइ जनाविरुद्धमा हत्या कोसिस उजुरी दर्ता गरेको छ।
मोदीको कसिलो अंकमालमा ओबामा

मोदीको कसिलो अंकमालमा ओबामा

नयाँ दिल्ली– अमेरिकी राष्ट्रपति बाराक ओबामा र भारतीय प्रधानमन्त्री नरेन्द्र मोदीले आइतबार गहिरो आत्मीयता दर्शाउँदै विभिन्न सम्झौता गरेका छन्। एयरफोर्स वनको जहाजबाट नयाँ दिल्लीस्थित इन्दिरा गान्धी अन्तर्राष्ट्रिय विमानस्थलमा स्थानीय समयअनुसार आइतबार...

अमेरिकी अर्थतन्त्र सुधार: ओबामा

अमेरिकी अर्थतन्त्र सुधार: ओबामा

वासिङटन– अमेरिकी राष्ट्रपति बाराक ओबामाले वर्षौं लम्बिएका इराक र अफगानिस्तान युद्ध र आर्थिक कठिनाइबाट अमेरिका बाहिर निस्केको दाबी गरेका छन्। ओबामाले मंगलबार अमेरिकी संसदको संयुक्त सभामा आफ्नो वार्षिक 'स्टेट अफ युनियन'...

चिनियाँ राष्ट्रपतिको तलब बढ्यो

चिनियाँ राष्ट्रपतिको तलब बढ्यो

बेइजिङ– चीनका राष्ट्रपति सी चिनफिङसहित सत्तारुढ चिनियाँ कम्युनिस्ट पार्टीको पोलिटब्यूरो स्थायी समितिका ६ जना विशिष्ट सदस्यको तलब ६२ प्रतिशत वृद्धि भएको छ। साथसाथै चीनका सरकारी कर्मचारीको पनि तलब वृद्धि भएको चिनियाँ...

किन भयो राजापाक्षेको पराजय?

किन भयो राजापाक्षेको पराजय?

कोलम्बो– पृथक्तावादी तमिल टाइगर्स लडाकु संगठन लिट्टेलाई पराजित गरी २५ वर्षभन्दा लामो द्वन्द्व अन्त्य गरेका श्रीलंकाली राष्ट्रपति महिन्दा राजापाक्षेको एक दशक लामो शासन समाप्त भएको छ। पदावधि सकिनुअघि नै तेस्रोपल्ट...

पाक संसद सैनिक अदालतको पक्षमा

पाक संसद सैनिक अदालतको पक्षमा

इस्लामाबाद– पाकिस्तानको संसदले संदिग्ध उग्रवादी लडाकुमाथि मुद्दा चलाउन मंगलबार सैनिक अदालत गठनको पक्षमा मतदान गरेको छ। संसदका दुवै सदन तल्लो र माथिल्लोबाट सैनिक अदालत गठनसम्बन्धी विधेयक दुई तिहाई मतबाट पारित...

कारखानामा भएको विस्फोटमा सत्रको मृत्यु

कारखानामा भएको विस्फोटमा सत्रको मृत्यु

गुआङ्गजोउ- दक्षिणी चीनको गुआङ्गडोङ्ग प्रान्तमा बुधबार बिहान एक कारखानामा भएको ग्यास विस्फोटमा परी १७ व्यक्तिको मृत्यु भएको छ। सो घटनामा अन्य ३३ जना कामदार घाइते भएका स्थानीय अधिकारीले जनाए।

जहाज समुद्रमा खसेको आशंका

जहाज समुद्रमा खसेको आशंका

जकार्ता– इन्डोनेसियाली अधिकारीले एयर एसियाको आइतबार बेपत्ता जहाज समुद्रमा खसेको आशंका गरेका छन्। उडान क्युजेड८५०१ को बेपत्ता जहाजको खोजीमा संलग्न वरिष्ठ अधिकारी बेमबेङ सोलिस्तियोले सोमबार प्रारम्भिक जानकारीका आधारमा जहाज समुद्रमा खसेको...

१२ सय किलोमिटर टाढाबाट बेइजिङमा पानी

१२ सय किलोमिटर टाढाबाट बेइजिङमा पानी

बेइजिङ– चीनको राजधानी बेइजिङमा शनिबार १२ सय किलोमिटर टाढाबाट खानेपानी आपूर्ति हुन थालेको छ। मध्यचीनमा निर्माण गरिएको विशाल बाँधमा पानी जम्मा गरी बेइजिङसम्म खानेपानी आपूर्ति गर्न थालिएको हो। राजधानी बेइजिङले शनिबार...