चर्चित खेलाडी ताक्दै चिनियाँ क्लब

सोमबार, ०५ असार २०७४, ०८ : ३७ नागरिक


सांघाई(एएफपी)– विश्व फुटबलमा नाम चलेका केही खेलाडी चीन आउने खबर सार्वजनिक भइरहेको छ। तर सोमबारबाट खुल्ने सरुवामा बजारमा खेलाडी स्थानान्तरणमा क्लबले खर्च गर्ने रकममा १ सय प्रतिशत कर लाग्ने भएपछि यसले सरुवा बजार अझ धेरै तताउने देखाएको छ ।

हाल म्यानचेस्टर युनाइटेडका वाइन रुनी, चेल्सीका डिएगो कोस्टा र बोरुसिया डर्टमन्डका पिएरे इमरिक औबामेयाङजस्ता विश्व चर्चित स्ट्राइकर चाइनिज सुपर लिग (सिएसएल) आउन चाहेको खबर सार्वजनिक हुँदै आएको छ । यसले हालैको सिजन विश्व चर्चित खेलाडी भिœयाउन कीर्तिमानी रकम खर्चेका चाइनिज सुपर लिग टोलीले यस सिजन पनि ठूलो रकम खर्चने देखाएको छ ।

गत सिजन सांघाई एसआइपिजीले ब्राजिलियन मिडफिल्डर ओस्कारलाई चेल्सीबाट टोलीमा भिœयाउन ६० लाख युरो खर्चेको थियो । त्यस्तै सांघाई सिन्ह्वाले अर्जेन्टिनी स्ट्राइकर कार्लोस टेभेजलाई बोका जुनियर्सबाट कीर्तिमानी रकममा भित्र्याएको थियो । जनवरी– फेब्रुअरीमा खुलेको सरुवा बजारमा चिनियाँ क्लबहरूले खेलाडी भित्र्याउन ३८ करोड ८० लाख युरो खर्चेका थिए ।

तर मेमा चाइनिज फुटबल एसोसिएसन सिएफएले मोटो रकम खर्चमा अंकुश लगाउँदै घाटामा रहेका क्लबलाई खेलाडी भिœयाउँदा १ सय प्रतिशत जरिवाना लगाउने निर्णय लिएको थियो । जुन आम्दानी सरकारले सञ्चालन गरेको कोशमा जम्मा हुनेछ ।

अर्को सिजन हुने प्रत्येक खेलमा क्बलहरूले विदेशी खेलाडी भन्दा यु–२३ का धेरै खेलाडी मैदान उतार्नुपर्नेछ। तर उक्त खेलाडीले राष्ट्रिय टोलीबाट कम्तीमा तीन खेल खेलिसकेको हुनुपर्नेछ ।

फुटबल संघले कार्यान्वयनमा ल्याएको नियम पालना गर्न क्लबले विभिन्न बाहानाबाजी गरेपछि यसै हप्ता सिएफएले पहिलाको नियम संशोधन गर्ने प्रस्ताव अघि सारेको छ ।

चिनियाँ फुटबल विश्लेषकहरूले नयाँ नियमले क्लबले नयाँ खेलाडी भिœयाउन खर्चने रकममा कटौती हुने र पहिलाको जस्तै करिबकरिब खेलजीवनको अन्त्यमा आइसकेका खेलाडीलाई भिœयाउनका प्रोत्साहन गर्ने बताउँदै आएका छन् ।

‘फुटबल संघले लागू गरेको नयाँ नियमले सिएसएलमा करिबकरिब खेलजीवनको अन्त्यमा आइसकेका धेरैभन्दा धेरै खेलाडी भिœयाउन मद्दत गर्छ र मेरो विचारमा अर्को सिजनबाट हामीले वाइन रुनीजस्ता खेलाडी सिएसएलमा भिœयाएको हेर्न सक्नेछौं,’ खेलकुदको क्षेत्रमा लगानी गर्दै आएको मेलम्यानका खेलकुद निर्देशक एन्डे स्ट्रोङले भने, ‘फाबियो कापेलोले भर्खरै प्रशिक्षकका रूपमा जियाङसु सुनिङको प्रशिक्षण सम्हालेका छन् । रुनी सरुवा बजारमा उपलब्ध हुनेछन् । अन्तर्राष्ट्रिय फुटबलकै यो चर्चित नाम हो र उनलाई चिनियाँ लिगमा भिœयाउँदा समग्र सिएसएलकै प्रतिष्ठा बढ्नेछ ।’

 






यसमा तपाईको मत

अन्य समाचार

घरमा मोर्डन लाइटिंग

घरमा मोर्डन लाइटिंग

सही लाइटिंगको प्रयोगबाट घरलाई मोडर्न र नयाँ रुप दिन सकिन्छ । लाइटिंग मिलेको घर हेर्दामा साह्रै राम्रा हुन्छन । ...

वाशिंग मेसिन खरिद गाइड

वाशिंग मेसिन खरिद गाइड

वाशिंग मेसिन खरिद गर्दा ख्याल गर्नुपर्ने थुप्रै कुराहरु हुन्छन् | यस गाइड मार्फत तपाईले आफ्नो परिवारको लागि कस्तो फ्रिज खरिद...

घरेलु उपकरण सम्बन्धि सुरक्षा टिप्स

घरेलु उपकरण सम्बन्धि सुरक्षा टिप्स

घरेलु उपकरण सुरक्षित शैलीमा प्रयोग नगर्नाले ठूला ठूला दुर्घटना हुन सक्छ। यी सुझावहरु पालाना गर्नाले यस्तो दुर्घटना न्यून हुन्छ ।

फ्रिजको हेरचाह कसरी गर्ने?

फ्रिजको हेरचाह कसरी गर्ने?

फ्रिजको औसत आयु १३ वर्ष मानिन्छ | तर यी कुराहरु ध्यानमा राखेर फ्रिजलाई कथित औसत आयुभन्दा धेरै समयसम्म प्रयोग गर्न...

सलमानको जमानत वारेन्ट रद्द

सलमानको जमानत वारेन्ट रद्द

१६ वर्ष पुरानो हिट एण्ड रन मुद्दामा बलिउड अभिनेता सलमान खानको जमानत वारेन्ट खारेज भएको छ। यससँगै उनलाई प्रहरीले पक्राउ...

राजेश हमाल बने राज थारुका अभिभावक

राजेश हमाल बने राज थारुका अभिभावक

नेपाली चलचित्रका नायक राजेश हमालले एक बालकलाई शुक्रबार विद्यालय भर्ना गरेका छन्। हमालले बुद्धभूमि नगरपालिका तथा जिल्ला प्रशासन कार्यालय, शिक्षा...

‘हामी सिकाउँछौं पेनाल्टी हान्न ’

‘हामी सिकाउँछौं पेनाल्टी हान्न ’

नकआउट चरणको फुटबलमा निर्धारित समय र थप गरिएको अतिरिक्त समय बराबरीमा टुंगियो भने निर्णयार्थ खेल पेनाल्टी सुटआउटमा धकेलिन्छ। ...

वैशाख पूर्णिलाई बनाऔँ विश्व ध्यान दिवस

वैशाख पूर्णिलाई बनाऔँ विश्व ध्यान दिवस

आज भन्दा पच्चिस सय ६३ वर्ष अघि वैशाख पूर्णिमाका दिन सिद्धार्थ गौतमको लुम्बिनीस्थित साल वनमा जन्म भयो । ...