‘फाटेको जुत्ता’ मा बेरोजगार सौगात

शुक्रबार, ०५ जेठ २०७४, ११ : १४ नागरिक


काठमाडौं – सौगात मल्ल र प्रियंका कार्कीको मुख्य भूमिका रहने ‘फाटेको जुत्ता’को मुहुर्त गरिएको छ । बिहीबार भैंसेपाटीको कार्यविनायकमा पूजा गर्दै फिल्म घोषणा गरिएको हो । बेरोजगार युवालाई  फाटेको जुत्तासँग तुलना गर्दै तयार भएको फिल्मको समारोहमा सौगात र प्रियंकाले मुहुर्त सट दिएका थिए । मधेशको परिवेशमा निर्माण हुने फिल्ममा सौगात र प्रियंका दुवै मधेशी चरित्रमा देखिनेछन् । 

सौगातले फिल्मभित्र आफू बेरोजगार मधेशी युवाको भूमिकामा प्रस्तुत हुन लागेको जानकारी गराए । ‘एउटा सामान्य युवाको भूमिका गर्दैछु । हाँस्य श्रेणीको फिल्ममा जसरी फाटेको जुत्ताले कुनै पनि व्यक्तिको हैसियत बताउँछ, मेरो चरित्रमा त्यस्तै नै छ । तर, फाटेको जुत्ता कत्तिको उपयोगी हुन्छ, फिल्म यसैको सेरोफेरोमा बनेको छ,’ सौगातले भने । 

फिल्ममा प्रियंकाले भने भिलेनको छोरीको रुपमा अभिनय गरेकी छिन् । पहिलो पल्ट तराईको परिवेशमा काम गर्न लागेकी प्रियंकाले आफू फिल्मका लागि उत्साहित रहेको बताइन् । 

फिल्मलाई निकेश खड्काले निर्देशन गरेका हुन् । ‘जिन्दगी रक्स’ निर्देशन गरेका निकेशको यो दोस्रो फिल्म हो । थुप्रै म्युजिक भिडियो निर्देशन गरेका निकेशले फिल्ममा तराईको दैनिकीसँगै त्यो दैनिकीमा अभ्यस्त एक चरित्रको कथा प्रस्तुत गर्न लागेको बताए । 

‘जुत्तालाई हामीले प्रतीकको रुपमा प्रयोग गरेका छौं । कतिपय मानिस फाटेको जुत्ताजस्तै अनुपयोगी र प्रतिष्ठाविहीन ठानिन्छन् तर मौकामा त्यही कुराले पनि ठाउँमा ठूलो काम गर्छ । फिल्मको मुख्य पात्र कथाको पनि यस्तै यस्तै नै छ ,’ खड्काले भने । फिल्मलाई अर्जुन कुमारले निर्माण गर्न लागेका हुन् । तीन वर्षअघि घोषणा भएको फिल्म बल्ल सुटिङमा जान लागेको हो । अर्जुन कुमारले फिल्मलाई आफ्नो ‘ड्रिम प्रोजेक्ट’ रहेको बताए । 

वीरगन्जमा ३५ दिनको सेड्युल राखेर फ्लोरमा जान लागेको फिल्मको सुटिङ ७ गतेबाट सुरु हुनेछ । निरज महर्जनले लेखेको फिल्ममा कामेश्वर चौरसिया र रवीन्द्र झा पनि महत्वपूर्ण भूमिकामा देखिनेछन् । शंकर थापाको संगीत रहेको फिल्मलाई निरज कँडेलले छायांकन गर्नेछन् । फिल्मको एक गीतमा मलिना जोशीले पनि अभिनय गर्नेछिन् । 

 






यसमा तपाईको मत

अन्य समाचार

घरमा मोर्डन लाइटिंग

घरमा मोर्डन लाइटिंग

सही लाइटिंगको प्रयोगबाट घरलाई मोडर्न र नयाँ रुप दिन सकिन्छ । लाइटिंग मिलेको घर हेर्दामा साह्रै राम्रा हुन्छन । ...

वाशिंग मेसिन खरिद गाइड

वाशिंग मेसिन खरिद गाइड

वाशिंग मेसिन खरिद गर्दा ख्याल गर्नुपर्ने थुप्रै कुराहरु हुन्छन् | यस गाइड मार्फत तपाईले आफ्नो परिवारको लागि कस्तो फ्रिज खरिद...

घरेलु उपकरण सम्बन्धि सुरक्षा टिप्स

घरेलु उपकरण सम्बन्धि सुरक्षा टिप्स

घरेलु उपकरण सुरक्षित शैलीमा प्रयोग नगर्नाले ठूला ठूला दुर्घटना हुन सक्छ। यी सुझावहरु पालाना गर्नाले यस्तो दुर्घटना न्यून हुन्छ ।

फ्रिजको हेरचाह कसरी गर्ने?

फ्रिजको हेरचाह कसरी गर्ने?

फ्रिजको औसत आयु १३ वर्ष मानिन्छ | तर यी कुराहरु ध्यानमा राखेर फ्रिजलाई कथित औसत आयुभन्दा धेरै समयसम्म प्रयोग गर्न...

अक्षय कुमार घाइते

अक्षय कुमार घाइते

बलिउड अभिनेता अक्षय कुमार घाइते भएका छन्। फिल्म ‘केसरी’को एक्सन सीनको शुटिङ्गका क्रममा उनी घाइते भएको भारतीय सञ्चारमाध्यमले जनाएका छन्।...

विश्वकै कान्छा निर्देशकद्वारा निर्देशित हैरानको टिजर सार्वजनिक

विश्वकै कान्छा निर्देशकद्वारा निर्देशित हैरानको टिजर सार्वजनिक

विश्वकै कान्छा निर्देशक सौगात विष्टले निर्देशन गरेको फिल्म हैरानको टिजर सार्वजनिक भएको छ । मुक्ति घले र श्रृष्टी घिमिरेको संयुक्त...

साउदीमा पहिलो पटक फेशन शो, दर्शक महिलामात्र

साउदीमा पहिलो पटक फेशन शो, दर्शक महिलामात्र

साउदी अरेबियामा पहिलोपटक फेशन शो भएको छ। साउदीको रियादमा सम्पन्न उक्त फेशन शोमा दर्शक भने महिलाहरूमात्र थिए।  उक्त फेसन शोमा सहभागी...

लिलि बिली : हिन्दी फिल्मको जोडजाड

लिलि बिली : हिन्दी फिल्मको जोडजाड

स्कटल्यान्ड तपाईंको ‘ड्रिम कन्ट्री’ हो र पर्दामै भए पनि त्यहाँका दृश्य देख्दा तपाईंको मन रमाउँछ भने ‘लिलि बिली’ हेर्नु राम्रै...