भारतसँग मैत्रीपूर्ण फुटबल हुने

बिहिबार, ०४ जेठ २०७४, ११ : १७ नागरिक


काठमाडौं – राष्ट्रिय पुरुष फुटबल टोलीले एक मैत्रीपूर्ण खेलका लागि यसै महिना छिमेकी भारतको भ्रमण गर्ने भएको छ ।
 
दक्षिण एसियाका दुई छिमेकीबीच मुम्बई फुटबल एरिना अफ अधेरी स्पोर्टस कम्प्लेक्सको मैदानमा जेठ २३ गते मैत्रीपूर्ण खेल हुने तय भएको अखिल नेपाल फुटबल संघ(एन्फा)ले बताएको छ । नेपाल र भारत दुवै देशले एएफसी एसिया कप २०१९ को छनोट प्रतियोगिताको तयारी गरिरहेका छन । 

अल इन्डिया फुटबल फेडरेसन (एआइएफए)ले मैत्रीपूर्ण खेलका लागि राखेको प्रस्ताव स्विकार्दै राष्ट्रिय टोली मुम्बई पठाउन लागेको एन्फाले जनाएको छ । तर भारतीय सञ्चार माध्यमले भने जेठ २४ गते लेबनानविरुद्ध हुने तय भएको खेल भिसा समस्याका कारण स्थगित भएपछि नेपाललाई प्रस्ताव गरेको उल्लेख गरेका छन् ।
 
एन्फाले एसियन कप छनोटको तयारीलाई मैत्रीपूर्ण खेलले सहयोग गर्ने विश्वास लिएको बताएको छ । नेपालले एएफसी एसियन छनोटअन्तर्गतको पहिलो खेलमा फिलिपिन्ससँग ४–१ को अवे पराजय भोगिसकेको छ । भारतले भने सुखद सुरुआत गर्ने क्रममा म्यानमारलाई अवे खेलमा १–० ले हराएको थियो । नेपालले जुन १३ मा यमनसँग खेल्नेछ । सोही दिन भारतले घरेलु मैदान बेङ्लोरमा किर्गिस्तानसँग खेल्नेछ । 

नेपालले छनोट खेलका लागि दुई साता अघि देखि जापानी प्रशिक्षक ग्याटुको कोजीको प्रशिक्षणमा तयारी सुरु गरिसकेको छ । प्रशिक्षक कोजीले बन्द प्रशिक्षणका लागि ३२ खेलाडीलाई बोलाएका थिए । तर प्रशिक्षणमा रक्षक रविन श्रेष्ठ, रोहित चन्द र गोलकिपर किरणकुमार लिम्बु सहभागी छैनन् । चोटका कारण रविन अहिले आराममा छन् । रोहित इन्डोनेसिया र किरण माल्दिभ्समा व्यावसायिक फुटबल खेलिरहेका छन् । 

भारतले पछिल्लो फिफा वरियतामा एक दशक यताकै उच्च छलाङ मार्ने क्रममा १ सयौं स्थानमा उक्लिएको थियो । १ सय ७०आैँ स्थानमा रहेको नेपालको नतिजा भारतविरुद्ध सुखद छैन । यसअघि १९ पटक आमने–सामने हुँदा नेपालले चिर प्रतिद्वन्द्वी भारतसँग १३ खेलमा हार सामना गरेको छ । छिमेकी महारथीविरुद्ध तीन जित हासिल गरेको नेपालले तीन खेलमा बराबरी नतिजा निकालेको इतिहास छ । विगतका १९ खेलमा भारतले ३२ गोल गरेको छ भने नेपालले ८ गोलमात्र गर्न सकेको छ । 

२०१३ मा काठमाडौंमा सम्पन्न आठौं साफ च्याम्पियनसिपमा हासिल गरेको जित भारतविरुद्ध नेपालको पछिल्लो सफलता हो । अनिल गुरुङ र जुमानु राईको गोलमा त्यतिबेला नेपालले भारतमाथि २–० को विजयी नतिजा निकालेको थियो । पछिल्लो पटक भारतमा भएको साफ च्याम्पियनसिपको समूह चरणमा दुई टोलीबीच भेट हुँदा भारत ४–१ ले विजयी भएको थियो । 






यसमा तपाईको मत

अन्य समाचार

घरमा मोर्डन लाइटिंग

घरमा मोर्डन लाइटिंग

सही लाइटिंगको प्रयोगबाट घरलाई मोडर्न र नयाँ रुप दिन सकिन्छ । लाइटिंग मिलेको घर हेर्दामा साह्रै राम्रा हुन्छन । ...

वाशिंग मेसिन खरिद गाइड

वाशिंग मेसिन खरिद गाइड

वाशिंग मेसिन खरिद गर्दा ख्याल गर्नुपर्ने थुप्रै कुराहरु हुन्छन् | यस गाइड मार्फत तपाईले आफ्नो परिवारको लागि कस्तो फ्रिज खरिद...

घरेलु उपकरण सम्बन्धि सुरक्षा टिप्स

घरेलु उपकरण सम्बन्धि सुरक्षा टिप्स

घरेलु उपकरण सुरक्षित शैलीमा प्रयोग नगर्नाले ठूला ठूला दुर्घटना हुन सक्छ। यी सुझावहरु पालाना गर्नाले यस्तो दुर्घटना न्यून हुन्छ ।

फ्रिजको हेरचाह कसरी गर्ने?

फ्रिजको हेरचाह कसरी गर्ने?

फ्रिजको औसत आयु १३ वर्ष मानिन्छ | तर यी कुराहरु ध्यानमा राखेर फ्रिजलाई कथित औसत आयुभन्दा धेरै समयसम्म प्रयोग गर्न...

अस्मिता ‘राइजिङ स्टार’

अस्मिता ‘राइजिङ स्टार’

जधानीको गोल्फुटारस्थित लोयल्टी एकेडेमीमा अध्ययनरत अस्मिता खड्का यो वर्षको ‘राइजिङ स्टार’ विजेता बनेकी छन्। ...

प्रेमध्वजलाई ‘अजर अमर सम्मान’

प्रेमध्वजलाई ‘अजर अमर सम्मान’

गायक तथा संगीतकार प्रेमध्वज प्रधानलाई ‘अजर अमर सम्मान २०७५’ बाट सम्मान गरिने भएको छ । संगीतकार संघ नेपालले शुक्रबार काठमाडौंबाट...

‘प्रेमवाणी’मा मिथुन–आरोही जोडी

‘प्रेमवाणी’मा मिथुन–आरोही जोडी

पछिल्लो समयमा प्रेमकथाका फिल्म बन्ने र रिलिज हुने क्रम बढ्दो छ । यही मेसोमा प्रेमकथाकै कुरा बोल्ने नयाँ फिल्म ‘प्रेमवाणी’को...

बिटुडी र प्रितमलाई एक लाख

बिटुडी र प्रितमलाई एक लाख

आगामी जेठ १८ गतेबाट प्रदर्शनमा आउने फिल्म ‘बेबी आइ लभ यू’को गीत ‘कान्छी मायालु’ गाउने र यसको उत्कृष्ट कभर भिडियो...