काठ तस्करीमा संलग्न २ प्रहरीसहित ४ पक्राउ

सोमबार, ०७ चैत २०७३, १४ : ०९ रोहित राई


धरान – अवैधरुपमा चिरान गरिएको काठ तस्करीमा सघाउ पुर्याएको आरोपमा २ प्रहरीसहित ४ जना पक्राउ परेका छन् । 
धरान २० स्थित विष्णुपादुकाको प्रस्तावित भवानीथान सामुदायिक वन क्षेत्रबाट अवैध काठ धरान बजार ल्याउँदै गर्दा आइतबार मध्यराती ढुवानीको साधनसहित स्थानीयले पक्राउ गरेर वन कार्यालयको जिम्मा लगाइदिएका हुन् । पक्राउ पर्नेहरुमा विष्णुपादुकास्थित प्रहरी चौकीमा कार्यरत हवल्दार खेमबहादुर कुँवर र जवान गंगा लिम्बु छन् । यस्तै, अवैध काठ तस्करीमा संलग्न धरान १८ का विवेक लिम्बु र गाडी चालक विराटनगर ५ का नरेन्द्र कार्की पनि समातिएको सेक्टर वन कार्यालयका प्रमखु ज्ञानकुमार लामाले जानकारी दिए । ‘अवैध काठ, बोलेरो, मोटरसाइकलसहित ४ जना नियन्त्रणमा छन्, अदालतबाट म्याद थप गरेर अनुसन्धान शुरु गछौं’–उनले भने । उनका अनुसार गाडीमा १८.९५ किबि काठ वरामद भएको छ ।

राती विरामी अस्पताल लैजान भन्दै गाडी सेन्टरबाट निकालेर काठ तस्करीमा प्रयोग भएको पनि प्रारम्भिक अनुसन्धानबाट खुलेको छ ।


वन कार्यालयका अनुसार को १ च ७३८१ नम्बरको बोलेरोमा चिरान काठ लोड गरेर धरानतर्फ ल्याइरहेका थिए । यो गाडी विष्णुपादुकास्थित के एन के एग्रिकल्चर एण्ड रिर्सच सेन्टर प्रालिको भएको पनि खुलेको छ । राती विरामी अस्पताल लैजान भन्दै गाडी सेन्टरबाट निकालेर काठ तस्करीमा प्रयोग भएको पनि प्रारम्भिक अनुसन्धानबाट खुलेको छ । यस्तै, प्रहरीले प्रयोग गरेको को ४ प ८००७ नम्बरको मोटरसाइकल पनि वनको नियन्त्रणमा छ । सोही मोटरसाइकलमा काठ तस्करीलाई प्रहरीले सुरक्षा दिएको स्थानीयको भनाई छ । 
प्रस्तावित भवानीथान वन समूह विष्णुपादुका इलाका वनअन्र्तगतमा पर्छ । प्रहरीसँगको मिलेमतोमा यसअघिदेखि नै सो क्षेत्रबाट रातको समयमा काठ तस्करी भइरहेको स्थानीयहरु बताउँछन् । विष्णुपादुका इलाका प्रमुख एवं सहायक वन अधिकृत नवराज थापाका अनुसार राती करिब ११ बजेट स्थानीयबाट सूचना आएपछि जिल्लाबाट गाडी मगाएर सशस्त्र वन रक्षकसहित टोली विष्णुपादुकातर्फ गएको थियो । करिब अढाई बजे वरडाँडा भन्ने ठाउँमा पुग्दा स्थानीयले काठसहितको गाडी र प्रहरीलाई नियन्त्रणमा लिइसकेको अवस्थामा फेला परेको उनले बताए । ‘हामी पुग्दा गाउँलेहरुले समातेर एउटा पसलको कोठामा राखेको अवस्था थियो, गाउँलेहरूले जिम्मा लगाएपछि धरान ल्यायौं । यथार्थ के हो बुझ्न बाँकी छ’–उनले भने । 
काठ तस्करी मिलेमतोको आरोपमा हवल्दारसहित २ प्रहरी समातिएपछि निलम्बन प्रक्रिया अघि बढाएर प्रहरीलेसमेत छुट्टै अनुसन्धान थालेको छ । इलाका प्रहरी कार्यालय धरानका प्रहरी निरीक्षक यमबहादुर पौडेल आफैँ सोमबार बिहान वन कार्यालय पुगेर चारै जनाको वयान लिएका थिए । ‘गम्भीर आरोपमा २ प्रहरी समातिएको छ, गल्ती गर्नेलाई बचाउने पक्षमा छैनौं । अनुसन्धानबाट दोषी देखियो भने कारबाही हुन्छ’–बयान लिएपछि पौडेलले भने । प्रहरी स्रोतका अनुसार पक्राउ परेका हवल्दार कुँवर र लिम्बुलाई पूर्वक्षेत्रीय प्रहरी कार्यालय विराटनगरले निलम्बन प्रक्रिया अघि बढाइसकेको छ । 
काठ तस्करी गर्ने विवेक लिम्बुले आफ्नो घर बनाउन सस्तोमा काठ पाएर ल्याएको प्रारम्भिक सोधपुछको क्रममा बयान दिएका छन् । विष्णुपादुकाकै सुदिप राई भन्ने व्यक्तिमार्फत काठ ल्याएको उनको भनाई छ । उनले ‘कागजात सबै छ भनेर आश्वास्त पारेर काठ लिन बोलाएर फसाएको’ बयान दिए पनि मध्यराती किन गएको भन्ने प्रश्नको जवाफ भने दिन सकेनन् । बोलेरो चालक कार्कीले भने एक जना प्रहरी नै आएर ‘सबै मिलिसकेको छ, चिन्ता लिनु पदैन’ भनेपछि काठ बोक्न गाडी लगेको स्वीकारे । उनले प्रहरीसमक्ष पनि यही वयान दिएको स्रोतले जनाएको छ । शुरुमा विरामी बोक्न भनेर गाडी लगेपनि पछि भने उनलाई तस्कर र प्रहरीले नै काठ बोक्न भन्दै भाडावापत १० हजार दिने प्रस्ताव गरेपछि राजी भएका थिए । आरोपित प्रहरी हवल्दार कुँवरले भने स्वास्थ्यकर्मी कमला राईले झगडा भयो भनेर फोन गरेपछि आफूहरू घटनास्थलमा गएको जिकिर गर्दै तस्करीमा संलग्नता नभएको बताए । ‘झगडा भयो भनेर फोन आएपछि हामी मोटरसाइकमा त्यता गयौं । खाली गाडी चौरीमा भेट्यौं,३ जना मान्छे पनि थियो । हामी फोन गर्ने मान्छेलाई खोज्न गयौं’–हवल्दार कुँवरले भने–‘फर्कदा त गाडी हिडिहाल्यो, पछि पछि आउदै गर्दा गाउँलेहरूले समाते । हामी फस्यौं ।’






यसमा तपाईको मत

अन्य समाचार

घरमा मोर्डन लाइटिंग

घरमा मोर्डन लाइटिंग

सही लाइटिंगको प्रयोगबाट घरलाई मोडर्न र नयाँ रुप दिन सकिन्छ । लाइटिंग मिलेको घर हेर्दामा साह्रै राम्रा हुन्छन । ...

वाशिंग मेसिन खरिद गाइड

वाशिंग मेसिन खरिद गाइड

वाशिंग मेसिन खरिद गर्दा ख्याल गर्नुपर्ने थुप्रै कुराहरु हुन्छन् | यस गाइड मार्फत तपाईले आफ्नो परिवारको लागि कस्तो फ्रिज खरिद...

घरेलु उपकरण सम्बन्धि सुरक्षा टिप्स

घरेलु उपकरण सम्बन्धि सुरक्षा टिप्स

घरेलु उपकरण सुरक्षित शैलीमा प्रयोग नगर्नाले ठूला ठूला दुर्घटना हुन सक्छ। यी सुझावहरु पालाना गर्नाले यस्तो दुर्घटना न्यून हुन्छ ।

फ्रिजको हेरचाह कसरी गर्ने?

फ्रिजको हेरचाह कसरी गर्ने?

फ्रिजको औसत आयु १३ वर्ष मानिन्छ | तर यी कुराहरु ध्यानमा राखेर फ्रिजलाई कथित औसत आयुभन्दा धेरै समयसम्म प्रयोग गर्न...

सलमान खानको नेपाल भ्रमण दोस्रो पटक स्थगित

सलमान खानको नेपाल भ्रमण दोस्रो पटक स्थगित

बलिउड अभिनेता सलमान खानको नेपाल भ्रमण दोस्रो पटक स्थगित भएको छ। आयोजक संस्था ओडीसी इन्टरनेसनलले सामाजिक सञ्जाल फेसबुक मार्फत विशेष...

‘मंगलम्’लाई पाँच अवार्ड

‘मंगलम्’लाई पाँच अवार्ड

डिजिटल मोडलमा बनेका फिल्मलाई प्रोत्साहित गर्न राजधानीमा बिहीबार आयोजना गरिएको १० औं संस्करणको ‘डि सिने अवार्ड २०७५’ फिल्म ‘मंगलम्’ले प्रतिस्पर्धामा...

प्रहरी र अपराधीबीचकोे ‘चक्कर’

प्रहरी र अपराधीबीचकोे ‘चक्कर’

अपराधको विषयबस्तु समेटेर तयार पारिएको फिल्म ‘चक्कर’को ट्रेलर र फस्टलुक सार्वजनिक भएको छ। राजधानीमा बिहीबार फिल्म युनिटले पत्रकारमाझ फस्टलुक र...

एकै स्टेजमा तीन विजेता

एकै स्टेजमा तीन विजेता

एउटै स्टेजमा एकसाथ तीन विजेता छानिने भएका छन्। ग्ल्याम वल्र्ड इन्टरटेनमेन्टले आगामी असार १ गते राजधानीमा आयोजना गर्न लागेको ‘मिस...