सिटीको लगभग पक्का, आर्सनल दौडमा कायम

बिहिबार, ०४ जेठ २०७४, ११ : ३० एजेन्सी


लन्डन –   स्ट्राइकर एलेक्स सान्चेजको दुई गोल प्रेरित आर्सनलले मंगलबार रेलिगेसनमा परिसकेको सन्डरल्यान्डमाथि २–० को जित हासिल गर्दै अर्को वर्षको च्याम्पियन्स लिगमा छनोट हुने आशा जीवित राखेको  छ ।

घरेलु इमिरेट्स रंगशालामा सम्पन्न खेलको ७२औं मिनेटमा सान्चेजले मेसुट ओजिलको पासलाई गोलमा परिणत गरेपछि आर्सनलले अग्रता लिएको थियो । 

८१औं मिनेटमा व्यक्तिगत दोस्रो गोल गर्दै सान्चेजले आर्सनलका लागि महत्वपूर्ण ३ अंक पक्का गरे । ओलिभर जिरौडको प्रहार विपक्षी गोलकिपले रोकेपछि रिबाउन्डमा प्राप्त बललाई सान्चेजले पोस्टको दिशा दिएका थिए । जारी सिजनमा उनको यो २२औं गोल हो । 

यस जितपछि ३७ खेलको समाप्तिमा ७२ अंक जोडेको आर्सनल पाँचांै स्थानमा यथावत् छ, जुन चौथो स्थानको लिभरपुलभन्दा १ अंक कम हो । इङ्लिस प्रिमियर लिगको शीर्ष ४ मा रहँदै अर्को वर्ष च्याम्पियन्स लिग खेल्न आर्सनलले आइतबार एभर्टनको घरेलु मैदानमा हुने लिगको अन्तिम खेल जित्नुपर्ने हुन्छ । साथै लिभरपुलले रेलिगेसनमा परिसकेको अर्को टोली मिडल्सब्रोसँगको खेल हारेको हेर्न पाउनुपर्ने हुन्छ । तर अन्तिम चरणको नतिजापछि अंक बराबरी गरे पनि योर्गान क्लोपको टोली आर्सनलभन्दा गोलअन्तरमा माथि छ । 

३७ खेलको समाप्तिमा २४ अंक जोडेको सन्डरल्यान्ड पुछारमा कायम छ । 

‘हामीले अन्तिम दिनको खेलबाट धेरै पटक च्याम्पियन्स लिगमा स्थान सुरक्षित गरेका छांै,’ आर्सनलका प्रशिक्षक आर्सेन वेंगरले भने, ‘हामीले ७१ अंक जोड्दा पनि दोस्रो भएका थियौं, अहिले ७२ जोडिसकेका छौं र ७५ पु¥याउने लक्ष्यमा छौं । त्यसपछि के हुन्छ हेरौं ।’

इमिरेट्स रंगशालामा मंगलबार राति अधिकांश कुर्सी खाली थिए । जारी सिजनमा लगातार खराब प्रदर्शन गरेपछि आर्सनलका समर्थकहरू प्रशिक्षक वेंगरसंग रुष्ट बन्दै आएका छन् । उनीहरूले तत्काल वेंगरले प्रशिक्षकबाट राजीनामा दिनुपर्ने माग राख्दै आएका छन् । घरेलु टोलीले सन्डरल्यान्डविरुद्ध जित हात पार्न धेरै संघर्ष गर्नुपरेको थियो । 

पहिलो हाफमा हेक्टर बेलेरिनको प्रहार पोस्टनजिकैबाट बाहिरिँदा आर्सनल निराश बनेको थियो । मध्यान्तरअघि त्यो नै घरेलु टोलीले विपक्षी पोस्टमा गरेको एक मात्र राम्रो आक्रमण थियो । 

तर सन्डरल्यान्डले काउन्टर अट्याकमा दुई खतरनाक प्रहार गर्दै आर्सनललाई दबाब दिएको थियो । डिडियर एनडोङ र जेर्माइन डिफोको प्रहार आर्सनलका गोलकिपर पिटर चेकले विफल पारेका थिए । 

दोस्रो हाफमा पनि सन्डरल्याान्डका गोलकिपर जोर्डन पिकफोर्डले आरोन रामसे र ड्यानी वेलब्याकको प्रहार रोक्दै घरेलु टोलीलाई निराश पारेका थिए ।

मंगलबारै सम्पन्न अर्को खेलमा वेस्ट ब्रोमलाई ३–१ ले पराजित गर्दै म्यानचेस्टर सिटी शीर्ष ४ मा रहेर सिजनको अन्त्य गर्ने संघारमा पुगेको छ । 

घरेलु इत्तिहाद रंगशालामा सम्पन्न खेलको २७औं मिनेटमा ग्याब्रियल जिससले गोल गरेपछि सिटीले अग्रता लिएको थियो । उनले केभिन डी ब्रुएनेको पासलाई पोस्टको दिशा दिएका थिए । 

त्यसको २ मिनेटपछि डी ब्रुयेनेले जिससको पासमा गोल गर्दै सिटीको अग्रता दोब्बर पारे । ५७औं मिनेटमा सर्जियो अग्वेरोको पासमा याया टाउरेले गोल गर्दै सिटीको जित लगभग पक्का गरेका थिए । जहाँ खेल सकिन तीन मिनेट बाँकी रहँदा एलान नियोनको पासमा रोब्सन कानुले एक गोल फर्काए पनि त्यो वेस्ट ब्रोमलाई खेलमा फर्काउन पर्याप्त भएन ।

जितपछि ३७ खेलको समाप्तिमा ७५ अंक जोडको सिटी तेस्रो स्थानमा उक्लिएको छ । आइतबार वाट्फोर्डविरुद्धको खेलमा एक अंक मात्र जोडे पनि सिटीको शीर्ष ४ पक्का हुनेछ । साथै उक्त खेल जित्न सके पेप ग्वार्डिओलाको टोलीले तेस्रो स्थान सुरक्षित गर्नेछ । प्रिमियर लिगको शीर्ष तीनमा रहेर सिजन अन्त्य गर्ने टोली सोझै आगामी सिजनको च्याम्पियन्स लिगलाई छानिन्छन् भने चौथो हुने टोलीले प्लेअफ खेल्नुपर्नेछ ।






यसमा तपाईको मत

अन्य समाचार

घरमा मोर्डन लाइटिंग

घरमा मोर्डन लाइटिंग

सही लाइटिंगको प्रयोगबाट घरलाई मोडर्न र नयाँ रुप दिन सकिन्छ । लाइटिंग मिलेको घर हेर्दामा साह्रै राम्रा हुन्छन । ...

वाशिंग मेसिन खरिद गाइड

वाशिंग मेसिन खरिद गाइड

वाशिंग मेसिन खरिद गर्दा ख्याल गर्नुपर्ने थुप्रै कुराहरु हुन्छन् | यस गाइड मार्फत तपाईले आफ्नो परिवारको लागि कस्तो फ्रिज खरिद...

घरेलु उपकरण सम्बन्धि सुरक्षा टिप्स

घरेलु उपकरण सम्बन्धि सुरक्षा टिप्स

घरेलु उपकरण सुरक्षित शैलीमा प्रयोग नगर्नाले ठूला ठूला दुर्घटना हुन सक्छ। यी सुझावहरु पालाना गर्नाले यस्तो दुर्घटना न्यून हुन्छ ।

फ्रिजको हेरचाह कसरी गर्ने?

फ्रिजको हेरचाह कसरी गर्ने?

फ्रिजको औसत आयु १३ वर्ष मानिन्छ | तर यी कुराहरु ध्यानमा राखेर फ्रिजलाई कथित औसत आयुभन्दा धेरै समयसम्म प्रयोग गर्न...

अस्मिता ‘राइजिङ स्टार’

अस्मिता ‘राइजिङ स्टार’

जधानीको गोल्फुटारस्थित लोयल्टी एकेडेमीमा अध्ययनरत अस्मिता खड्का यो वर्षको ‘राइजिङ स्टार’ विजेता बनेकी छन्। ...

प्रेमध्वजलाई ‘अजर अमर सम्मान’

प्रेमध्वजलाई ‘अजर अमर सम्मान’

गायक तथा संगीतकार प्रेमध्वज प्रधानलाई ‘अजर अमर सम्मान २०७५’ बाट सम्मान गरिने भएको छ । संगीतकार संघ नेपालले शुक्रबार काठमाडौंबाट...

‘प्रेमवाणी’मा मिथुन–आरोही जोडी

‘प्रेमवाणी’मा मिथुन–आरोही जोडी

पछिल्लो समयमा प्रेमकथाका फिल्म बन्ने र रिलिज हुने क्रम बढ्दो छ । यही मेसोमा प्रेमकथाकै कुरा बोल्ने नयाँ फिल्म ‘प्रेमवाणी’को...

बिटुडी र प्रितमलाई एक लाख

बिटुडी र प्रितमलाई एक लाख

आगामी जेठ १८ गतेबाट प्रदर्शनमा आउने फिल्म ‘बेबी आइ लभ यू’को गीत ‘कान्छी मायालु’ गाउने र यसको उत्कृष्ट कभर भिडियो...