व्यापार रणनीतिकै वस्तुको निर्यात घट्यो

बिहिबार, २८ बैशाख २०७४, ०९ : ४० सन्तोष न्यौपाने  | @santyneupane


काठमाडौं- राज्यले निर्यात प्रवर्द्धन गर्न तयार पारेको नेपाल व्यापार एकीकृत रणनीति (एनटिआइएस) को सूचीमै रहेका वस्तुको निर्यात घटेको छ। चालु आर्थिक वर्षको नौ महिनामा उक्त सूचीमा राखिएका वस्तुमध्ये धेरैको निर्यात घटेको हो। एनटिआइएसमा रहेका वस्तुमा तीनवटा बाहेक अरु सबैको निर्यात घटेको छ। 

व्यापार तथा निकासी प्रवर्द्धन केन्द्रको तथ्यांक अनुसार चालु आर्थिक वर्षको पहिलो नौ महिनामा गत आर्थिक वर्ष २०७२/७३ को सोही अवधिको तुलनामा नेपाल एनटिआइएसमा रहेका वस्तुमध्ये धेरैको निर्यात घटेको हो।

अघिल्लो वर्ष सरकारले एनटिआइएस वस्तुको सूची परिमार्जन गर्दै नौ वस्तु र तीनवटा सेवालाई प्राथमिकतामा राखेको थियो। सरकारले उच्च प्राथमिकतामा राखेर सूची तयार पारी निर्यातमा जोड दिए पनि व्यवहारमा भने सफल भएको देखिएन।

उक्त सूचीमा अलैंची, अदुवा, चिया, फुटवेयर, पस्मिना, कार्पेट, टेक्सटाइल, यार्न र छालाका सामग्री रहेका छन्। तीन प्रकारका सेवामा अर्धदक्ष तथा दक्ष कामदार, पर्यटन र सूचना तथा बिजनेस प्रोसेस आउटसोर्सिङ रहेका छन्।

निर्यातका मुख्य वस्तु भनेर तयार पारिएका यी उत्पादनमध्ये नौ महिनाको अवधिमा चिया, यार्न र टेक्सटाइलबाहेक अरु सबैको निर्यात घटेको छ।

सबैभन्दा धेरै निर्यात घटेको वस्तुमा अदुवा रहेको छ। अदुवाको निर्यात झन्डै ४८ प्रतिशतले घटेको व्यापार तथा निकासी प्रवर्द्धन केन्द्रको तथ्यांकमा उल्लेख गरिएको छ। अघिल्लो वर्षको नौ महिनाको अवधिमा भन्दा यस आर्थिक वर्षमा ४७.७ प्रतिशतले घटेको तथ्यांकमा उल्लेख गरिएको छ। चालु आर्थिक वर्षको नौ महिनामा अदुवा १८ करोड ९२ लाख ८३ हजार रुपैयाँको निर्यात भएकोमा गत वर्षको सोही अवधिमा ३६ करोड १९ लाख ५५ हजार रुपैयाँको निर्यात भएको थियो।

मुख्य निर्यात हुने कार्पेट नौ महिनाको अवधिमा पाँच प्रतिशतले घटेको छ। चालु वर्षको नौ महिनामा कार्पेट जम्मा पाँच अर्ब ६५ करोड ५४ लाख रुपैयाँको निर्यात भएको छ। गत आर्थिक वर्षमा भने पाँच अर्ब ९७ करोड ७२ लाखभन्दा धेरैको निर्यात भएको थियो।

यस्तै, अलैंची अघिल्लो वर्षको सोही अवधिको तुलनामा झन्डै १३ प्रतिशतले निर्यात घटेको छ। चालु आर्थिक वर्षको नौ महिनामा २६ लाख नौ हजार सात सय केजी निर्यात भएको अलैंची निर्यातबाट तीन अर्ब आठ करोड ४१ लाख रुपैयाँ आर्जन भएको छ। गत आर्थिक वर्षमा भने तीन अर्ब ५४ करोड १०  लाख ६६ हजार रुपैयाँको निर्यात भएको थियो।

पस्मिनाको निर्यात पनि १३ प्रतिशतले घटेको छ। अघिल्लो आर्थिक वर्षमा दुई अर्ब १७ करोड ७१ लाख ८४ हजार निर्यात भएकोमा यस आर्थिक वर्षको पहिलो नौ महिनामा एक अर्ब ८९ करोड ३५ लाख १९ हजार रुपैयाँको मात्र निर्यात भएको छ।

जुत्ता–चप्पल (फुटवेयर)को निर्यात झन्डै दुई प्रतिशतले घटेको छ। यस वर्ष एक अर्ब १२ करोड ६८ हजार रुपैयाँको जुत्ता–चप्पल निर्यात भएको छ। अघिल्लो वर्ष भने एक अर्ब १४ करोड एक लाख रुपैयाँको निर्यात भएको थियो।

चियाको निर्यात भने २२ प्रतिशतले बढेको छ। अघिल्लो आर्थिक वर्षको पहिलो नौ महिनामा नौ अर्ब ५३ करोड ६ लाख रुपैयाँको ९८ लाख ८७ हजार नौ सय २४ किलो निर्यात भएको थियो। चालु आर्थिक वर्षमा भने एक अर्ब ८७ लाख ९४ हजारभन्दा धेरैको निर्यात भएको छ। यो ९३ लाख ९८ हजार तीन सय ४४ किलो हो।

यार्नको निर्यातमा पनि सुधार देखिएको छ। यस वर्षको नौ महिनामा ३२ प्रतिशतले निर्यात सुधार भएको छ। चालु आर्थिक वर्षको नौ महिनामा चार अर्ब ८१ लाख २० हजार रुपैयाँको निर्यात भएकोमा अघिल्लो नौ महिनामा भने तीन अर्ब ६४ करोड ४६ लाख ५० हजार रुपैयाँको निर्यात भएको थियो।

निर्यात बढेको अर्को वस्तु टेक्सटायल हो। यस वर्ष टेक्सटायलको निर्यातमा उल्लेख्य सुधार हुँदै ५९ प्रतिशतले बढेको छ। यस वर्ष तीन अर्ब ८५ करोड २४ लाख ९९ हजार रुपैयाँको निर्यात भएको टेक्सटायल अघिल्लो आर्थिक वर्ष दुई अर्ब ४१ करोड ८९ लाख ७० हजार रुपैयाँको निर्यात भएको थियो।

केन्द्रको तथ्यांक अनुसार आव २०७३/७४ को पहिलो नौ महिनाको अवधिमा नेपालको कुल वैदेशिक व्यापार अघिल्लो वर्षको सोही अवधिको तुलनामा ३५.९ प्रतिशतले वृद्धि भई सात खर्ब ८१ अर्ब २८ करोड पुगेको छ। चालु आर्थिक वर्ष २०७३/७४ को नौ महिनामा व्यापार घाटा ४१ प्रतिशतले वृद्धि भएको छ। समग्र निकासीमा सामान्य सुधार भए तापनि आयातमा देखिएको अत्याधिक वृद्धिका कारण व्यापार घाटा बढेर ६ खर्ब ७० अर्ब ७६ करोड पुगेको केन्द्रले जनाएको छ।






यसमा तपाईको मत

अन्य समाचार

घरमा मोर्डन लाइटिंग

घरमा मोर्डन लाइटिंग

सही लाइटिंगको प्रयोगबाट घरलाई मोडर्न र नयाँ रुप दिन सकिन्छ । लाइटिंग मिलेको घर हेर्दामा साह्रै राम्रा हुन्छन । ...

वाशिंग मेसिन खरिद गाइड

वाशिंग मेसिन खरिद गाइड

वाशिंग मेसिन खरिद गर्दा ख्याल गर्नुपर्ने थुप्रै कुराहरु हुन्छन् | यस गाइड मार्फत तपाईले आफ्नो परिवारको लागि कस्तो फ्रिज खरिद...

घरेलु उपकरण सम्बन्धि सुरक्षा टिप्स

घरेलु उपकरण सम्बन्धि सुरक्षा टिप्स

घरेलु उपकरण सुरक्षित शैलीमा प्रयोग नगर्नाले ठूला ठूला दुर्घटना हुन सक्छ। यी सुझावहरु पालाना गर्नाले यस्तो दुर्घटना न्यून हुन्छ ।

फ्रिजको हेरचाह कसरी गर्ने?

फ्रिजको हेरचाह कसरी गर्ने?

फ्रिजको औसत आयु १३ वर्ष मानिन्छ | तर यी कुराहरु ध्यानमा राखेर फ्रिजलाई कथित औसत आयुभन्दा धेरै समयसम्म प्रयोग गर्न...

अक्षय कुमार घाइते

अक्षय कुमार घाइते

बलिउड अभिनेता अक्षय कुमार घाइते भएका छन्। फिल्म ‘केसरी’को एक्सन सीनको शुटिङ्गका क्रममा उनी घाइते भएको भारतीय सञ्चारमाध्यमले जनाएका छन्।...

विश्वकै कान्छा निर्देशकद्वारा निर्देशित हैरानको टिजर सार्वजनिक

विश्वकै कान्छा निर्देशकद्वारा निर्देशित हैरानको टिजर सार्वजनिक

विश्वकै कान्छा निर्देशक सौगात विष्टले निर्देशन गरेको फिल्म हैरानको टिजर सार्वजनिक भएको छ । मुक्ति घले र श्रृष्टी घिमिरेको संयुक्त...

साउदीमा पहिलो पटक फेशन शो, दर्शक महिलामात्र

साउदीमा पहिलो पटक फेशन शो, दर्शक महिलामात्र

साउदी अरेबियामा पहिलोपटक फेशन शो भएको छ। साउदीको रियादमा सम्पन्न उक्त फेशन शोमा दर्शक भने महिलाहरूमात्र थिए।  उक्त फेसन शोमा सहभागी...

लिलि बिली : हिन्दी फिल्मको जोडजाड

लिलि बिली : हिन्दी फिल्मको जोडजाड

स्कटल्यान्ड तपाईंको ‘ड्रिम कन्ट्री’ हो र पर्दामै भए पनि त्यहाँका दृश्य देख्दा तपाईंको मन रमाउँछ भने ‘लिलि बिली’ हेर्नु राम्रै...